|
ລັດຖະບານກາງຂອງຈີນຈະເພີ່ມການລົງທຶນຕໍ່ຊົນນະບົດ
cri
ຕາມຂ່າວCRI,ທ່ານຈູຈື້ກ່າງ ຮອງລັດຖະມົນຕີກະຊວງການເງິນຈີນເວົ້າວ່າ,ຈີນຈະເພີ່ມການລົງທຶນຕໍ່ຊົນນະບົດແລະກະສິກຳຢ່າງບໍ່ຢຸດຢັ້ງ,ເພື່ອໃຫ້ຊາວກະສິກອນໄດ້ສະເຫວີຍໝາກຜົນແຫ່ງການພັດທະນາແລະການປະຕິຮູບຂອງຈີນຫຼາຍກວ່າເກົ່າ.
ໃນງານຊຸມນຸມນັກຂ່າວທີ່ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຈັດຂຶ້ນຢູ່ປັກກິ່ງໃນວັນທີ8ມີນາ,ທ່ານຈູ່ຈື້ກ່າງເວົ້າວ່າ,ປີນີ້,ງົບປະມານການເງິນສູນກາງຂອງຈີນໄດ້ຈັດວາງລາຍຈ່າຍໃນດ້ານຊົນນະບົດມີເກືອບ340ຕື້ຢວນ,ເພີ່ມຂຶ້ນຫຼາຍກວ່າປີກາຍນີ້14,2%.
ທ່ານແນະນຳວ່າ,ປີນີ້ຈີນຈະຍົກເລີກອາກອນກະສິກຳຢ່າງຮອບດ້ານ,ສືບຕໍ່ບູລະນະເງິນເກື້ອກູນເພື່ອສົ່ງເສີມຊາວກະສິກອນປູກທັນຍາຫານ,ເພີ່ມການລົງທຶນເຂົ້າໃນການສືກສາພາກບັງຄັບຂອງຊົນນະບົດ,ຍົກເວັ້ນຄ່າຮຽນແລະຄ່າອື່ນໆໃນໂຮງຮຽນມັດທະຍົມແລະປະຖົມຢູ່ພາກຕາເວັນຕົກຂອງຈີນກ່ອນ,ພ້ອມກັນນັ້ນເພີ່ມການລົງທຶນເພື່ອແກ້ໄຂບັນຫາທີ່ຊາວກະສິກອນມີຄວາມຫຍຸ້ງຍາກໃນການປົວພະຍາດ.
|
|
