|
|
 |
| (GMT+08:00)
2006-03-07 21:04:04
|
 |
|
ຈີນພັດທະນາລົດເກັ໋ງທີ່ມີຄວາມແຮງຕ່ຳຈະກ້າວຂຶ້ນສູ່ທາງດ່ວນ
cri
Author: da
|
ໂດຍພິຈາລະນາເຖິງການປະຢັດພະລັງງານ,ລັດຖະບານຈີນໄດ້ທວງໃຫ້ແຫ່ງຕ່າງໆຍົກເລີກຂໍ້ຈຳກັດທຸກຂໍ້ຕໍ່ລົດເກັ໋ງທີ່ມີຄວາມແຮງຕ່ຳແບບອະນຸລັກສິ່ງແວດລ້ອມກ່ອນເດືອນມີນາ,ແລະກ່າວວ່າຈະປະກາດໃຊ້ນະໂຍບາຍທີ່ສົ່ງເສີມການຜະລິດແລະບໍລິໂພກລົດເກັ໋ງທີ່ມີຄວາມແຮງຕ່ຳ.ຜູ້ຊ່ຽວຊານເວົ້າວ່າ,ຕາມການຄາດຄະເນ,ການກະທຳດັ່ງກ່າວຈະເຮັດໃຫ້ການພັດທະນາລົດເກັ໋ງທີ່ມີຄວາມແຮງຕ່ຳຂອງຈີນກ້າວຂຶ້ນສູ່ທາງດ່ວນ,ລົດເຫຼົ່ານີ້ມີຫວັງກາຍເປັນມ້າມືດໃນຕະຫຼາດຈຳໜ່າຍລົດຍົນປີນີ້.
ຢູ່ຕະຫຼາດຈຳໜ່າຍລົດຍົນແຫ່ງໜຶ່ງຂອງປັກກິ່ງ,ທ່ານໂອ່ວຊິ້ງກຳລັງເລືອກລົດເກັ໋ງທີ່ມີຄວາມແຮງຕ່ຳຢ່າງລະອຽດ.ທ່ານເວົ້າຕໍ່ນັກຂ່າວວ່າ,ລັດປະກາດໃຊ້ນະໂຍບາຍຍົກເລີກຂໍ້ຈຳກັດຜະລິດແລະຂາຍລົດເກັ໋ງທີ່ມີຄວາມແຮງຕ່ຳແລະລາຄານ້ຳມັນທີ່ແພງຂຶ້ນຢ່າງບໍ່ຂາດສາຍໃນສະເພາະໜ້ານີ້,ແມ່ນມູນເຫດຕົ້ນຕໍທີ່ເຮັດໃຫ້ທ່ານຕົກລົງຊື້ລົດເກັ໋ງທີ່ມີຄວາມແຮງຕ່ຳ.
"ລົດໃຫຍ່ລາຄາແພງ,ຖ້າຊື້ຈະຫາບແບກໜັກ.ພາຍຫຼັງລັດຍົກເລີກການຈຳກັດດັ່ງກ່າວນີ້ແລ້ວ,ລົດເກັ໋ງທີ່ມີຄວາມແຮງຕ່ຳຈະບໍ່ຖືກຈຳກັດໃນເວລາເດີນທາງ,ລາຄາລົດກໍ່ຫາບແບກໄດ້.ອີກອັນໜຶ່ງ,ຍ້ອນລົດນ້ອຍໃຊ້ນ້ຳມັນໜ້ອຍເຖິງວ່າລາຄາແພງຂຶ້ນຈັກໜ້ອຍແລ້ວ,ກໍ່ຫາບແບກໄດ້."
ຢູ່ຈີນ,ຜູ້ບໍລິໂພກທີ່ຫວັງຢສກຊື້ລົດເກັ໋ງທີ່ລາຄາຖືກແລະເໝາະໃຊ້ເໝືອນທ່ານໂອ່ວຊິ້ງນັ້ນຍັງມີຫຼາຍໆຄົນ,ຕາມສະຖິຕິຂອງສະມາຄົມອຸດສາຫະກຳລົດຍົນຈີນ,ໃນປີ 2005,ຈຳນວນລົດເກັ໋ງທີ່ມີຄວາມແຮງຕ່ຳທີ່ຈຳໜ້າຍນັ້ນໄດ້ກວມຍອດຈຳນວນລົດຍົນທີ່ຈຳໜ່າຍ 50% ແລ້ວ.
ຕາມການສຳຫຼວດຂອງເວັບໄຊໜຶ່ງຂອງຈີນ,ພາຍຫຼັງຍົກເລີກການຈຳກັດລົດເກັ໋ງທີ່ມີຄວາມແຮງຕ່ຳແລ້ວ,ຜູ້ບໍລິໂພກ 39,2% ເວົ້າວ່າຈະຊື້ຢ່າງແນ່ນອນ,ຜູ້ບໍລິໂພກ 30,5% ອາດຈະຊື້.ພ້ອມກັນນັ້ນ ການສຳຫຼວດປະກົດເຫັນວ່າ,ຜູ້ບໍລິໂພກເຫັນວ່າ ຈຸດເດັ່ນກວ່າໝູ່ຂອງລົດເກັ໋ງນ້ອຍແມ່ນລາຄາຖືກແລະປະຢັດພະລັງງານ,ສ່ວນຈຸດອ່ອນຕົ້ນຕໍແມ່ນຄວາມແຮງບໍ່ສູງ ລັກສະນະຄວາມປອດໄພຕ່ຳ ແລະຂັ້ນລະດັບຕ່ຳ.
ແຕ່ວ່າ,ຕໍ່ທັດສະນະຂອງສາທາລະນະຊົນກ່ຽວກັບລົດເກັ໋ງທີ່ມີຄວາມແຮງຕ່ຳແມ່ນລົດຂັ້ນລະດັບຕ່ຳ,ບຸກຄົນໃນຂະແໜງການພັດມີຄວາມເຫັນຕ່າງກັນ.ທ່ານຖາງເຖີງ ຮອງຜູ້ອຳນວຍການໃຫຍ່ບໍລິສັດຜະລິດລົດຍົນຕົ່ງເຟີ່ງເປີໂຊ ຊຶ່ງເປັນ 1 ໃນບັນດາບໍລິສັດໃຫຍ່ຂອງຈີນເວົ້າວ່າ:
"ອາດເວົ້າໄດ້ວ່າ ປະຈຸບັນ ຄົນທັງຫຼາຍຍັງມີອະຄະຕິຕໍ່ລົດເກັ໋ງທີ່ມີຄວາມແຮງຕ່ຳຢູ່,ເພາະວ່າ ບາງຄົນຄຶດວ່າ ລົດເກັ໋ງຄວາມແຮງຕ່ຳແມ່ນຜະລິດຕະພັນທີ່ຂ້ອນຂ້າງກະທັດຮັດແລະມີເຕັກນິກຂ້ອນຂ້າງຫຼ້າຫຼັງ.ທີ່ຈິງແລ້ວ,ໃນຕະຫຼາດລົດຍົນສາກົນປະຈຸບັນ,ລົດເກັ໋ງຄວາມແຮງຕ່ຳແມ່ນຕ່າງເກົ່າແລ້ວ."
ທ່ານຖາງເຖີງເວົ້າວ່າ,ປະຈຸບັນ ວິສາຫະກິດຜະລິດລົດຍົນຂອງຈີນລ້ວນແຕ່ສຸດທີ່ເອົາໃຈໃສ່ນຳຄຸນນະພາບຂອງລົດເກັ໋ງຄວາມແຮງຕ່ຳໃນດ້ານເຄື່ອງປະກອບ,ໂຮງງານຜະລິດລົດຍົນໄດ້ເອົາອຸປະກອນສ່ວນໜຶ່ງທີ່ແຕ່ກ່ອນມີແຕ່ປະກອບລົດຂັ້ນສູງນັ້ນມາປະກອບຢູ່ໃນລົດເກັ໋ງຄວາມແຮງຕ່ຳ,ເຊັ່ນ:ອາໄຫຼ່ຮັກສາແບບມີປັນຍາ ຕາລົດອັດຕະໂນມັດແລະແອອັດຕະໂນມັດເຫຼົ່ານີ້ເປັນຕົ້ນ,ທີ່ຈິງແລ້ວ ນີ້ກໍແມ່ນທ່ວງທ່າພັດທະນາຂອງລົດເກັ໋ງຄວາມແຮງຕ່ຳຂອງຈີນໃນອະນາຄົດ.
ບໍລິສັດຜະລິດລົດຍົນອີ່ຊີ້ທຽນສິນຫຸ້ນສ່ວນຈຳກັດແມ່ນວິສາຫະກິດທີ່ຜະລິດລົດເກັ໋ງຄວາມແຮງຕ່ຳຫຼາຍກວ່າໝູ່.ປີກາຍນີ້,ລົດເກັ໋ງນ້ອຍລະບົບເຊ້ຍລີ້ຂອງບໍລິສັດນີ້ຂາຍໄດ້ຫຼາຍກວ່າ 2 ແສນຄັນ,ກວມຕະຫຼາດລົດລະດັບດຽວກັນ 30%.ທ່ານວັງກ່າງ ຜູ້ອຳນວຍການໃຫຍ່ບໍລິສັດອີ່ຊີ້ທຽນສິນເວົ້າວ່າ,ຍ້ອນລັດໄດ້ປະກາດໃຊ້ນະໂຍບາຍສົ່ງເສີມຜະລິດລົດເກັ໋ງຄວາມແຮງຕ່ຳ,ຕໍ່ໄປພາຍໜ້າ ພວກເຂົາເຈົ້າຈະຍົກຄຸນນະພາບຂອງ ລົດເກັ໋ງຄວາມແຮງຕ່ຳໃຫ້ສູງຂຶ້ນຕື່ມອີກ,ເຮັດໃຫ້ຄົນຍິ່ງຫຼາຍສົນໃຈນຳລົດຊະນິດນີ້:
"ພວກເຮົາຈະຜະລິດລົດຊະນິດນີ້ທີ່ມີຄຸນລັກສະນະຂອງລົດຂັ້ນສູງເທື່ອລະກ້າວ,ເຮັດໃຫ້ລູກຄ້າພວກເຮົາເມື່ອໄດ້ຊື້ລົດເກັ໋ງຄວາມແຮງຕ່ຳແລ້ວກໍສາມາດບັນລຸຄວາມມຸ່ງຫວັງຂອງຕົນ,ນີ້ກໍ່ແມ່ນບໍ່ເສຍເງິນຫຼາຍ,ທັງປະຢັດພະລັງງານແລະອະນຸລັກສິ່ງແວດລ້ອມ.ເມື່ອເປັນແນວນີ້ແລ້ວ,ກໍ່ໄດ້ໂຄສະນາມະໂນພາບຂອງລົດເກັ໋ງຄວາມແຮງຕ່ຳໃຫ້ຮູ້ໂດຍທົ່ວໄປ,ຄົນທັງຫຼາຍກໍຈະມັກຊື້ລົດເກັ໋ງນ້ອຍ."
ທ່ານຢົງຮຸ້ຍຄ່າງ ຮອງປະທານປະຈຳການຄະນະກຳມະການຜູ້ຊ່ຽວຊານສະມາຄົມອຸດສາຫະກຳລົດຍົນຈີນເຜີຍໃຫ້ຮູ້ວ່າ,ປີນີ້ ຈີນຈະປັບປຸງວິທີເກັບອາກອນບໍລິໂພກລົດຍົນ,ອັດຕາອາກອນບໍລິໂພກລົດເກັ໋ງຄວາມແຮງຕ່ຳມີຫວັງຈະຫຼຸດລົງ,ນີ້ຈະກະຕຸກການບໍລິໂພກລົດເກັ໋ງເຫຼົ່ານີ້ຕື່ມອີກ:
"ປີນີ້ຍັງຈະປະກາດໃຊ້ນະໂຍບາຍຫຼາຍລາຍເພື່ອສະໜັບສະໜູນແລະຊັກນຳການຜະລິດລົດລົດເກັ໋ງຄວາມແຮງຕ່ຳ.ເຊັ່ນ:ອາກອນບໍລິໂພກໃນປະຈຸບັນແມ່ນຄືກັນ.ໃນອະນາຄົດ ພວກເຮົາອາດຈະແບ່ງອາກອນບໍລິໂພກເປັນຫຼາຍລະດັບ,ລົດແຮ່ງນ້ອຍ,ຄວາມແຮງແຮ່ງຕ່ຳ,ອາກອນກໍແຮ່ງຕ່ຳ,ກົງກັນຂ້າມ ລົດທີ່ມີຄວາມແຮງສູງຈະເສຍອາກອນຫຼາຍກວ່າ."
ຕາມການແນະນຳ,ປະຈຸບັນ ປະລິມານລົດເກັ໋ງຄວາມແຮງຕ່ຳທີ່ອະນຸລັກສິ່ງແວດລ້ອມຂອງຈີນພຽງແຕ່ກວມຍອດປະລິມານຈຳໜ່າຍລົດຍົນຢູ່ໃນລະຫວ່າງ 20%,ຕ່ຳກວ່າອັດຕາສະເລ່ຍຂອງປະເທດເອີລົບຄື70%.ເມື່ອເວົ້າໃນດ້ານນີ້ແລ້ວ,ການພັດທະນາລົດເກັ໋ງຄວາມແຮງຕ່ຳຂອງຈີນຍັງມີຊ່ອງຫວ່າງຫຼາຍຢູ່.ທ່ານຢົງຮຸ້ຍຄ່າງຫັນວ່າ,ລົດເກັ໋ງຄວາມແຮງຕ່ຳມີຫວັງຈະເປັນລົດຕົ້ນຕໍໃນຕະຫຼາດລົດຍົນຂອງຈີນໃນປີນີ້:
"ປີກາຍນີ້ ລົດຍົນທີ່ພວກເຮົາຂາຍໄດ້ດີ ສ່ວນຫຼາຍແມ່ນຍີ່ຫໍ້ເຊ້ຍລີ້.ລົດນີ້ໄດ້ດັດແປງມາຫຼາຍເທື່ອແລ້ວ,ມີຄວາມແຮງຕ່ຳຫຼາຍ,ສ່ວນຫຼາຍຕ່ຳກວ່າໜຶ່ງລິດ.ປີກາຍນີ້,ລົດQQ,ຂະໜາດ 800 CC, ຂະໜາດ1,1 CC ກໍ່ຂາຍໄດ້ດີຫຼາຍ.ນີ້ຈະແມ່ນທ່ວງທ່າຂອງປະເທດພວກເຮົາ."
ຕາມການຄາດຄະເນ,ຍອດປະລິມານຈຳໜ່າຍລົດຍົນຂອງຈີນໃນປີນີ້ຈະເພີ່ມຂຶ້ນ 12%,ຄືຈະລື່ນກາຍ 6 ລ້ານ 4 ແສນຄັນ.ໃຕ້ເບື້ອງຫຼັງທີ່ຈີນຍົກເລີກການຈຳກັດລົດເກັ໋ງຄວາມແຮງຕ່ຳ,ລົດປະເພດນີ້ຈະກວມໂກຕາຫຼາຍກວ່າເກົ່າໃນຕະຫຼາດລົດຍົນຈີນ.
|
|
|
