|
ຈີນຈະໃຊ້ມາດຕະການຕົວຈິງເພື່ອເລັ່ງລັດການສ້າງສາຊົນນະບົດໃໝ່ສັງຄົມນິຍົມ
cri
ຕາມຂ່າວCRI,ທ່ານຢີນເຊີງເຈ ຮອງລັດຖະມົນຕີກະຊວງກະສິກຳຈີນເວົ້າວ່າ,ລັດຖະບານຈີນຈະໃຊ້ມາດຕະການລະບົບໜຶ່ງ,ເລັ່ງລັດການສ້າງສາຊົນນະບົດໃໝ່ສັງຄົມນິຍົມ.
ທ່ານຢີນເຊິງເຈແມ່ນໃຫ້ທັດສະນະດັ່ງກ່າວໃນງານຊຸມນຸມນັກຂ່າວທີ່ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຈັດຂຶ້ນຢູ່ປັກກິ່ງໃນວັນທີ8ມີນາ.ທ່ານເວົ້າວ່າ,ເປົ້າໝາຍທີ່ສ້າງສາຊົນນະບົດໃໝ່ສັງຄົມນິຍົມແມ່ນຈະເຮັດໃຫ້"ການຜະລິດມີການພັດທະນາ,ຊີວິດການເປັນຢູ່ເຫຼືອຢູ່ເຫຼືອກິນ,ແບບແຜນຊົນນະບົດມີອາລະຍະທຳ,ໂສມໜ້າບ້ານເປັນລະບຽບຮຽບຮ້ອຍ,ຄຸ້ມຄອງແບບປະຊາທິປະໄຕ"ບັນລຸຜົນເປັນຈິງຢູ່ເຂດຊົນນະບົດຈີນ.ເພື່ອບັນລຸເປົ້າໝາຍດັ່ງກ່າວ,ລັດຖະບານຈີນຈະເພີ່ມງົບປະມານການເງິນຕໍ່ຊົນນະບົດ,ເສີມສ້າງພື້ນຖານໂຄງລ່າງກຳສິກຳແລະຊົນນະບົດ,ຍົກຄວາມສາມາດຜະລີດສັງລວມດ້ານກະສິກຳໃຫ້ສູງຂຶ້ນ,ພ້ອມທັງໃຊ້ມາດຕະການໃຫ້ຊາວກະສິກອນມີລາຍໄດ້ເພີ່ມຂຶ້ນ,ເປີດກວ້າງປະຊາທິປະໄຕຢູ່ຮາກຖານຊົນນະບົດຕື່ມອີກ,ເລັ່ງລັດການກໍ່ສ້າງການບໍລິການສັງຄົມໃນຊົນນະບົດ,ແກ້ໄຂບັນຫາຄວາມຫຍຸ້ງຍາກດ້ານຊີວິດການເປັນຢູ່ຂອງມວນຊົນ.
|
|
