|
ປະທານອົງການສະພາອິສລາມຮຽກຮ້ອງໃຫ້ບັນດາຝ່າຍຂອງອີຣັກສິ້ນສຸດການປະທະກັນດ້ວຍກຳລັງຮຸນແຮງ
cri
Author: cai
ຕາມຂ່າວສານຊີນຮວາ:ວັນທີ 1 ມີນາ,ທ່ານບາດາວີ ປະທານອົງການສະພາອິສລາມ ນາຍົກລັດຖະມົນຕີມາເລເຊຍໄດ້ຮຽກຮ້ອງໃຫ້ຜູ້ນຳບັນດາຝ່າຍອີຣັກເຈລະຈາກັນ,ສິ້ນສຸດການປະທະກັນດ້ວຍກຳລັງຮຸນແຮງ,ເຮັດໃຫ້ປະເທດມີສັນຕິພາບແລະສະຖຽນລະພາບໂດຍໄວເທົ່າທີ່ຈະໄວໄດ້.
ມື້ດຽວກັນ,ທ່ານບາດາວີໄດ້ອອກປະກາດແຈ້ງການໂດຍຊີ້ອອກວ່າ,ການປະທະກັນດ້ວຍກຳລັງຮຸນແຮງທີ່ພວມເລື່ອນຂັ້ນຢູ່ອີຣັກອາດຈະເສຍການຄວບຄຸມ.ທ່ານຕາງໜ້າປະເທດສະມາຊິກອົງການສະພາອິສລາມ,ຮຽກຮ້ອງໃຫ້ປະຊາຊົນແລະຜູ້ນຳບັນດາເຜົ່າ ບັນດາຝ່າຍຂອງອີຣັກຈົ່ງໃຊ້ທຸກການເຄື່ອນໄຫວທີ່ມີລັກສະນະສ້າງສັນທີ່ເປັນໄປໄດ້,ສິ້ນສຸດການປະທະກັນດ້ວຍກຳລັງຮຸນແຮງ,ດຳເນີນການເຈລະຈາສັນຕິພາບ,ຊຸກຍູ້ຂະບວນວິວັດປອງດອງຊາດດ້ວຍທ່າທີຈິງຈັງ.
|
|
