|
|
 |
| (GMT+08:00)
2006-03-07 21:23:29
|
 |
|
ສື່ມວນຊົນຕ່າງປະເທດເອົາໃຈໃສ່ນຳຄວາມພະຍາຍາມຂອງລັດຖະບານຈີນໃນການແກ້ໄຂບັນຫາກະສິກຳ ຊົນນະບົດແລະກະສິກອນ
cri
ຕາມຂ່າວCRI,ໃນຫຼາຍມື້ມານີ້,ສື່ມວນຊົນຕ່າງປະເທດໄດ້ລາຍງານບົດລາຍງານວຽກງານລັດຖະບານທີ່ທ່ານນາຍົກເວິ່ນເຈ່ຍປາວໄດ້ອ່ານໃນກອງປະຊຸມຄັ້ງທີສີ່ຂອງສະພາປະຊາຊົນແຫ່ງຊາດຈີນຄັ້ງທີ10ນັ້ນຢ່າງຕັ້ງໜ້າ,ໄດ້ເອົາໃຈໃສ່ແລະຢືນຢັນນະໂຍບາຍສ້າງສາຊົນນະບົດສັງຄົມນິຍົມແບບໃໝ່ທີ່ລັດຖະບານຈີນສະເໜີອອກມາຢ່າງຈະແຈ້ງ.
ວັນທີ7ມີນາ ໜັງສືພິມ ລຽນເຮີຈາວປ້າວຂອງສິງກະໂປໄດ້ພິມບົດນຳໂດຍຊີ້ອອກວ່າຈຸດໜັກໃນການປະຕິບັດງານຂອງລັດຖະບານຈີນໃນປີນີ້ແມ່ນບັນຫາຊີວິດການເປັນຢູ່ຂອງປະຊາຊົນ,ເຮັດແນວໃດຫຼຸດຄວາມຜິດໂຕນກັນແຫ່ງການພັດທະນາລະຫວ່າງຕົວເມືອງກັບຊົນລະບົດ,ລະຫວ່າງພາກພື້ນແລະລາຍໄດ້ຂອງຂອງສະມາຊິກສັງຄົມໃຫ້ໜ້ອຍລົງນັ້ນໄດ້ກາຍເປັນໜ້າທີ່ລຳບາກຂອງລັດຖະບານຊຸດນີ້.
ວັນທີ6ມີນາ,ໜັງສືພິມ ວົນ ສຕຼີດ ເຈີນານຂອງອາເມລິກາ ພິມບົດຄວາມຊີ້ອອກວ່າ,ລັດຖະບານຈີນເລີ່ມອ່ຽງຈຸດໜັກວຽກງານໄປສູ່ຊົນນະບົດທີ່ມີລາຍໄດ້ບໍ່ທໍ່ໜຶ່ງສ່ວນສາມຂອງຕົວເມືອງ.
ວັນທີ6ມີນາ ໜັງສືພິມເອໂປກແລະໜັງສືພິມເວທີປາໄສເຊີແນວໄດ້ພິມບົດຄວາມຊີ້ອອກວ່າ,ນະໂຍບາຍສ້າງສາຊົນນະບົດແບບໃໝ່ຂອງລັດຖະບານຈີນໄດ້ຊອກພົບຊ່ອງທາງພັດທະນາແບບຍືນຍົງໃຫ້ແກ່ເສດຖະກິດຈີນ.
|
|
|
