|
|
 |
| (GMT+08:00)
2006-03-08 19:03:03
|
 |
|
ແຜນພັດທະນາ 5 ປີສະບັບໃໝ່ຈະສ້າງໂອກາດການຄ້າຢ່າງຫຼວງຫຼາຍໃຫ້ແກ່ເສດຖະກິດຂອງຮົງກົງແລະມາກາວ
cri
Author: da
ຕາມຂ່າວສານຊິນຮວາ:ຫວ່າງມໍ່ໆນີ້ ຜູ້ແທນແລະກຳມະການຂອງຮົງກົງແລະມາກາວທີ່ມາເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດແລະສະພາປຶກສາການເມືອງຢູ່ປັກກິ່ງພາກັນເວົ້າວ່າ,ແຜນພັດທະນາເສດຖະກິດແຫ່ງຊາດແລະສັງຄົມຂອງຈີນໃນ 5 ປີຂ້າງໜ້ານີ້ຈະສ້າງໂອກາດການຄ້າຢ່າງຫຼວງຫຼາຍໃຫ້ແກ່ເສດຖະກິດຂອງຮົງກົງແລະມາກາວ.ເນື້ອໃນກ່ຽວກັບຮົງກົງແລະມາກາວໃນຮ່າງເນື້ອໃນໃຈຄວາມແຜນພັດທະນາໄດ້ເນັ້ນໜັກເຖິງການພົວພັນແລະການຮ່ວມມືລະຫວ່າງເຂດໃນກັບຮົງກົງມາກາວເປັນພິເສດ,ນີ້ຈະຊຸກຍູ້ໃຫ້ເຂດໃນກັບຮົງກົງແລະມາກາວຮ່ວມມືກັນຕື່ມອີກ,ບັນລຸເບົ້າແບບພັດທະນາທີ່ຕາບຈູນກັນແລະໄດ້ຮັບຜົນທັງສອງຝ່າຍ.
ທ່ານຢາງຊຸ່ນສີ່ ຜູ້ປະຈຳການສະພາປຶກສາການເມືອງ ປະທານກຸ່ມບໍລິສັດ ຊ່ຽງຈ່ຽງຮົງກົງເວົ້າວ່າ,ເນື້ອໃນກ່ຽວກັບຮົງກົງແລະມາກາວໃນຮ່າງແຜນພັດທະນາດັ່ງກ່າວເປັນການເຊີດຊູກຳລັງໃຈຕໍ່ວົງການອຸດສາຫະກຳການຄ້າຮົງກົງ,ຫຼາຍເນື້ອໃນກ່ຽວກັບການພັດທະນາຂອງເຂດໃນກໍຈະມີຜົນສະທ້ອນທີ່ດີຕໍ່ເສດຖະກິດຮົງກົງ.
ທ່ານຊຸ່ຍຊື້ພິງ ຜູ້ແທນສະພາປະຊາຊົນແຫ່ງຊາດຈີນທີ່ສັງກັດເຂດພິເສດມາກາວເຫັນວ່າ,ນະໂຍບາຍແລະມາດຕະການກ່ຽວກັບຮົງກົງແລະມາກາວໃນຮ່າງເນື້ອໃນໃຈຄວາມດັ່ງກ່າວແມ່ນເປັນຮູບປະທຳຫຼາຍ,ເຊື່ອວ່າ ໃນ 5 ປີຂ້າງໜ້າ ຮົງກົງແລະມາກາວຍ່ອມຈະມີໂອກາດພັດທະນາຫຼາຍກວ່າເກົ່າ.
|
|
|
