|
|
 |
| (GMT+08:00)
2006-03-07 14:21:35
|
 |
|
ສື່ມວນຊົນບັນດາປະເທດຕັ້ງໜ້າແຈ້ງຂ່າວກ່ຽວກັບບົດລາຍງານວຽກງານລັດຖະບານທີ່ລາຍງານໂດຍທ່ານເວີ່ນເຈ່ຍປາວ
cri
Author: cai
ຕາມຂ່າວ CRI:ໃນຫຼາຍມື້ມານີ້,ສື່ມວນຊົນບັນດາປະເທດໃນໂລກໄດ້ທະຍອຍກັນເອົາໃຈໃສ່ນຳກອງປະຊຸມສອງສະພາຂອງຈີນ,ໄດ້ຕັ້ງໜ້າແຈ້ງຂ່າວກ່ຽວກັບບົດລາຍງານວຽກງານລັດຖະບານທີ່ທ່ານເວີ່ນເຈ່ຍປາວ ນາຍົກລັດຖະມົນຕີຈີນອ່ານໃນກອງປະຊຸມສະພາປະຊາຊົນແຫ່ງຊາດຈີນຄັ້ງທີ 4 ສະໄໝທີ 10.
ວັນທີ 5 ແລະວັນທີ 6 ມີນາ,ສື່ມວນຊົນຕົ້ນຕໍຂອງຣັດເຊຍຄືໂທລະພາບຣັດເຊຍ ຂ່າວສານອີຕາຣ-ຕາສ໌ແລະໜັງສືພິມ"ໂຄເມີຊານດ໌"ເປັນຕົ້ນໄດ້ແຈ້ງຂ່າວກ່ຽວກັບກອງປະຊຸມສອງສະພາຂອງຈີນຢ່າງຫຼວງຫຼາຍ,ບົດລາຍງານຂອງທ່ານນາຍົກລັດຖະມົນຕີເວີ່ນເຈ່ຍປາວແມ່ນຈຸດສຸມທີ່ພວກເຂົາເຈົ້າເອົາໃຈໃສ່,ແລະເຫັນວ່າ,ລັດຖະບານຈີນໄດ້ສະເໜີເປົ້າໝາຍທີ່ສ້າງ"ຊົນນະບົດໃໝ່ສັງຄົມນິຍົມ"ຢ່າງແຈ່ມແຈ້ງນັ້ນ,ແມ່ນ"ບາດລ້ຽວຄັ້ງປະຫວັດສາດ".
ໜັງສືພິມ"ໄຟແນນໂຊແທມສ໌"ຂອງອັງກິດສະບັບວັນທີ 6 ມີນາໄດ້ພິມບົດຄວາມທີ່ພາດຫົວເລື່ອງວ່າ"ຈີນຕັ້ງໃຈເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ"ໂດຍຂຽນວ່າ,ຈີນຫວັງໃຫ້ນຳໃຊ້ເງິນທຶນທີ່ໄດ້ຮັບຈາກການພັດທະນາເສດຖະກິດຢ່າງວ່ອງໄວໃນຫຼາຍປີມານີ້ມາແກ້ໄຂບັນຫາຄວາມຜິດໂຕນກັນລະຫວ່າງຜູ້ທຸກຍາກກັບຜູ້ຮັ່ງມີແລະລະຫວ່າງຕົວເມືອງກັບຊົນນະບົດ,ບົດຄວາມຍັງໄດ້ນຳເອົາຄຳປາໄສຂອງທ່ານເວີ່ນເຈ່ຍປາວທີ່ວ່າ"ທົ່ວສັງຄົມລ້ວນແຕ່ຕ້ອງສະໜັບສະໜູນການພັດທະນາຂອງຊົນນະບົດຢ່າງແຂງແຮງ".
ໜັງສືພິມ《ອານ ອາຮ໌ລາມ》ຂອງເອຢິບແຈ້ງຂ່າວວ່າ,ໃນບົດລາຍງານວຽກງານຂອງລັດຖະບານ,ທ່ານເວີ່ນເຈ່ຍປາວກ່າວເນັ້ນວ່າ,ການສ້າງຊົນນະບົດໃໝ່ສັງຄົມນິຍົມແມ່ນໜ້າທີ່ສຳຄັນຄັ້ງປະຫວັດສາດ.
|
|
|
