ທ່ານອັບບັສເວົ້າວ່າກຽມມອບອຳນາດຄວບຄຸມກອງທັບປ້ອງກັນຄວາມປອດໄພປາເລັສຕີນສ່ວນຫຼາຍໃຫ້ລັດຖະບານຊຸດໃໝ່
cri
Author: min
ຕາມຂ່າວCRI: ຫວ່າງມໍ່ໆນີ້, ທ່ານອັບບັສ ປະທານອົງການອຳນາດແຫ່ງຊາດປາເລັສຕີນກ່າວວ່າ, ທ່ານກຽມຈະມອບອຳນາດຄວບຄຸມກອງທັບປ້ອງກັນຄວາມປອດໄພປາເລັສຕີນສ່ວນຫຼາຍໃຫ້ລັດຖະບານຊຸດໃໝ່ທີ່ ກຸ່ມຮາມັສຮັບຜິດຊອບສ້າງຕັ້ງຂຶ້ນໃນໄວໆນີ້.
ວັນທີ 1 ມີນາ, ໜັງສືພິມຮາອາເຣສຂອງອິດສະລາແອນແຈ້ງຂ່າວວ່າ, ຕົ້ນອາທິດນີ້, ທ່ານອັບບັສເວົ້າຕໍ່ສະຖານີໂທລະພາບອັນຈາຊີລາຂອງກາຕາວ່າ, ໃນອົງການຕ່າງໆຂອງກອງທັບປ້ອງກັນຄວາມປອດໄພປາເລັສຕີນ, ທ່ານຈະຄວບຄຸມແຕ່ອົງການຂ່າວກອງ.
ກ່ອນໜ້ານີ້, ການແບ່ງອຳນາດຄວບຄຸມກອງທັບປ້ອງກັນຄວາມປອດໄພແນວໃດແມ່ນຂໍ້ຂັດແຍ່ງທີ່ໃຫຍ່ກວ່າໝູ່ລະຫວ່າງທ່ານອັບບັສແລະກຸ່ມຮາມັສ, ນີ້ແມ່ນທ່ານອັບບັສປະກາດທ່ານເປັນເທື່ອທຳອິດວ່າກຽມປະລະອຳນາດຄວບຄຸມ ກອງທັບປ້ອງກັນຄວາມປອດໄພສ່ວນຫຼາຍ.
|
|