|
|
 |
| (GMT+08:00)
2006-03-08 15:29:18
|
 |
|
ຈີນເຮັດໃຫ້ມາດຖານຕັດສິນຄະດີທີ່ກ່ຽວພັນເຖິງຕ່າງປະເທດນັ້ນເປັນແບບສະບັບຕື່ມອີກ
cri
Author: cai
ຕາມໜັງສືພິມ"ເຢີນມີນຢື້ປ້າວ":ວັນທີ 7 ມີນາ,ທ່ານວ້ານເອີ້ຊ່ຽງ ຮອງປະທານສານປະຊາຊົນສູງສຸດຂອງຈີນເຜີຍໃຫ້ຮູ້ວ່າ,ສານປະຊາຊົນສູງສຸດພວມຮ່າງການຕີຄວາມໝາຍຂອງກົດໝາຍກ່ຽວກັບວຽກງານການຄ້າແລະທະເລທີ່ກ່ຽວພັນເຖິງຕ່າງປະເທດງວດໜຶ່ງ,ເຮັດໃຫ້ມາດຖານຕັດສິນຄະດີເປັນແບບສະບັບ,ເພື່ອເຮັດໃຫ້ຕຸລາການເປັນເອກະພາບກັນ.
ທ່ານວ້ານເອີ້ຊ່ຽງເວົ້າວ່າ,ຄຽງຄູ່ກັບເສດຖະກິດໂລກາວິວັດແລະຈີນໄຂປະຕູສູ່ພາຍນອກຢ່າງກວ້າງອອກ,ການລົງທຶນຢູ່ຈີນໄດ້ປະກົດມີຈຸດພິເສດຕ່າງໆເຊັ່ນ ມີຜູ້ລົງທຶນຫັນເປັນຫຼາຍເຄົ້າແລະການພົວພັນດ້ານກົດໝາຍສັບສົນຂຶ້ນເປັນຕົ້ນ,ໄດ້ເກີດມີການວິວາດກັນດ້ານວຽກງານການຄ້າແລະທະເລທີ່ກ່ຽວພັນເຖິງຕ່າງປະເທດຢ່າງຫຼວງຫຼາຍພ້ອມດ້ວຍການວິວາດກັນດ້ານການຄ້າການລົງທຶນລະຫວ່າງຊາດປະເພດໃໝ່,ອັນໄດ້ເຮັດໃຫ້ການສືບສວນແລະຕັດສິນຄະດີຍາກຂຶ້ນ.ດ້ວຍເຫດນີ້,ຈີນຈະປະກາດໃຊ້ການຕີຄວາມໝາຍຂອງກົດໝາຍທາງການຄ້າແລະທະເລທີ່ພົວພັນເຖິງຕ່າງປະເທດງວດໜຶ່ງໂດຍໄວ,ເພື່ອເຮັດໃຫ້ມາດຖານຕັດສິນຄະດີເປັນແບບສະບັບ.
ທ່ານເຜີຍໃຫ້ຮູ້ວ່າ,ປະຈຸບັນ,ຈີນໄດ້ອະນຸມັດຫຼືເຂົ້າຮ່ວມສົນທິສັນຍາສາກົນແລະສົນທິສັນຍາສອງຝ່າຍກ່ຽວກັບວຽກງານການຄ້າແລະທະເລ 40 ກວ່າສະບັບ.
|
|
|
