|
ຕາມຂ່າວCRI: ຫວ່າງມໍ່ໆນີ້ ຊາວຈີນພົ້ນທະເລໄດ້ສືບຕໍ່ໃຫ້ສຳພາດຫຼືຂຽນບົດຄວາມ, ກ່າວປະນາມການຕົກລົງຂອງທ່ານເສິນສຸຍປຽນທີ່ຢຸດຕິການໝູນເດີນຂອງຄະນະກຳມະການໂຮມຊາດເຂົ້າເປັນເອກະພາບກັນແລະການໃຊ້ໂຄງການໂຮມຊາດເຂົ້າເປັນເອກະພາບກັນ.
ວັນທີ 3 ມີນາ, ສະຖານທູດຈີນປະຈຳເຢຍລະມັນໄດ້ຈັດງານສົນທະນາຜູ່ແທນຊາວຈີນທີ່ອາໄສຢູ່ເຢຍລະມັນແລະນັກສຶກສາຈີນທີ່ຮຽນຢູ່ເຢຍລະມັນ, ເດັດດ່ຽວຄັດຄ້ານກົນອຸບາຍຂອງທ່ານເສິນສຸຍປຽນທີ່ຊຸກຍູ້ການເຄື່ອນໄຫວແຍກໄຕ້ຫວັນອອກເປັນເອກະລາດ ແບ່ງແຍກປະເທດຊາດ. ໃນຂະນະດຽວກັນ, ຜູ່ຮ່ວມງານສົນທະນາໄດ້ຮຽກຮ້ອງໃຫ້ຊາວຈີນທີ່ອາໄສຢູ່ເຢຍລະມັນເອົາໃຈໃສ່ແລະສະໜັບສະໜູນພາລະກິດພັດທະນາແຫ່ງຊາດແລະການໂຮມຊາດເຂົ້າເປັນເອກະພາບກັນ, ປະກອບສ່ວນຫຼາຍກວ່າເກົ່າເຂົ້າໃນການຊຸກຍູ້ການໂຮມຊາດເຂົ້າເປັນເອກະພາບກັນ.
ມື້ດຽວກັນ, ຫຼາຍອົງການຊາວຈີນອາໄສຢູ່ຝຣັ່ງຄື ສະມາຄົມການໂຮມຈີນເຂົ້າເປັນເອກະພາບກັນໂດຍສັນຕິຝຣັ່ງເປັນຕົ້ນແລະຊາວຈີນທີ່ອາໄສຢູ່ຝຣັ່ງໄດ້ຈັດງານຊຸມນຸມ, ກ່າວປະນາມຢ່າງຮຸນແຮງຕໍ່ທ່ານເສິນສຸຍປຽນກໍ່ສະຖານະການອັນເຄັ່ງຕຶງຢູ່ເຂດຊ່ອງແຄບໄຕ້ຫວັນດ້ວຍເຈດຕະນາຮ້າຍ, ທ້າທາຍເກາະຜິດສັນຕິພາບຂອງເຂດຊ່ອງແຄບໄຕ້ຫວັນແລະຂອງໂລກ.
ໃນຂະນະດຽວກັນ, ອົງການຊາວຈີນພົ້ນທະເລທີ່ອາໄສຢູ່ໄທ ມາເລເຊຍ ກຳປູເຈຍ ປອກຕຸຍການ ໂຮນລັງ ແອສປາຍ ສິງກະໂປແລະເບຼຊິນເປັນຕົ້ນ ກໍ່ພາກັນອອກຖະແຫຼງການ ກ່າວປະນາມການກະທຳອັນອັບອາຍຂາຍໜ້າຂອງທ່ານເສິນສຸຍປຽນ.
|
