|
|
 |
| (GMT+08:00)
2006-03-08 17:46:45
|
 |
|
ຈຳນວນຄົນໄຕ້ຫວັນທີ່ຢາກມາຫາວຽກເຮັດຢູ່ແຜ່ນດິນໄຫຍູ່ຈີນໄດ້ເພີ່ມຂຶ້ນຢ່າງໄວພະລັນ
cri
Author: shuo
ຕາມຂ່າວຂອງໜັງສືພິມເຢິນມີນຢື້ປ້າວຂອງຈີນສະບັບພົ້ນທະເລ:ເຖິງວ່າເຈົ້າໜ້າທີ່ໄຕ້ ຫວັນກີດຂວາງການແລກປ່ຽນລະຫວ່າງສອງຝັ່ງເທື່ອແລ້ວເທື່ອອີກກໍຕາມ,ແຕ່ຄວາມປາຖະໜາຂອງຊາວໜຸ່ມໄຕ້ຫວັນທີ່ຢາກມາຫາວຽກເຮັດຢູ່ແຜ່ນດິນໃຫຍ່ພັດມີທ່ວງທ່າເພີ່ມຂຶ້ນຢ່າງໄວພະລັນ.
ຕາມການສຳຫຼວດລາຍໜຶ່ງຂອງໄຕ້ຫວັນສະແດງໃຫ້ເຫັນວ່າ,ໃນສອງເດືອນຕົ້ນປີ2005,ໃນຜູ້ມາຫາວຽກເຮັດຂອງໄຕ້ຫວັນ,ມີພຽງແຕ່10%ຍິນດີມາຫາວຽກເຮັດຢູ່ແຜ່ນດິນໃຫຍ່.ແຕ່ພາຍຫຼັງທ່ານເຊິນສຸຍປຽນກ່າວວ່າຈະຢຸດຕິການປະຕິບັດງານຂອງຄະນະກຳມະການທ້ອນໂຮມປະເທດແລະການນຳໃຊ້ໂຄງການທ້ອນໂຮມປະເທດໃນເດືອນມັງກອນປີ2006ແລ້ວ,ມວນຊົນໃນເກາະໄຕ້ຫວັນທີ່ຢາກມາຫາວຽກເຮັດຢູ່ແຜ່ນດິນໃຫຍ່ນັ້ນໄດ້ຖີບສູງຂຶ້ນຮອດ16%ຢ່າງໄວພະລັນ,ໃນເດືອນກຸມພາ,ຈຳນວນຄົນທີ່ຢາກມາຫາວຽກເຮັດຢູ່ແຜ່ນດິນໃຫຍ່ໄດ້ເພີ່ມຂຶ້ນຮອດ20%.
ຕາມຊາບວ່າ,ປະຈຸບັບນີ້,ຊາວໜຸ່ມໄຕ້ຫວັນຢາກມາຫາວຽກເຮັດຢູ່ແຜ່ນດິນໃຫຍ່ຕົ້ນຕໍແມ່ນດຳເນີນກິດຈະການຂໍ້ມູນຂ່າວສານ ກິດຈະການເຄື່ອງຈັກເອເລັກໂຕຼນິກແລະວຽກງານຈຳໜ່າຍແລະຄຸ້ມຄອງ,ໃນດ້ານປະຫວັດການສຶກສາຕົ້ນຕໍແມ່ນຮຽນຈົບຈາກມະຫາວິທະຍາໄລ.
|
|
|
