|
|
 |
| (GMT+08:00)
2006-03-02 18:10:17
|
 |
|
ແພດສາດຈີນແລະຢາພື້ນເມືອງຈີນເສີມຂະຫຍາຍບົດບາດສຳຄັນໃນລະບົບສາທາລະນະສຸກຊົນນະບົດຈີນ(ສຽງ)
cri
Author: shuo
|
ແພດສາດຈີນແລະຢາພື້ນເມືອງຈີນໄດ້ມີປະຫວັດ5ພັນກວ່າປີແລ້ວ,ມັນແມ່ນພາກສ່ວນປະກອບອັນສຳຄັນຂອງວັດທະນະທຳດັ້ງເດີມປະຊາຊາດຈີນ,ໄດ້ຮັບຄວາມໄວ້ເນື້ອເຊື່ອໃຈຈາກຊາວຈີນ.ເຖິງວ່າໃນຊູ່ມື້ນີ້,ແພດສາດຕາເວັນຕົກໃນຍຸກປັດຈຸບັນໄດ້ກາຍເປັນວິທີສຳ ຄັນໃນການປິ່ນປົວພະຍາດແລ້ວກໍຕາມ,ແຕ່ແພດສາດຈີນແລະຢາພື້ນເມືອງຈີນຍັງໄດ້ເສີມຂະຫຍາຍບົດບາດສຳຄັນຢູ່ຈີນຍ້ອນມີຈຸດພິເສດຕ່າງໆ ເຊັ່ນມີວິທີປິ່ນປົວພະຍາດຫຼາຍຢ່າງຫຼາຍແນວແລະໄດ້ຮັບຜົນຢ່າງເດັ່ນຊັດແລະທັງລາຄາກໍຖືກກວ່າ.
ຫວ່າງກ່ອນນີ້ບໍ່ດົນ,ນັກຂ່າວໄດ້ໄປເອົາຂ່າວອກ່ຽວກັບເລື່ອງນີ້ຢູ່ຊົນນະບົດແຂວງເຊສວນທາງພາກຕາເວັນຕົກສຽງໃຕ້ຂອງຈີນ.
ນາງຢູມີງອີ່ງແມ່ນຊາວກະສິກອນບ້ານຢົງເຊີ້ງ ເມືອງຕູ່ຈ່ຽງອ້ຽນແຂວງເຊສວນ,ເມື່ອຫ້າປີກ່ອນນາງໄດ້ເປັນພະຍາດຖົງບີອັກເສບຊຳເຮື້ອ.ໃນຫຼາຍປີມານີ້,ນາງໄດ້ກິນຢາພື້ນເມືອງຈີນໂດຍຕະຫຼອດ,ປີໜຶ່ງຄ່າຢາກໍມີແຕ່ປະມານຮ້ອຍຢວນເທົ່ານັ້ນ,ແຕ່ໄດ້ຮັບຜົນດີຫຼາຍ. ນາງເວົ້າວ່າ:"ສອງສາມມື້ກ່ອນ,ຂ້ອຍໄດ້ເປັນຫວັດ,ເຮັດໃຫ້ຮູ້ສຶກເຈັບທ້ອງບ່ອນຖົງບີ, ຂ້ອຍກໍຟ້າວກິນຢາໂລດ,ພະຍາດຖົງບີອັກເສບຈຶ່ງບໍ່ໄດ້ກຳເລີບຂຶ້ນ.ທຳມະດາແລ້ວໃນເວ ລາເຈັບໄຂ້ໄດ້ພະຍາດ,ຂ້ອຍກໍກິນຢາພື້ນເມືອງຈີນ."
ໃນເວລາໄປເອົາຂ່າວຢູ່ສຸກສາລາບ້ານຢູ້ທາງທີ່ມໍ່ກັບບ້ານຢົງເຊີ້ງ,ນັກຂ່າວໄດ້ສັງເກດເຫັນວ່າ,ໄທບ້ານທີ່ມາກວດພະຍາດ,ສ່ວນຫຼາຍມັກເລືອກປົວແບບຈີນ.ນາງລໍພີງ ໄທບ້ານຜູ້ໜຶ່ງໄດ້ບອກໃຫ້ນັກຂ່າວຊາບວ່າ."ກິນຢາພື້ນເມືອງຈີນມີຜົນທາງລົບໜ້ອຍ,ໄດ້ຜົນດີ,ທັງລາຄາກໍຖືກ.ສະນັ້ນ,ພວກເຮົາໃຜກໍກິນຢາພື້ນເມືອງຈີນ."
ຜົນການສຳຫຼວດລາຍໜຶ່ງສະແດງໃຫ້ເຫັນວ່າ,ຢູ່ເຂດຊົນນະບົດ,ຄິດສະເລ່ຍແລ້ວ,ຜູ້ໜຶ່ງຄ່າຢາຈີນເທື່ອໜຶ່ງພຽງແຕ່6ຢວນຫາ8ຢວນກໍພໍແລ້ວ,ຖືກກວ່າຢາຫຼວງ20%ຫາ30%.ປະ ຈຸບັນນີ້,ຢູ່ໂຮງໝໍຂັ້ນບ້ານແລະຕາແສງ140ກວ່າຫຼັງຂອງເມືອງຕູ່ຈ່ຽງອ້ຽນລ້ວນແຕ່ໄດ້ຕັ້ງ ພະແນກແພດແບບຈີນ.ການເຜີຍແຜ່ແພດສາດແລະຢາພື້ນເມືອງຈີນ,ເຮັດໃຫ້ຄ່າປິ່ນປົວພະຍາດສະເລ່ຍຕາມຫົວຄົນຂອງເມືອງຕູ່ຈ່ຽງອ້ຽນຫຼຸດລົງນຳຄູ່ປີ,ໄດ້ຜ່ອນຄາຍການຫາບແບກດ້ານຄ່າປິ່ນປົວຂອງຄົນເຈັບ,ໂດຍສະເພາະແມ່ນຄົນເຈັບໃນຊົນນະບົດ.
ທ່ານຢາງຢົງແມ່ນນາຍໝໍຊົນນະບົດເມືອງຕູ່ຈ່ຽງອ້ຽນ,ໃນສຸກສາລາມີ3ຄົນເຮັດວຽກນຳກັນ, ຮັບຜິດຊອບການປິ່ນປົວພະຍາດພື້ນຖານໃຫ້ໄທບ້ານໃນ3ບ້ານທີ່ຢູ່ອ້ອມຂ້າງ.ທ່ານເວົ້າວ່າ:"ແຫ່ງນີ້ມີ3ບ້ານ,ມີປະຊາກອນ5500ກວ່າຄົນ.ໃນເວລາປົວພະຍາດ,ສ່ວນຫຼາຍໃຊ້ຢາຈີນ,ເວົ້າທົ່ວໄປ,ກວມປະມານ40%ຂອງການປິ່ນປົວທັງມົດ."
ຍ້ອນວ່າການປົວດ້ວຍຢາຈີນໄດ້ຮັບຄວາມຊົມເຊີຍໂດຍທົ່ວໄປຈາກຊາວກະສິກອນທັງ ຫຼາຍ,ສະນັ້ນ,ໃນຫຼາຍປີມານີ້,ແຂວງເຊສວນໄດ້ອອກແຮງສ້າງຕາໜ່າງບໍລິການແພດສາດ ຈີນສາມຂັ້ນ ຄື ຂັ້ນເມືອງ ຂັ້ນຕາງແສງແລະຂັ້ນບ້ານ.ໃນທົ່ວແຂວງມີເມືອງ80%ຂຶ້ນໄປໄດ້ຕັ້ງໂຮງໝໍປົວດ້ວຍຢາຈີນໂດຍຈຳເພາະ,ໂຮງໝໍຂັ້ນຕາແສງແລະເມືອງນ້ອຍ90%ໄດ້ຕັ້ງພະແນກປົວແບບຈີນ,ໃນຫ້ອງຈ່າຍຢາມີຫວ້ານຢາຄົບຖ້ວນ,ສາມາດຕອບສະໜອງຄວາມຕ້ອງການຂອງຊາວກະສິກອນຢ່າງປອດໄພແລະບັງເກີດຜົນ.
ນອກນີ້,ແຂວງເຊສວນຍັງໄດ້ເພີ່ມທະວີການອົບຮົມຜູ້ມີຄວາມຮູ້ຄວາມສາມາດດ້ານແພດສາດຈີນ.ແຕ່ປີ1998ເປັນຕົ້ນມາ,ນັບລວມແລ້ວ,ແຂວງເຊສວນໄດ້ອົບຮົມນາຍໝໍແພດ ສາດຈີນ1200ກວ່າຄົນໃຫ້ໂຮງໝໍຂັ້ນເມືອງແລະຂັ້ນຕາແສງແລະບ້ານ,ພ້ອມກັນນັ້ນ,ໄດ້ຕັ້ງໜ້າດຳເນີນການສຶກສາສຳລັບໃຫ້ນາຍໝໍຊົນນະບົດເສັງເອົາຊັ້ນການສຶກສາ,ນັບມາ ຮອດປະຈຸບັນ,ມີ1ໝື່ນກວ່າຄົນເສັງໄດ້ຊັ້ນວິຊາສະເພາະຊັ້ນກາງດ້ານແພດສາດຈີນ.
ສະພາບໃນແຂວງເຊສວນມີລັກສະນະຕົວແທນຫຼາຍຢູ່ຈີນ.ໃນຫຼາຍແຂວງຂອງຈີນ,ໂດຍສະເພາະແມ່ນແຂວງພາກກາງແລະພາກຕາເວັນຕົກສ່ວນໜຶ່ງທີ່ມີປະຊາກອນຊົນນະບົດກວມສ່ວນຫຼາຍ,ແພດສາດແລະຢາພື້ນເມືອງຈີນພວມເສີມຂະຫຍາຍບົດບາດນັບມື້ນັບໃຫຍ່ຫຼວງ.ນັບມາຮອດທ້າຍປີ2004,ໃນທົ່ວປະເທດມີໂຮງໝໍແພດສາດຈີນຂັ້ນເມືອງເກືອບ1500ຫຼັງ,ໃນໂຮງໝໍຂັ້ນຕາແສງປະມານ75%ໃນທົ່ວປະເທດໄດ້ຕັ້ງພະແນກປົວແບບຈີນ,ຜູ້ໄປກວດພະຍາດຢູ່ພະແນກປົວແບບຈີນກວມປະມານ30%ຂອງຍອດຈຳນວນຄົນທີ່ໄປກວດພະຍາດຢູ່ໂຮງໝໍຂັ້ນຕາແສງສ່ວນຫຼາຍ.
ເພື່ອສະໜັບສະໜູນການພັດທະນາຂອງພາລະກິດແພດສາດແລະຢາພື້ນເມືອງຈີນຢູ່ຊົນ ນະບົດຕື່ມອີກ,ປີນີ້,ການເງິນສູນກາງຈີນໄດ້ເບີກງົບປະມານ100ລ້ານຢວນ,ລອງເຜີຍແຜ່ ຢູ່ເມືອງທຸກຍາກ ເມືອງຊົນເຜົ່າສ່ວນໜ້ອຍຕົວປົກຄອງຕົນເອງ ເມືອງຊາຍແດນແລະເຂດອື່ນໆຂອງ7ແຂວງທີ່ຢູ່ພາກກາງແລະພາກຕາເວັນຕົກ,ດັດສ້າງພື້ນຖານໂຄງລ່າງຂອງໂຮງໝໍປົວແບບຈີນຂັ້ນເມືອງສ່ວນໜຶ່ງ.ໃນເວລາ3ປີຮອດ5ປີຂ້າງໜ້າ,ການເງິນສູນກາງຍັງຈະສືບຕໍ່ເພີ່ມທຶນເພື່ອປົວແປງພື້ນຖານແລະອຸປະກອນຂອງໂຮງໝໍປົວແບບຈີນຂອງເຂດດັ່ງກ່າວໃຫ້ດີຂຶ້ນຕື່ມອີກ.
|
|
|
