ຕາມ​ຂ່າວCRI: ກອງ​ປະຊຸມ​ສະ​ໄໝ​ສາມັນ​​ຂອງ​ສະພາ​ປະຊາຊົນ​ແຫ່ງ​ຊາດ​ຈີນ​ຈະ​ເປີດຢູ່​ທີ່​ປັກ​ກິ່ງ​ໃນ​ມື້​ອື່ນ, ວັນ​ທີ 4 ມີນາ​ຢູ່​ທີ່​ປັກ​ກິ່ງ, ທ່ານ​ຈຽງ​ເອີນ​ຈູ້ ​ໂຄສົກ​ຖະ​ແຫຼງຂ່າວ​​ຂອງ​ກອງ​ປະ​ຊຸມໄດ້​ເຜີຍ​ໃຫ້​ຮູ້​ວ່າ, ງົບປະມານ​ປ້ອງ​ກັນ​ຊາດ​ປີ 2006 ທີ່​ລັດຖະບານ​ຈີນນຳ​ສະ​ເໜີ​ໃຫ້​ສຳ​ຫຼວດ​ພິຈາລະນາ​​ແລະ​ອະນຸມັດໃນກອງ​ປະຊຸມສະພາ​​ປະຊາຊົນ​ແຫ່ງ​ຊາດ​ຈີນ​ເທື່ອ​ນີ້​ມີ​ປະມານ 35 ຕື້ກວ່າ​ໂດ​ລາ​ສະ​ຫະລັດ, ກວມ 7,4% ຂອງ​ລາຍ​ຈ່າຍງົບ​ປະ​ມານ​ການ​ເງິນ​ແຫ່ງ​ຊາດ​ຈີນ​ຂອງ​ປີ​ນີ້, ​ເມື່ອ​ທຽບ​ກັບ​ຫຼາຍ​ປີຜ່ານມາ​ແລ້ວ ​ອັດຕາ​ສ່ວນ​ແມ່ນ​ເທົ່າ​ກັນ.

​ໃນ​ງານ​ຖະ​ແຫຼງຂ່າວທີ່​ຈັດ​ຂຶ້ນ​ໃນ​ມື້​ດຽວ​ກັນ, ທ່ານ​ຈຽງ​ເອີນ​ຈູ້​ເຜີຍ​ໃຫ້​ຮູ້​ວ່າ, ຄ່າ​ໃຊ້​ຈ່າຍ​ປ້ອງ​ກັນ​ຊາດຂອງ​ຈີນ​ທີ່​ເພີ່ມ​ຂຶ້ນ​ໃນ​ປີນີ້ ຕົ້ນຕໍ​ໃຊ້​ເຂົ້າ​ໃນ​ການ​ຍົກ​ສູງ​ເງິນ​ເດືອນ​​ແລະ​ສະ​ຫວັດດີ​ການຂອງນາຍ​ແລະ​ພົນທະຫານ; ຕາມ​ສະພາບ​ລາຄາ​ນ້ຳມັນ​ເຊື້ອ​ໄຟ​ໃນ​ຕະຫຼາດ​ສາ​ກົນ​ເພີ່ມ​ຂຶ້ນ, ​ເພີ່ມຄ່າ​ໃຊ້​ຈ່າຍ​ໃນການ​ຊື້​ນ້ຳມັນ​ທີ່​ໃຊ້​ໃນ​ການ​ທະຫານຢ່າງ​ພໍ​ດ້າມ​ພໍ​ດີ; ​ເພີ່ມ​ການ​ລົງທຶນ​ໃນ​ການບຳລຸງສ້າງ​ຜູ່​ມີ​ຄວາມ​ຮູ້​ຄວາມ​ສາມາດ​ຂອງ​ກອງທັບ; ​ເພີ່ມ​ຄ່າ​ໃຊ້​ຈ່າຍ​ດ້ານຍຸດ​ໂທ​ປະກອນຢ່າງ​ພໍ​ດ້າມ​ພໍດີ, ຍົກ​ຄວາມ​ສາມາດ​ຂອງ​ກອງທັບ​ໃນ​ການ​ສູ້​ລົບ​ປ້ອງ​ກັນ​ຊາດ​ໃຫ້​ສູງ​ຂຶ້ນ.