ຕາມຂ່າວສານຊິນຮວາ: ເຖິງວ່າປະເທດເອີລົບແລະປະ​ເທດອາຟິຼກກາທີ່ເກີດ​ພະ​ຍາດ​ໄຂ້​ຫວັດ​ສັດ​ປີກຈຳນວນໜຶ່ງພະຍາຍາມ​ຕ້ານ​ກັບ​ພະຍາ​ດກໍ່ຕາມ, ​ແຕ່​ຫວ່າງ​ມໍ່ໆ​ນີ້ ພະ​ຍາດ​ໄຂ້ຫວັດ​ສັດ​ປີກ​ກໍ່​ຍັງ​ສືບ​ຕໍ່​ແຜ່​ລະບາດ​ຢູ່​ໂລມາ​ນີ ​ເຢຍລະ​ມັນ​ແລະ​ນີ​ເຊ​ເລຍ​ເປັນ​ຕົ້ນ.

ຕອນ​ຄ່ຳ​ວັນ​ທີ 7 ມີນາ, ​ຂ່າວສານ​ໂລມາ​ນີລາຍ​ງານ​ວ່າ, ວັນ​ທີ 7 ມີນາ, ຢູ່​ເມືອງ​ຄອນ​ສະ​ຕານ​ຕາ​ແຫ່ງ​ໂລມາ​ນີ​ໄດ້​ປະກົດ​ມີ​​ພະຍາດ​ໄຂ້ຫວັດ​ສັດ​ປີກ​ແບບ H5. ບ່ອນເກີດ​ພະ ຍາດ​ດັ່ງ​ກ່າວ​ຢູ່​ໂລ​ມາ​ນີກໍ່​ເພີ່ມ​ຂຶ້ນຮອດ 18 ບ່ອນ.

ວັນ​ທີ 7 ມີນາ, ກະຊວງ​ກະສິກຳ​​ເຢຍລະ​ມັນ​ກ່າວ​ວ່າ, ພະນັກງານ​ກວດ​ພະຍາດ​ໄດ້​ກວດ​ພົບ​ພະ​ຍາດ​ໄຂ້ຫວັດ​ສັດ​ປີກ​​ແບບ H5N1 ໃນ​​ແມວ​ຕາຍສອງ​ໂຕ​ຢູ່​ເກາະຣູ​ແກນ​ເຢຍລະ​ມັນ. ປັດຈຸບັນ, ພະ​ຍາດ​ໄຂ້ຫວັດ​ສັດ​ປີກ​ໃນ​ແດນ​ເຢຍລະ​ມັນ​ໄດ້​​ແຜ່​ລະບາດ​ໄປ​ຮອດ 6 ລັດ​ແລ້ວ.

ວັນ​ທີ 7 ມີນາ, ລັດຖະມົນຕີ​ຖະ​ແຫຼງຂ່າວ​ນີ​ເຊ​ເລຍ​ກ່າວ​ວ່າ, ຫວ່າງ​ມໍ່ໆ​ນີ້, ພະຍາດ​ໄຂ້​ຫວັດ​ສັດ​ປີກ​ປະ​ເພດ​ຮ້າຍ​ແຮງ​ໄດ້​​ແຜ່​ລະບາດເຂົ້າ 3 ລັດ​ຂອງ​ນີ​ເຊ​ເລຍ​ອີກ.