|
ຕາມຂ່າວສານຊິນຮວາ: ວັນທີ 6 ມີນາ, ສິງກະໂປໄດ້ປະກາດໃຊ້ມາດຕະການໃໝ່ສອງປະການ, ເພື່ອຮັບມືກັບການແຜ່ລະບາດຂອງໄຂ້ຫວັດສັດປີກຕື່ມອີກ.
ໃນມື້ດຽວກັນ, ກົມກະສິກຳທັນຍາຫານແລະສັດຕະວະແພດ ແລະກະຊວງພັດທະນາແຫ່ງລັດສິງກະໂປໄດ້ອອກຖະແຫຼງການ ໂດຍຂຽນວ່າ, ມາດຕະການສອງປະການດັ່ງກ່າວແມ່ນ: ກົມກະສິກຳທັນຍາຫານແລະສັດຕະວະແພດສິງກະໂປທວງໃຫ້ຟາມທຸກແຫ່ງໃຊ້ມາດຕະການກັກກັນຄວາມປອດໄພຊີວະພາບ, ຕາບໃດເກີດພະຍາດໄຂ້ຫວັດສັດປີກແລ້ວ, ເຈົ້າໜ້າທີ່ຈະຈັບຂ້າສັດປີກລ້ຽງໃນເຂດເກີດພະຍາດ; ໃນເວລາສິງກະໂປປະເຊີນກັບການຂົ່ມຂູ່ຈາກພະຍາດໄຂ້ຫວັດສັດປີກ, ຕ້ອງສີດຢາວັກແຊງກັນພະຍາດໃຫ້ສັດປີກລ້ຽງທຸກໂຕ.
ໃນມື້ດຽວກັນ, ລັດຖະມົນຕີວຽກງານການປົກຄອງກະຊວງພັດທະນາແຫ່ງລັດສິງກະໂປກໍ່ໄດ້ສະເໜີມາດຕະການໃໝ່ໃນການປ້ອງກັນພະຍາດໄຂ້ຫວັດສັດປີກຢູ່ທີ່ສະພາ, ໃນນັ້ນ ລວມທັງການແບ່ງຟາມ 7 ແຫ່ງຂອງສິງກະໂປອອກເປັນເຂດກັກກັນຄວາມປອດໄພຊີວະພາບ 5 ເຂດ, ຟາມທີ່ບໍ່ຢູ່ໃນເຂດກັກກັນດຽວກັນຈະໃຊ້ອຸປະກອນແລະລົດຍົນນຳກັນບໍ່ໄດ້, ລວມທັງລົດຍົນຂົນສົ່ງໄຂ່ໄກ່, ກໍ່ບໍ່ໃຫ້ກຳມະກອນໄປຟາມອື່ນໆ, ເພື່ອປ້ອງກັນບໍ່ໃຫ້ເຊື້ອພະຍາດແຜ່ລາມ. ຕາບໃດໃນເຂດກັກກັນໃດພົບເຫັນມີພະຍາດໄຂ້ຫວັດສັດປີກແລ້ວ, ຕ້ອງຈັບຂ້າສັດປີກລ້ຽງໃນເຂດກັກກັນໃຫ້ໝົດ.
|
