|
|
 |
| (GMT+08:00)
2006-03-07 17:09:08
|
 |
|
ຄວນຕົ້ມແກງແນວໃດຈິ່ງຈະແຊບ
cri
ບໍ່ວ່າແມ່ນອາຫານຈີນຫຼືວ່າອາຫານຝ່າຍຕາເວັນຕົກ, ນ້ຳແກງກໍແມ່ນຂາດບໍ່ໄດ້. ໃນລະດູໜາວ, ກິນແກງຮ້ອນຍິ່ງເຮັດໃຫ້ຄົນຮູ້ສຶກອົບອຸ່ນ. ເລື່ອງກິນແມ່ນສັນຊາດຕະຍານຂອງຄົນເຮົາ, ສ່ວນທາດແທ້ຂອງອາຫານນັ້ນແມ່ນທາດບຳລຸງ. ຢາກກິນນ້ຳແກງເພື່ອບຳລຸງສຸຂະພາບ, ກໍ່ຕ້ອງຕົ້ມແກງຕາມຫຼັກວິທະຍາສາດ, ຕ້ອງເອົາໃຈໃສ່ໃນເຈັດດ້ານດັ່ງລຸ່ມນີ້.
ໜຶ່ງ: ເລືອກເອົາວັດຖຸດິບທີ່ດີ. ການເລືອກວັດຖຸດິບແມ່ນຂໍກະແຈໃນການຕົ້ມແກງ. ຢາກຕົ້ມແກງແຊບ, ກໍຕ້ອງເລືອກຊີ້ນສັດສົດ, ມີກິ່ນໜ້ອຍ, ບໍ່ຕິດເລືອດ, ເຊັ່ນຊີ້ນໄກ່, ຊີ້ນເປັດ, ຊີ້ນລອນໝູ, ຂາໝູ, ກະດູກໝູ, ໝູແຮມ, ເປັດຢ້າງແລະປະເພດປາເປັນຕົ້ນ. ອາຫານປະເພດນີ້ມີວິຕາມິນ, ອາມີໂນອາສິດ, ຕີຕານຢ່າງທີ່ອຸດົມສົມບູນ, ສິ່ງເຫຼົ່ານີ້ກໍແມ່ນແຫຼ່ງຕົ້ນຕໍທີ່ພາໃຫ້ແກງແຊບນົວ.
ສອງ: ຕ້ອງເປັນອາຫານສົດ. ຄືເລືອກເອົາວັດຖຸດິບທີ່ສົດແລະບໍ່ມີກິ່ນສາບກິ່ນຄາວ. ຄຳວ່າສົດບໍ່ໝາຍຄວາມວ່າສົດໆຮ້ອນໆຄືໃນເມື່ອກ່ອນຄື: ກິນຊີ້ນສົດກິນປາເປັນ. ຄຳວ່າສົດໃນປະຈຸບັນແມ່ນໝາຍເຖິງປາຫຼືຊີ້ນສັດທີ່ຕາຍໄດ້3ຫາ5ຊົ່ວໂມງ, ປາຫຼືຊີ້ນສັດປະເພດນີ້ແມ່ນເໝາະແກ່ການເອົາມາຕົ້ມແກງທີ່ສຸດ.
ຕ້ອງເລືອກເອົາໝໍ້ທີ່ດີ
ໃຊ້ໝໍ້ດິນເຜົາເກົ່າມາຕົ້ມແກງແມ່ນດີທີ່ສຸດ. ເພາະວ່າໝໍ້ດິນເຜົາແມ່ນມາຈາກການເຜົາເປັນເວລາດົນນານ, ມີຈຸດພິເສດຫຼາຍຢ່າງເຊັ່ນ: ລະບາຍອາຍໄດ້ດີ, ກະຈາຍຄວາມຮ້ອນຢ່າງສະໝ່ຳສະເໝີແລະລະບາຍຄວາມຮ້ອນຊ້າເປັນຕົ້ນ. ໃນເວລາຕົ້ມແກງ, ໝໍ້ດິນເຜົາສາມາດກະຈາຍຄວາມຮ້ອນຈາກພາຍນອກໃຫ້ວັດຖຸດິບໃນໝໍ້ຢ່າງສະໝ່ຳສະເໝີເປັນເວລາດົນນານ, ສ່ວນຄວາມຮ້ອນທີ່ກ້ຳເກິ່ງກັນໂດຍທຽບຖານນັ້ນ, ກໍມີຜົນດີຕໍ່ໂມເລກຸນນ້ຳດູດຊຶມເຂົ້າໃນອາຫານເຊິ່ງກັນແລະກັນ, ເວລາດູດຊຶມເຂົ້າກັນດັ່ງກ່າວນີ້ຮັກສາໄວ້ໄດ້ຍິ່ງດົນປານໃດ, ຄວາມຫອມກໍຈະລະບາຍອອກຍິ່ງຫຼາຍເທົ່ານັ້ນ, ແກງກໍຍິ່ງແຊບນົວ, ວັດຖຸດິບກໍຍິ່ງເປື່ອຍດີ.
ຕ້ອງໃຊ້ໄຟຢ່າງເໝາະສົມ
ເຄັດລັບໃນການຕົ້ມແກງແມ່ນ: ໃຊ້ໄຟແຮງຕົ້ມໃຫ້ຟົດແລ້ວໃຊ້ໄຟອ່ອນເພື່ອຕົ້ມໃຫ້ເປື່ອຍ. ເຮັດແນວນີ້ຈິ່ງຈະສາມາດເຮັດໃຫ້ກິ່ນຫອມໃນວັດຖຸດິບເຊັ່ນທາດບຳລຸງເປັນຕົ້ນລະລາຍອອກຢ່າງເຕັມທີ່, ເຮັດໃຫ້ແກງຍິ່ງແຊບນົວ. ມີແຕ່ໃຊ້ໄຟອ່ອນຈິ່ງສາມາດເຮັດໃຫ້ທາດບຳລຸງລະລາຍອອກໄດ້ຍິ່ງຫຼາຍ, ນ້ຳແກງກໍໃສແລະມີລົດຊາດດີ.
ໃຊ້ນ້ຳຕ້ອງເໝາະສົມ: ນ້ຳສາມາດເຮັດໃຫ້ອາຫານລະລາຍ, ທັງແມ່ນສື່ຄວາມຮ້ອນຂອງອາຫານ. ການປ່ຽນແປງຂອງອຸນຫະພູມນ້ຳແລະການໃຊ້ນ້ຳຫຼາຍປານໃດນັ້ນມີຜົນສະທ້ອນໂດຍກົງຕໍ່ທາດບຳລຸງແລະລົດຊາດຂອງນ້ຳແກງ. ທຳມະດາແລ້ວ, ປະລິມານນ້ຳແມ່ນ3ເທົ່າຂອງນ້ຳໜັກອາຫານຕົນຕໍທີ່ເອົາມາຕົ້ມແກງ, ທັງຄວນໃຊ້ນ້ຳເຢັນ, ຖ້າໃຊ້ນ້ຳຮ້ອນຫຼືນ້ຳຟົດມາຕົ້ມແກງ, ຊັ້ນນອກຂອງຊີ້ນພົບອຸນຫະພູມຮ້ອນຢ່າງກະທັນຫັນ, ທາດໂປຼຕິນຊັ້ນນອກຈະແຂ້ນເຂົ້າໃນທັນທີ, ເຮັດໃຫ້ທາດໂປຼຕິນຊັ້ນໃນລະລາຍອອກໃຫ້ນ້ຳແກງຢ່າງເຕັມທີ່ບໍ່ໄດ້. ນອກນີ້, ຖ້າຕື່ມນ້ຳເຢັນໃສ່ໝໍ້ໃນເວລາຕົ້ມແກງ, ທາດໂປຼຕິນກໍບໍ່ສາມາດລະລາຍອອກໃນນ້ຳແກງຢ່າງເຕັມທີ່, ລົດຊາດຂອງນ້ຳແກງກໍ່ບໍ່ແຊບນົວ, ສີຂອງນ້ຳແກງກໍບໍ່ໃສ.
ຕ້ອງປະສົມອາຫານຢ່າງເໝາະສົມ: ມີອາຫານບາງຢ່າງມີເບົ້າແບບປະສົມຕາຍຕົວ, ມີທາດບຳລຸງຕາບຈູນກັນ. ສິ່ງທີ່ຕ້ອງເວົ້າເຖິງນັ້ນແມ່ນເອົາສາຫຼ່າຍທະເລຕົ້ມຊີ້ນ, ຊີ້ນໝູທີ່ເປັນອາຫານທາດສົ້ມກັບສາຫຼ່າຍທະເລທີ່ເປັນອາຫານທາດເຄັມພໍດີມີທາດບຳລຸງທີ່ຕາບຈູນກັນ, ນີ້ແມ່ນອາຫານອາຍຸຍືນຂອງໂອຄີນາວາ ເຂດອາຍຸຍືນຂອງຍີ່ປຸ່ນ. ເພື່ອເຮັດໃຫ້ແກງມີລົດຊາດດີ, ທຳມະດາແລ້ວ, ຢ່າໃຊ້ຊີ້ນສັດຫຼາຍຊະນິດມາຕົ້ມນຳກັນ.
ຕ້ອງມີວິທີແຕ່ງທີ່ດີ: ໃນເວລາຕົ້ມແກງບໍ່ຄວນໃສ່ເກືອກ່ອນ, ເພາະວ່າເກືອສາມາດຊຶມເຂົ້າໃນຊີ້ນ, ເຮັດໃຫ້ນ້ຳໃນຊີ້ນຖືກລະບາຍອອກ, ທາດໂປຼຕິນລະລາຍອອກບໍ່ໄດ້, ລົດຊາດບໍ່ແຊບ. ໃນເວລາຕົ້ມແກງ, ອຸນຫະພູມຕ້ອງຮັກສາຢູ່ລະຫວ່າງ85ອົງສາຫາ100ອົງສາເປັນເວລາຍາວນານ, ຖ້າໃສ່ຜັກ, ຕ້ອງໃສ່ສຸກແລ້ວກິນໂລດ, ເພື່ອຫຼີກເວັ້ນບໍ່ໃຫ້ວິຕາມິນເຊຖືກທຳລາຍ. ໃນນ້ຳແກງຈະໃສ່ເຄື່ອງປຸງແຕ່ງຊະນິດຕ່າງໆໃຫ້ພໍດີກໍໄດ້ເຊັ່ນ: ແປ້ງນົວ, ນ້ຳມັນງາ, ໝາກພິກໄທ, ຂີງ, ຜັກບົ່ວແລະຫົວທຽມເປັນຕົ້ນ, ແຕ່ຢ່າໃສ່ຫຼາຍເກີນໄປ, ເພື່ອຮັກສາລົດຊາດເດີມຂອງນ້ຳແກງ.
|
|
|
