|
ເງິນທຶນຂອງລັດຖະບານຈີນຈະອ່ຽງໄປສູ່ເຂດຊົນເຜົ່າສ່ວນໜ້ອຍແລະເຂດທຸກຈົນຫຼາຍກວ່າເກົ່າ
cri
Author: shuo
ຕາມຂ່າວCRI:ວັນທີ6ມີນາ,ຢູ່ທີ່ປັກກິ່ງ,ທ່ານຈູ່ຈື່ຊິ່ນ ຮອງຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ,ໃນ5ປີຂ້າງໜ້າ,ລັດຖະບານຈີນຈະອ່ຽງໄປສູ່ເຂດຊົນເຜົ່າສ່ວນໜ້ອຍ ເຂດຊາຍແດນແລະເຂດທຸກຈົນຫຼາຍກວ່າເກົ່າໃນດ້ານເງິນທຶນແລະການຈັດວາງນະໂຍບາຍພັດທະນາອຸດສາຫະກຳ.
ທ່ານຈູ່ຈື່ຊິ່ນແມ່ນໃຫ້ທັດສະນະດັ່ງກ່າວໃນງານຖະແຫຼງຂ່າວກ່ຽວກັບແຜນພັດທະນາຂອງຈີນໃນ5ປີຂ້າງໜ້າທີ່ຈັດຂຶ້ນໃນມື້ນີ້.ທ່ານເວົ້າວ່າ,ລັດຖະບານຈີນຈະແນໃສ່ສະພາບຕ່າງກັນຂອງທ້ອງຖີ່ນຕ່າງໆ,ຫຼຸດຄວາມຜິດໂຕນກັນດ້ານການພັດທະນາເສດຖະກິດ ສັງຄົມລະຫວ່າງທ້ອງຖິ່ນໃຫ້ໜ້ອຍລົງເທື່ອລະກ້າວ,ເຮັດໃຫ້ປະຊາຊົນໃນທ້ອງຖິ່ນຕ່າງໆຄ່ອຍໆມີຊີວິດການເປັນຢູ່ໃນລະດັບດຽວກັນ.
|
|
