|
|
 |
| (GMT+08:00)
2006-03-08 16:10:01
|
 |
|
ຈີນສ້າງສາຊົນນະບົດໃໝ່ມີຄວາມໝາຍຕໍ່ສປປລາວໃນການຖອດຖອນບົດຮຽນ(ສຽງ)
cri
Author: mo
|
ວັນທີ 5 ມີນາ, ໃນບົດລາຍງານວຽກງານລັດຖະບານທີ່ທ່ານເວີນເຈຍປາວ ນາຍົກລັດຖະມົນຕີຈີນລາຍງານໃນກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນ, ທ່ານໄດ້ສະເໜີ ເອົາການສ້າງສາຊົນນະບົດໃໝ່ສັງຄົມນິຍົມໄວ້ຢູ່ໃນຖານະອັນດັບໜຶ່ງຂອງວຽກງານລັດຖະບານໃນປີນີ້ແລະຫຼາຍປີຂ້າງໜ້າ. ຫຼັງຈາກໄດ້ຮັບຟັງການລາຍງານຂ່າວຂອງພວກເຮົາແລ້ວ, ມີຜູ້ຟັງຫຼາຍຄົນໄດ້ໂທລະສັບມາຍັງພວກເຮົາ, ຕີລາຄາສູງຕໍ່ບົດລາຍງານວຽກງານຂອງທ່ານເວີນເຈຍປາວ ນາຍົກລັດຖະມົນຕີຈີນ, ແລະເວົ້າວ່າ, ການສ້າງຊົນນະບົດໃໝ່ສັງຄົມນິຍົມຂອງຈີນມີຄວາມໝາຍສຳຄັນສົມຄວນຕໍ່ລາວໃນການຖອດຖອນບົດຮຽນເພື່ອພັດທະນາເສດຖະກິດສັງຄົມຂອງຕົນ.
ຈີນແລະລາວລ້ວນແຕ່ແມ່ນປະເທດກະສິກຳ, ມີບ່ອນຄ້າຍຄືກັນຫຼາຍໃນດ້ານ ພັດທະນາກະສິກຳແລະສ້າງສາຊົນນະບົດ. ທ່ານຄຳແພງ ອ່ອນສາແມ່ນຜູ້ຟັງມິດລາຍການຂອງວິທະຍຸພວກເຮົາ, ປັດຈຸບັນ, ທ່ານເປັນຫົວໜ້າຫ້ອງການກໍ່ສ້າງຮາກຖານການເມືອງແລະພັດທະນາຊົນນະບົດຮອບດ້ານຂອງແຂວງຜົ້ງສາລີ. ທ່ານເວົ້າວ່າ, ແຂວງຜົ້ງສາລີແມ່ນແຂວງພູດອຍທີ່ຖືກະສິກຳເປັນຫຼັກ, ແລະຂ້ອນຂ້າງທຸກຍາກ, ຈີນສະເໜີໃຫ້ສ້າງຊົນນະບົດແບບໃໝ່, ມີຄວາມໝາຍຕໍ່ລາວຖອດຖອນບົດຮຽນ.
(ອັດສຽງຂອງທ່ານຄຳແພງ)
ລາວແມ່ນປະເທດດ້ອຍພັດທະນາປະເທດໜຶ່ງທີ່ອົງການສະຫະປະຊາຊາດກຳນົດ, ປັດຈຸບັນ, ລັດຖະບານລາວພວມພະຍາຍາມເພື່ອບັນລຸ"ຄາດໝາຍສະຫັດສະວັດດ້ານການພັດທະນາ"ຂອງອົງການສະຫະປະຊາຊາດ, ຍາດແຍ່ງໃຫ້ຫຼຸດພົ້ນອອກຈາກຄວາມດ້ອຍພັດທະນາໃນປີ 2020 ຢ່າງມີໄຊ. ທ່ານພັນຄຳ ວິພາວັນ ເຈົ້າແຂວງແຂວງຫົວພັນຂອງສປປລາວເວົ້າວ່າ, ຖ້າໝູນໃຊ້ທັດສະນະຄະຕິແລະບົດຮຽນຂອງຈີນໃນການສ້າງສາຊົນນະບົດໃໝ່ສັງຄົມນິຍົມຢູ່ສປປລາວ, ຈະເຮັດໃຫ້ລາວຫຼົບຫຼີກຫຼາຍບັນຫາໃນດ້ານສ້າງສາຊົນນະບົດ.
(ອັດສຽງຂອງທ່ານພັນຄຳ)
(ຈົບ)
|
|
|
