ຫວ່າງມໍ່ໆນີ້,ພວກເຮົາໄດ້ຮັບຈົດໝາຍທີ່ນັກການທູດລາວຜູ້ໜຶ່ງຝາກຈາກຝຣັ່ງ,ທ່ານຊື່ວ່າ ບຸນຄ້າຍ ຈະເລີນສຸກ,ໃນຈົດໝາຍ ທ່ານບອກໃຫ້ພວກເຮົາວ່າ:ປະຈຸບັນ,ຂ້າພະເຈົ້າເປັນນັກການທູດແລະໃນເວລາດຽວກັນນີ້,ກໍດຳເນີນການຄົ້ນຄວ້າປຣິນຍາເອກດ້ານການເມືອງແລະການປົກຄອງທີ່ປະເທດຝະຣັ່ງ.ທ່ານເວົ້າວ່າຈາກລາຍການຂອງພວກເຮົາ,ທ່ານໄດ້ຮັບຄວາມຮູ້ໃໝ່ໆຫຼາຍຢ່າງ,ທ່ານຂຽນວ່າ:ນອກຈາກຂ່າວສະພາບການທົ່ວໄປແລ້ວ,ຂ້າພະເຈົ້າໄດ້ອັດເອົານິທານຕ່າງໆໃນລາຍການຜ່ານມາແລະໄດ້ອ່ານໃນເວລາຫວ່າງ,ເພາະເຫັນວ່າເປັນຄະຕິເຕືອນໃຈແລະບົດຮຽນທີ່ດີໃຫ້ແກ່ຂ້າພະເຈົ້າແລະຖ້າມີໂອກາດຈະນຳໄປເຜີຍແຜ່ໃຫ້ຜູ້ອື່ນຮູ້ແລະໄດ້ອ່ານນຳ.
ນອກຈາກຕີລາຄາຕໍ່ລາຍການຂອງພວກເຮົາແລ້ວ,ທ່ານບຸນຄ້າຍຍັງໄດ້ຝາກໃບຕອບຄຳຖາມການເສັງຄວາມຮູ້ກ່ຽວກັບໄຕ້ຫວັນໃຫ້ພວກເຮົາ,ພ້ອມກັນນັ້ນ,ໃນຈົດໝາຍ,ທ່ານຍັງໄດ້ສະແດງຄວາມຄິດຄວາມເຫັນvຂອງທ່ານເອງກ່ຽວກັບບັນຫາໄຕ້ຫວັນແລະຄວາມສະໜັບສະໜູນຕໍ່ນະໂຍບາຍໄຕ້ຫວັນຂອງລັດຖະບານສູນກາງຈີນ,ນະທີູ່ນີ້,ພະນັກງານທັງຫຼາຍພາກພາສາລາວຂອງວິທະຍຸCRIປັກກິ່ງຂໍສະແດງຄວາມຂອບອົກຂອບໃຈຕໍ່ທ່ານ,ຂອບໃຈທ່ານທີ່ໄດ້ເອົາໃຈໃສ່ແລະສະໜັບສະໜູນລາຍການຂອງພວກເຮົາ,ໃນລາຍການ"ຂົວອາກາດ"ມື້ນີ້,ພວກເຮົາຂໍມອບເພງທີ່ຈື໊ກຈັ໊ກດີເພງໜຶ່ງໃຫ້ແກ່ທ່ານ,ເພງນີ້ຊື່ວ່າ"ຕົ້ງສີລາຍ"--ຈົ່ງເຕັ້ນຈົ່ງລຳ,ສ່ວນທ່ານຜູ້ຟັງທີ່ພວມຟັງລາຍການຂອງພວກເຮົາກໍ່ຈົ່ງເຕັ້ນນຳກັນເດີ້,ເຊີນຟັງໄດ້ເລີຍ.
|