|
ຢູ່ແຂວງກວາງຕຸ້ງຈີນບົ່ງມະຕິຕິດພະຍາດໄຂ້ຫວັດສັດປີກປະເພດຮ້າຍແຮງ
cri
Author: min
ຕາມຂ່າວສານຊິນຮວາ: ວັນທີ 5 ມີນາ, ກະຊວງສາທາລະນະສຸກຈີນລາຍງານວ່າ, ຢູ່ແຂວງກວາງຕຸ້ງພາກໃຕ້ຈີນມີຜູ້ໜຶ່ງຖືກບົ່ງມະຕິຕິດພະຍາດໄຂ້ຫວັດສັດປີກປະເພດຮ້າຍແຮງ, ຜູ້ເຈັບຜູ້ນີ້ໄດ້ຕາຍແລ້ວ.
ຕາມໄດ້ຊາບ, ຄົນເຈັບຜູ້ນີ້ແມ່ນຜູ້ຊາຍ, ອາຍຸ 32 ປີ, ໄດ້ເປັນພະຍາດໃນວັນທີ 22 ກຸມພາ, ມີອາການຄີງຮ້ອນແລະປອດອັກເສບ, ໄດ້ຕາຍໃນວັນທີ 2 ເດືອນນີ້ຍ້ອນກອບກູ້ບໍ່ໄດ້ຜົນ.
ກ່ອນເປັນພະຍາດ, ຄົນເຈັບຜູ້ນີ້ເຄີຍໄປຕະຫຼາດຫຼາຍເທື່ອ,ແລະແວ່ຢູ່ໃກ້ແຜງຂ້າສັດປີກເປັນເວລາດົນນານ. ຫຼັງຈາກຜູ້ຊ່ຽວຊານສາທາລະນະສຸກຈີນກວດກາຄົນເຈັບແລ້ວ, ອີງຕາມຄຳນິທານກ່ຽວກັບການບົ່ງມະຕິຂອງອົງການອະນາໄມໂລກແລະມາດຖານບົ່ງມະຕິຂອງຈີນ, ໄດ້ວິນິໄສວ່າຄົນເຈັບຜູ້ນີ້ໄດ້ຕິດພະຍາດໄຂ້ຫວັດສັດປີກປະເພດຮ້າຍແຮງ. ຫຼັງຈາກພະຍາດເກີດຂຶ້ນແລ້ວ, ພະແນກສາທາລະນະສຸກທ້ອງຖິ່ນໄດ້ດຳເນີນການສັງເກດທາງແພດສາດຢ່າງຮອບຄອບຕໍ່ຜູ້ທີ່ສຳຜັດກັບຄົນເຈັບຢ່າງໃກ້ຊິດ, ຍັງບໍ່ທັນບໍ່ໄດ້ເຫັນສະພາບຜິດປົກກະຕິ.
ກະຊວງສາທາລະນະສຸກຈີນໄດ້ລາຍງານສະພາບທີ່ກ່ຽວຂ້ອງຂອງຄົນເຈັບຜູ້ນີ້ໃຫ້ອົງການອະນາໄມໂລກ, ເຂດຮົງກົງ, ມາກາວ, ໄຕ້ຫວັນແລະປະເທດສ່ວນໜຶ່ງຊາບຢ່າງທັນການ.
|
|
