|
ຈີນຍິນດີເພີ່ມທະວີການຮ່ວມມືແບບຕ່າງຝ່າຍຕ່າງໄດ້ຜົນປະໂຫຍດກັບປະເທດພວມພັດທະນາທັງໝົດ
cri
ຕາມຂ່າວCRI,ວັນທີ7ມີນາ,ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຫຼີ ຈ້າວຊີ່ງ ລັດຖະມົນຕີການຕ່າງປະເທດຈີນກ່າວວ່າ,ຈີນຍິນດີເພີ່ມທະວີການຮ່ວມມືແບບຕ່າງຝ່າຍຕ່າງໄດ້ຮັບຜົນປະໂຫຍດກັບປະເທດພວມພັດທະນາທັງໝົດ.
ທ່ານຫຼີຈ້າວຊີ່ງເວົ້າວ່າ,ໃນຖານເປັນປະເທດພວມພັດທະນາ,ຈີນກັບປະເທດພວມພັດທະນາອື່ນໆອັນໄພສານມີຜົນປະໂຫຍດຮ່ວມ,ເຖິງວ່າຈີນຍັງບໍ່ທັນຮັ່ງມີປານໃດ,ແຕ່ຝ່າຍຈີນຍິນດີສະໜອງການຊ່ວຍເຫຼືອໃຫ້ປະເທດພວມພັດທະນາເທົ່າທີ່ສາມາດ.
ທ່ານຫຼີຈ້າວຊີ່ງເວົ້າວ່າ,ໃນວຽກງານລະຫວ່າງຊາດ,ຝ່າຍຈີນຈະເພີ່ມທະວີການປຶກສາຫາລືແລະປະສານງານກັບປະເທດພວມພັດທະນາ,ພ້ອມກັນປົກປັກຮັກສາສິດແລະຜົນປະໂຫຍດອັນຊອບທຳຂອງປະເທດພວມພັດທະນາ.ໃນບັນຫາປະຕິຮູບອົງການສະຫະປະຊາຊາດ,ຝ່າຍຈີນມີເຈດຈຳນົງວ່າ,ຄວນເອົາໃຈໃສ່ນຳບັນຫາພັດທະນາກ່ອນ,ໃນບັນຫາປະຕິຮູບສະພາຄວາມໝັ້ນຄົງ,ຄວນໃຫ້ບູລິມະສິດໃນການເພີ່ມທະວີລັກສະນະຕົວແທນຂອງປະເທດພວມພັດທະນາ, ໂດຍສະເພາະແມ່ນປະເທດອາຟຼິກາ.
|
|
