|
|
(GMT+08:00)
2006-03-07 14:43:09
|
|
ບາງປະເທດແລະອົງການຈັດຕັ້ງສາກົນກ່າວລື້ມຍຶດໝັ້ນຫຼັກການຈີນດຽວ
cri
Author: shuo
ຕາມຂ່າວCRI:ຫວ່າງມໍ່ໆນີ້,ລັດຖະບານຂອງກູບາ ມຽນມາແລະຊອກດານີພ້ອມດ້ວຍສະຫະ ພາບອາຟະລິກາໄດ້ອອກຖະແຫຼງການຫຼືກ່າວຄຳປາໄສໂດຍກ່າວລື້ມວ່າ,ຍຶດໝັ້ນຫຼັກການຈີນດຽວ,ຕິຕຽນທ່ານເຊິນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນທີ່ກໍ່ການແບ່ງແຍກໃຫ້ໄຕ້ຫວັນເປັນເອກະລາດ ຄື ຢຸດຕິການໝູນເດີນຂອງຄະນະກຳມະການທ້ອນໂຮມປະເທດແລະເຊົາໃຊ້ໂຄງການທ້ອນໂຮມປະເທດ.
ວັນທີ5ມີນາ,ລັດຖະບານກູບາແລະມຽນມາຕ່າງໄດ້ອອກຖະແຫຼງການແລະປະກາດແຈ້ງຂ່າວໂດຍກ່າວລື້ມຫຼັກໝັ້ນຂອງຕົນທີ່ສະໜັບສະໜູນຈີນດຽວ,ແລະກ່າວປະນາມກົນອຸບາຍຂອງທ່ານເຊິນສຸຍປຽນທີ່ກີດຂວາງການໂຮມປະເທດເຂົ້າເປັນເອກະພາບກັນ ທຳລາຍສິດແລະຜົນປະໂຫຍດອັນຊອບກົດໝາຍຂອງປະຊາຊົນຈີນແລະທຳລາຍສະຖຽນລະພາບຂອງພາກພື້ນ.
ວັນທີ5ມີນາ,ໃນເວລາພົບປະຄະນະຜູ້ແທນຂອງສະມາຄົມແລກປ່ຽນສາກົນຈີນທີ່ໄປຢ້ຽມຢາມ,ທ່ານຟາເຢັສ ຮອງປະທານສະພາສູງ ປະທານຄະນະກຳມາທິການການຕ່າງປະເທດຂອງສະພາສູງ ອະດີດນາຍົກລັດຖະມົນຕີຂອງຊອກດານີເວົ້າວ່າ,ຊອກດານີຈະສືບຕໍ່ໂຄລົບຫຼັກໝັ້ນຫຼັກກນຈີນດຽວຢ່າງເດັດດ່ຽວ,ສະໜັບສະໜູນພາລະກິດອັນຍິ່ງໃຫຍ່ແຫ່ງການໂຮມຈີນເຂົ້າເປັນເອກະພາບກັນໂດຍສັນຕິ.
ວັນທີ4ມີນາ,ທ່ານໂຄນາເລ ປະທານຄະນະກຳມະການສະຫະພາບອາຟະລິກາເວົ້າຕໍ່ທ່ານນາງລີນລີນ ເອກອັກຄະລັດຖະທູດຈີນປະຈຳເອຕີໂອປີທັງເປັນຜູ້ຕາງໜ້າປະຈຳສະຫະພາບອາຟະລິກາວ່າ,ສະຫະພາບອາຟະລິກາຍຶດໝັ້ນຫຼັກໝັ້ນຈີນດຽວຢ່າງຄັກແນ່,ມີຄວາມເຫັນໂດຍຕະຫຼອດວ່າໄຕ້ຫວັນແມ່ນພາກສ່ວນໜຶ່ງຂອງຈີນ,ສະຫະພາບອາຟະລິກາກ່າວປະນາມຢ່າງຮຸນແຮງຕໍ່ການກະທຳແບ່ງແຍກຈີນຂອງທ່ານເຊິນສຸຍປຽນ.
|
|
|