|
|
 |
| (GMT+08:00)
2006-03-06 11:17:19
|
 |
|
ຈີນຊ່ວຍຊາວກະສິກອນຂອງປະເທດໃກ້ຄຽງປູກພືດແທນຝິ່ນ
cri
ປີ2005,ເຂດສາມຫຼ່ຽມຄຳທີ່ເປັນໜຶ່ງໃນແຫຼ່ງຜະລິດຢາເສດຕິດໃຫຍ່ສາມແຫ່ງໃນໂລກເລີ່ມກ້າວເດີນຢູ່ຕາມເສັ້ນທາງເຊົາປູກຝິ່ນເຊິ່ງມີປະຫວັດຮ້ອຍກວ່າປີແລ້ວ.ວັນທີ26ມິຖຸນາປີ2005ທີ່ເປັນວັນປາບປາມຢາເສບຕິດສາກົນ,ເຂດພິເສດເລກ2ລັດສານມຽນມາໄດ້ຈັດກອງປະຊຸມສະບານຕົວ,ປະກາດຫ້າມປູກຝິ່ນຮອບດ້ານ,ກາຍເປັນເຂດປາສະຈາກຢາເສບຕິດ.ພາຍຫຼັງໄດ້ກວດກາຫຼາຍເທື່ອແລ້ວ,ໃນວັນທີ2ທັນວາປີ2005,ຫຼືວັນຊາດສປປລາວຄົບຮອບ30ປີ,ສປປລາວໄດ້ປະກາດວ່າໃນທົ່ວປະເທດບໍ່ມີບ່ອນໃດປູກຝິ່ນ.
ຫຼັງຈາກໄດ້ເຊົາປູກຝິ່ນທີ່ໄດ້ມາຮ້ອຍກວ່າປີແລ້ວນັ້ນ,ຈະດັດແປງເຂດສາມຫຼ່ຽມຄຳແນວໃດ?ໃນສະເພາະໜ້ານີ້,ການປູກພືດແທນຝິ່ນໄດ້ຮອດລະດັບໃດແລ້ວ?ເດືອນທັນວາປີ2005,ນັກຂ່າວຈີນໄດ້ໄປເອົາຂ່າວຢູ່ເຂດພິເສດເລກ1ແລະເລກ2ຂອງລັດສານມຽນມ້ານຳໜ່ວຍທັດສະນະສຶກສາພັດທະນາພືດແທນຝິ່ນຂອງພະແນກການຄ້າແຂວງຢຸນນານຈີນ,ຢູ່ທົ່ງນາທີ່ເຄີຍປູກຝິ່ນໃນເມື່ອກ່ອນ,ນັກຂ່າວໄດ້ເຫັນຢາງພາລາແລະຕົ້ນອ້ອຍເປັນແຜ່ນໆ.ທ່ານຮອງຜູ້ບັນຊາການກອງທະຫານສຳພັນທະມິດພັນປະຊາທິປະໄຕແຫ່ງຊາດມຽນມ້າເວົ້າວ່າ,ຕົ້ນອ້ອຍໄດ້ນຳເອົາຜົນປະໂຫຍດໃຫ້ແກ່ຊາວກະສິກອນປູກໃບຢາຢູ່ໃນທ້ອງຖິ່ນນັ້ນ.
ຕາມສະຖິຕິອັນບໍ່ຄົບຖ້ວນ,ຮອດທ້າຍເດືອນທັນວາປີ2005,ວິສາຫະກິດຈີນທີ່ຖືວິສາຫະກິດຢຸນນານເປັນຫຼັກໄດ້ຊ່ວຍເຂດສາມຫຼ່ຽມຄຳປູກພືດແທນຢາຝິ່ນ,ເນື້ອທີ່ໄດ້ເພີ່ມຈາກ4ໝື່ນ1ພັນກວ່າເຮັກຕາຂຶ້ນເປັນ4ໝື່ນ6ພັນ600ກວ່າເຮັກຕາ.ຕົວເລກດັ່ງກ່າວໄດ້ສະແດງໃຫ້ເຫັນວ່າເນື້ອທີ່ປູກຝິ່ນຢູ່ເຂດສາມຫຼ່ຽມຄຳໄດ້ຫຼຸດໜ້ອຍລົງຕື່ມອີກ,ແລະຄວາມຫ້າວຫັນຂອງຊາວກະສິກອນປູກໃບຢາຂອງມຽນມ້າໃນການປູກພືດທົດແທນໄດ້ສູງຂຶ້ນຕື່ມອີກ.
ແຕ່ຊຸມປີ90ສະຕະວັດແລ້ວນີ້ເປັນຕົ້ນມາ,ອົງການປົກຄອງທຸກຂັ້ນຂອງແຂວງຢຸນນານໄດ້ເປັນເຈົ້າການຊ່ວຍເຫຼືອມຽນມ້າແລະພາກເໜືອຂອງລາວຈັດໂຄງການປູກພືດແທນຝິ່ນຢູ່ເຂດປູກຝິ່ນດັ້ງເດີມດ້ວຍຮູບການຕ່າງໆ,ຍັງໄດ້ສະໜອງການຮັບປະກັນໃນດ້ານທຶນຮອນ,ເຕັກນິກ,ຕະຫຼາດແລະພາສີອາກອນເປັນຕົ້ນ.
ປີ2000,ລັດຖະບານຈີນໄດ້ສະໜັບສະໜູນວິສາຫະກິດແຂວງຢຸນນານໄປເຮັດໂຄງການປູກພືດແທນຝິ່ນຢູ່ເຂດດັ່ງກ່າວ,ຍົກເວັ້ນພາສີແລະອາກອນມູນຄ່າເພີ່ມໃນຂອດນຳເຂົ້າໃຫ້ແກ່ພືດທີ່ແທນຝິ່ນທີ່ສົ່ງມາຂາຍຢູ່ຈີນ.ພາຍໃຕ້ສົ່ງເສີມຢ່າງແຂງແຮງຂອງລັດຖະບານຈີນ,ວິສາຫະກິດແຂວງຢຸນນານງວດໜຶ່ງໄດ້ອອກໄປຊ່ວຍເຫຼືອຊາວກະສິກອນຂອງປະເທດໃກ້ຄຽງຫຼຸດພົ້ນອອກຈາກການປູກຝິ່ນທີ່ເປັນຮີດຄອງປະເພນີໃນປະຫວັດຮ້ອຍກວ່າປີແລ້ວ.
ປີ2002,ເຊິ່ງເປັນປີເຂດພິເສດເລກ1ລັດສານມຽນມ້າໄດ້ປະກາດລົບລ້າງການປູກຝິ່ນຢ່າງສິ້ນເຊີງ,ກຸ່ມບໍລິສັດຈິ່ງຢິງນ້ຳຕານເມືອງເຈີນຄ່າງກັບອົງການປົກຄອງເມືອງກົວການຂອງມຽນມ້າໄດ້ເຊັນສັນຍາປູກຕົ້ນອ້ອຍແທນຝິ່ນ1ພັນເຮັກຕາ.ໃນເວລາໃຫ້ສຳພາດ,ທ່ານເພີງເຕເຢິນ ຮອງຜູ້ບັນຊາການກອງທະຫານພັນທະມິດປະຊາທິປະໄຕແຫ່ງຊາດມຽນມ້າເວົ້າວ່າ,ໂຄງການປູກຕົ້ນອ້ອຍແທນຝິ່ນຫຼາຍພັນເຮັກຕາດັ່ງກ່າວແມ່ນຂໍກະແຈທີ່ເມືອງກົວການບັນລຸການຫ້າມການປູກຝິ່ນຢ່າງສຳເລັດຜົນໃນປີ2002.
ຕົ້ນເດືອນທັນວາປີ2005,ທ່ານລົວເຈິ້ງກົວ ຜູ່ອຳນວຍການໃຫຍ່ຂອງບໍລິສັດ ເຈີ້ນຄ່າງນ້ຳຕານໄດ້ພານັກຂ່າວໄປສວນຕົ້ນອ້ອຍຂອງບໍລິສັດດັ່ງກ່າວຢູ່ເມືອງກົວການ.ເມື່ອມອງໄປ,ຂຽວອຸ່ມທຸ່ມເຕັມໄປດ້ວຍຄວາມຊີວິດຊີວາ.ແຕ່ບໍລິສັດດັ່ງກ່າວໄດ້ເລີ່ມເຮັດໂຄງການປູກພືດແທນຝິ່ນຢູ່ມຽນມ້າໃນປີ1996ເປັນຕົ້ນມາ,ເນື້ອທີ່ປູກຕົ້ນອ້ອຍໄດ້ມີເຖິງ2668ເຮັກຕາ,ກວມເຖິງຄອບຄົວປະຊາກອນ2ໝື່ນກວ່າຄົນ ປູກຝັງ1420ຄອບຄົວໃນ5ຕາແສງຂອງ3ເຂດ.
ແຕ່ປີ2004ຮອດປີ2005,ບໍລິສັດຂອງແຂວງຢຸນນານໄດ້ສະໜອງການຊ່ວຍເຫຼືອດ້ານຖະໜົນຫົນທາງ,ຊົນລະປະທານ,ວັດສະດຸແລະເງິນສົດຕົກເປັນເງິນ73ລ້ານກວ່າຢວນ,ຮັບຊື້ອ້ອຍ4ແສນ5ໝື່ນໂຕນ,ເຮັດໃຫ້ຊາວກະສິກອນທີ່ປູກອ້ອຍຂອງຕ່າງປະເທດເພີ່ມຂຶ້ນ6520ຢວນ.
ເມືອງເກີງມາແຂວງຢຸນນານທີ່ມີຊາຍແດນຕິດກັບມຽນມ້າປູກພືດແທນຝິ່ນໃນປີ1994ເປັນຕົ້ນມາ,ໄດ້ມີວິສາຫະກິດ7ແຫ່ງໄປເຮັດໂຄງການປູກພືດແທນຝິ່ນຢູ່ຕ່າງປະເທດ.ທ່ານລົວຢົງທິງ ຮອງເຈົ້າເມືອງດັ່ງກ່າວແນະນຳວ່າ,ການປູກພືດແທນຝິ່ນຕົ້ນຕໍແມ່ນໂຄງການປູກຢາງພາລາ,ໝາກລິ່ນຈີ່,ໝາກລຳໄຍ,ໝາກຖົ່ວເຫຼືອງ,ໝາກເຜັດເປັນຕົ້ນ,ເນື້ອທີ່ປູກຝັງມີເຖິງ3335ເຮັກຕາ.
ວັນທີ18ເດືອນກໍລະກົດແລະວັນທີ31ສິງຫາປີ2005,ບໍລີສັດຈິ່ງຢິງນ້ຳຕານ ເມືອງລິນຊ່າງແຂວງຢຸນນານກັບອົງການປົກຄອງເຂດພິເສດເລກ1ລັດສານ ມຽນມ້າໄດ້ເຊັນສັນຍາປູກມັນດ້າງແລະມັນກໍແທນຝິ່ນ7ພັນເຮັກຕາແລະສັນຍາປູກຕົ້ນອ້ອຍ3500ກວ່າເຮັກຕາຢູ່ເມືອງກົວການມຽນມ້າ.ວັນທີ16ຕຸລາປີ2005,ອົງການປົກຄອງແຂວງຫຼວງນ້ຳທາກັບກຸ່ມບໍລິສັດລີ້ລ້ຽງຜະລິດຕະພັນຊີວະຊາດຈຳກັດໄດ້ເຊັນສັນຍາຮ່ວມມືເຮັດໂຄງການປູກຝັງຮັບຊື້ແລະປຸງແຕ່ງຕົ້ນອ້ອຍແລະມັນກໍ,ໂຄງການດັ່ງກ່າວຈະເຮັດໃຫ້ລາວຈະປູກຕົ້ນອ້ອຍແລະມັນກໍ 1ໝື່ນກວ່າເຮັກຕາເຂົ້າແທນຝິ່ນ.ປັດຈຸບັນ,ໂຄງການຈີນລາວຮ່ວມມືປູກຢາງ ພາລາແທນຝິ່ນໄດ້ສ້າງແຫຼ່ງເບ້ຍໄມ້ຢາງພາລາ3ລ້ານ5ແສນຕົ້ນ.ພາຍໃນ8ປີຈະປູກຕົ້ນຢາງພາລາ1ແສນກວ່າເຮັກຕາຢູ່ລາວ,ເຮັດໃຫ້ຊາວກະສິກອນທ້ອງຖິ່ນນັ້ນຈະໄດ້ຮັບຜົນປະໂຫຍດຈາກການປູກພືດແທນຝິ່ນ.
ການປູກພືດແທນຝິ່ນໄດ້ເຮັດໃຫ້ຊາວກະສິກອນຂອງປະເທດດັ່ງກ່າວສິ້ນສຸດ ປະຫວັດປູກຝິ່ນຮ້ອຍປີມານີ້,ອັນໄດ້ສ້າງເງື່ອນໄຂໃຫ້ແກ່ການລົບລ້າງແຫຼ່ງຜະລິດ ຢາເສບຕິດ.ບຸກຄົນພາຍໃນວົງການຂອງຈີນກວ່າວ່າ,ພາຍໃຕ້ການສະໜັບສະໜູນຂອງປະເທດ,ໂຄງການຮ່ວມມືກັບຕ່າງປະເທດປູກແທນຢາຝິ່ນຈະເປີກກວ້າງອອກໄປສູ່ຂົງເຂດຕ່າງໆເທື່ອລະກ້າວ,ເຊັ່ນການດັດສ້າງເສັ້ນທາງຢູ່ຕ່າງປະເທດ,ກໍ່ສ້າງສິ່ງກໍ່ສ້າງຊົນລະປະທານ,ປຸງແຕ່ງຜະລິດຕະພັນກະສິກຳແລະພືດອຸດສາຫະກຳຢ່າງປານີດ,ການທ່ອງທ່ຽວ,ການລ້ຽງສັດນ້ຳ,ການອົບຮົມເຕັກນິກໃຊ້ຕົວຈິງຫຼາຍຊະນິດແລະການສຶກສາວັດທະນະທຳເປັນຕົ້ນ,ຂ້າມຜ່ານຈາກການປູກແທນຢ່າງດຽວໄປສູ່ການພັດທະນາແທນ,ເພື່ອປົວແປງພື້ນຖານໂຄງລ່າງແລະສິ່ງແວດລ້ອມຄົງຕົວຂອງພາກພື້ນທີ່ກ່ຽວຂ້ອງຢູ່ຕ່າງປະເທດຢ່າງແທ້ຈິງ,ຍົກຄຸນທາດແລະຄວາມສາມາດຂອງແຮງງານຕ່າງປະເທດໃຫ້ສູງຂຶ້ນ,ສະກັດກັ້ນການປູກຢາຝິ່ນຢ່າງບັງເກີດຜົນ,ສະໜອງຊ່ອງຫວ່າງໃຫ້ແກ່ການພັດທະນາແທນຕື່ມອີກ.
|
|
|
