ຕາມ​ຂ່າວCRI: ​ເພື່ອ​ປະຢັດ​ແລະຫຼຸດການສິ້ນ​ເປືອງ​ພະລັງງານ​ຕື່ມ​ອີກ, ລັດຖະບານ​ຈີນ​ໄດ້​ວາງ​ຈຸດ​ໝາຍ​ການ​ຫຼຸດການສິ້ນ​ເປືອງພະລັງງານຕໍ່​ຫົວ​ໜ່ວຍ GDP ຂອງ​ປີ​ນີ້​ແລະ​ຂອງ 5 ປີ​ຕໍ່​ໜ້າ​ຕ່າງ​ແມ່ນ​ປະມານ 4% ​ແລະ 20%.

ທ່ານ​ເວິນ​ເຈຍ​ປາວ ນາຍົກລັດຖະມົນຕີຈີນ​ແມ່ນ​ໃຫ້​ທັດສະນະ​ດັ່ງກ່າວ ​ໃນ​ເວລາ​ອ່ານ​ບົດ​ລາຍ​ງານ​ວຽກ​ງານ​ລັດຖະບານ​ໃນ​ກອງ​ປະຊຸມ​ສະ​ໄໝ​ສາມັນ​ຂອງ​ສະພາ​ປະຊາຊົນ​ແຫ່ງ​ຊາດ​ຈີນ ​ເຊິ່ງ​ແມ່ນ​ອົງການ​ອຳນາດ​ສູງ​ສຸດ​​ແຫ່ງ​ລັດ​ຈີນ​ທີ່​ໄຂ​ຂຶ້ນ​ໃນ​ວັນ​ທີ 5 ມີນາ. ນອກ​ນີ້, ລັດຖະບານ​ຈີນ​ຍັງ​ສະ​ເໜີ​ວ່າ, ພາຍ​ໃນ 5 ປີ​ຕໍ່​ໜ້າ, ຍອດປະລິມານລະບາຍ​ສິ່ງ​ເສື່ອ​ມພິດຕົ້ນຕໍ​ຕ້ອງຫຼຸດລົງ 10%.

ທ່ານ​ເວິນ​ເຈຍ​ປາວ​ກ່າວ​ວ່າ, ລັດຖະບານ​ຈີນ​ຕ້ອງ​ອອກ​ແຮງ​ຊຸກ​ຍູ້​ການ​ໃຊ້​ອຸປະ​ກອບ​ໃໝ່​ແລະ​ດັດ​ແປງເຕັກນິກທີ່​ຖື​ການປະຢັດ​ແລະຫຼຸດການ​ສິ້ນ​ເປືອງ​ພະລັງງານ​ເປັນ​ຈຸດ​ໜັກ, ອອກ​ແຮງ​ພັດ​ທະນາ​ເສດຖະກິດ​ໝູນວຽນ.