|
ນັກປະພັນຊື່ດັງຂອງຈີນຮຽກຮ້ອງໃຫ້ສອງຝັ່ງພ້ອມກັນທຳຄວາມພະຍາຍາມຊຸກຍູ້ການພົວພັນສອງຝັ່ງໃຫ້ຂະຫຍາຍຕົວຢ່າງກົມກຽວກັນ
cri
ຕາມຂ່າວCRI,ວັນທີ8ມີນາ,ຢູ່ທີ່ປັກກິ່ງ,ທ່ານວາງເມີງ ກຳມະການປະຈຳສະພາປຶກສາການເມືອງປະຊາຊົນແຫ່ງຊາດຈີນ ນັກປະພັນຊື່ດັງໄດ້ຮຽກຮ້ອງໃຫ້ພີ່ນ້ອງຮ່ວມຊາດສອງຝັ່ງພ້ອມກັນທຳຄວາມພະຍາຍາມ,ຄັດຄ້ານແລະສະກັດກັ້ນການແບ່ງແຍກໄຕ້ຫວັນເປັນເອກະລາດ,ເຮັດໃຫ້ການພົວພັນສອງຝັ່ງຂະຫຍາຍ ຕົວຢ່າງກົມກຽວກັນ.
ທ່ານວາງເມີງແມ່ນເວົ້າຄວາມດັ່ງກ່າວໃນງານຊຸມນຸມນັກຂ່າວທີ່ກອງປະຊຸມປະຈຳປີຂອງສະພາປຶກສາການເມືອງປະຊາຊົນແຫ່ງຊາດຈີນຈັດຂຶ້ນ.ທ່ານເວົ້າວ່າ,ຝ່າຍແຜ່ນດິນໃຫຍ່ຫວັງໃຫ້ການພົວພັນສອງຝັ່ງຂະຫຍາຍຕົວຢ່າງກົມກຽວກັນ,ທ່ານເອງກັບຜູ່ຮ່ວມຂະແໜງການຂອງໄຕ້ຫວັນກໍ່ໄດ້ໄປມາຫາສູ່ກັນແລະແລກປ່ຽນເຊິ່ງກັນແລະກັນຢ່າງກົມກຽວກັນທີ່ສຸດ.ແຕ່ໃນສະເພາະໜ້ານີ້,ຍັງຄົງມີປັດໄຈທີ່ບໍ່ກົມກຽວກັນທີ່ສຸດໃນການພົວພັນສອງຝັ່ງ,ນັ້ນກໍ່ແມ່ນການເຄື່ອນໄຫວແບ່ງແຍກໄຕ້ຫວັນເປັນເອກະລາດ.ການເຄື່ອນໄຫວແບ່ງແຍກໄຕ້ຫວັນເປັນເອກະລາດໄດ້ພາໃຫ້ເກີດຄວາມບໍ່ກົມກຽວກັນໃນການພົວພັນສອງຝັ່ງ,ແລະແມ່ນອັນຕະລາຍທີ່ສຸດ.
|
|
