|
|
(GMT+08:00)
2006-03-03 18:38:24
|
|
ທ່ານເປເຣັສ ປະທານພັກກຳມະກອນອິສຣາແອນເຈລະຈາກັບທ່ານອັບບາສ
cri
Author: cai
ຕາມຂ່າວCRI:ວັນທີ 2 ມີນາ,ຢູ່ດ່ານຊາຍແດນແຫ່ງໜຶ່ງລະຫວ່າງອິສຣາແອນກັບຊອກດານີ,ທ່ານເປເຣັສ ປະທານພັກກຳມະກອນອິສຣາແອນໄດ້ເຈລະຈາກັບທ່ານອັບບາສ ປະທານອົງການອຳນາດແຫ່ງຊາດປາເລັສຕີນ.
ໃນງານຖະແຫຼງຂ່າວທີ່ຈັດຂຶ້ນຫຼັງການເຈລະຈາ,ທ່ານເປເຣັສເວົ້າວ່າ,ອິສຣາແອນບໍ່ມີການປະທະກັນກັບປະຊາຊົນປາເລັສຕີນແລະໂລກອາລາບ,ເປົ້າໝາຍທີ່ອິສຣາແອນຢາກໂຈມຕີນັ້ນພຽງແຕ່ແມ່ນ"ອົງການກໍ່ການຮ້າຍ"ເທົ່ານັ້ນ.ທ່ານຍັງເວົ້າວ່າ,ໃນຂະນະທີ່ປ້ອງກັນບໍ່ໃຫ້ທຶນຊ່ອຍເຫຼືອປາເລັສຕີນຖືກ"ອົງການກໍ່ການຮ້າຍ"ນຳໃຊ້ນັ້ນ,ຕ້ອງຮັບປະກັນການຊ່ອຍເຫຼືອແບບມະນຸດສະທຳຕໍ່ປາເລັສຕີນດຳເນີນຕໍ່ໄປ.
ມື້ດຽວກັນ,ທ່ານໂອເມີດ ຜູ້ວ່າການແທນນາຍົກລັດຖະມົນຕີອິສຣາແອນເວົ້າວ່າ,ອິສຣາແອນຈະໃຊ້ວິທີແຂງມາຮັບມືກັບການຫຼອນໂຈມຕີຂອງພວກປະກອບອາວຸດປາເລັສຕີນທີ່ມີຕໍ່ອິສຣາແອນ,ແລະກ່າວວ່າ,ກອງທະຫານອິສຣາແອນສາມາດບໍ່ຖືກຈຳກັດໃນເວລາສະກັດກັ້ນການຫຼອນໂຈມຕີຕ້ານອິສຣາແອນ.
|
|
|