|
ຕາມຂ່າວສານຊິນຮວາ: ວັນທີ 6 ມີນາຢູ່ທີ່ພະນົມເປັນ, ທ່ານຮຸນແຊນ ນາຍົກລັດຖະມົນ ຕີກຳປູເຈຍໄດ້ເຈລະຈາກັບທ່ານຟານວັນຄາຍ ນາຍົກລັດຖະມົນຕີຫວຽດນາມທີ່ໄປຢ້ຽມຢາມ, ສອງຝ່າຍໄດ້ສະແດງຄວາມເພິ່ງພໍໃຈຕໍ່ການພົວພັນລະຫວ່າງທັງສອງປະເທດໄດ້ຂະຫຍາຍຕົວຢ່າງບໍ່ຢຸດຢັ້ງ, ແລະໄດ້ລົງນາມໃນສັນຍາຫຼາຍສະບັບ, ເພື່ອເພີ່ມທະວີການພົວພັນໄມຕີຈິດແລະຮ່ວມມືລະຫວ່າງສອງຝ່າຍຕື່ມອີກ.
ໃນການເຈລະຈາ, ທ່ານຮຸນແຊນແລະທ່ານຟານວັນຄາຍເປັນເອກະສັນກັນກ່າວວ່າ, ຈະສືບຕໍ່ສຸມກຳລັງເຂົ້າໃນການເພີ່ມທະວີແລະເປີດກວ້າງການພົວພັນໄມຕີຈິດຖານບ້ານໃກ້ເຮືອນຄຽງແລະການຮ່ວມມືລະຫວ່າງສອງປະເທດ, ຕ່າງໂຄລົບຄວາມເປັນເອກະລາດແຫ່ງຊາດ ອະທິປະໄຕແລະຜືນແຜ່ນດິນອັນຄົບຖ້ວນ, ຕ່າງບໍ່ແຊກແຊງວຽກງານພາຍໃນຂອງກັນ, ບໍ່ໃຊ້ກຳລັງອາວຸດຫຼືໃຊ້ດິນແດນຝ່າຍກົງກັນຂ້າມທຳລາຍສັນຕິພາບ ຄວາມໝັ້ນຄົງແລະສະຖຽນລະພາບຂອງປະເທດອື່ນ. ທັງສອງປະເທດຍັງຈະເພີ່ມທະວີການສະໜັບສະໜູນເຊິ່ງກັນແລະກັນແລະການຮ່ວມມືໃນວຽກງານພາກພື້ນແລະສາກົນ.
ຫຼັງຈາກເຈລະຈາກັນແລ້ວ, ກຳປູເຈຍກັບຫວຽດນາມໄດ້ລົງນາມໃນເອກະສານຮ່ວມມືດ້ານສາທາລະນະສຸກ ການຂ່າວ ການຂົນສົ່ງເຄື່ອງຂອງຂ້າມຊາຍແດນແລະການໄປມາຫາສູ່ກັນຂອງຜູ່ຄົນເປັນຕົ້ນ.
|
