|
ພະຍາດໄຂ້ຫວັດສັດປີກ33ລາຍທີ່ເກີດຂຶ້ນຢູ່ຈີນໄດ້ຖືກດັບມອດແລະຄວບຄຸມຢ່າງບັງເກີດຜົນ
cri
ຕາມຂ່າວCRI,ວັນທີ8ມີນາຢູ່ທີ່ປັກກິ່ງ,ທ່ານຢິນເຊີງເຈ ຮອງລັດຖະມົນຕີກະຊວງກະສິກຳຈີນກ່າວວ່າ,ພະຍາດໄຂ້ຫວັດສັດປີກ33ລາຍທີ່ເກີດຂຶ້ນຢູ່ຈີນ ແຕ່ປີກາຍເປັນຕົ້ນມາໄດ້ຖືກດັບມອດແລະຄວບຄຸມໝົດຢ່າງບັງເກີດຜົນ.
ທ່ານຢິນເຊີງເຈແມ່ນເວົ້າຄວາມດັ່ງກ່າວໃນງານຊຸມນຸມນັກຂ່າວທີ່ກອງປະ ຊຸມປະຈຳປີຂອງສະພາປະຊາຊົນແຫ່ງຊາດຈີນຈັດຂຶ້ນກ່ຽວກັບບັນຫາກະສິກຳ.ທ່ານເວົ້າວ່າ,ສະເພາະໜ້ານີ້ພວມຢູ່ໃນໄລຍະທີ່ມີຄວາມອາດສາມາດສູງທີ່ເກີດພະຍາດໄຂ້ຫວັດສັດປີກ,ເມື່ອເບິ່ງຈາກສະພາບທົ່ວໂລກແລ້ວ,ທ່ວງທ່າແຜ່ລະບາດຂອງພະຍາດໄຂ້ຫວັດສັດປີກຍັງບໍ່ທັນໄດ້ຮັບການສະກັດກັ້ນຢ່າງບັງເກີດຜົນເທື່ອ,ສະນັ້ນ,ລັດຖະບານຈີນເອົາໃຈໃສ່ໃນລະດັບສູງນຳສະພາບພະຍາດ,ໄດ້ໃຊ້ມາດຕະການປ້ອງກັນແລະຄວບຄຸມລະບົບໜຶ່ງ,ແລະເພີ່ມທະວີການຮ່ວມມືກັບປະເທດແລະເຂດແຄວ້ນທີ່ກ່ຽວຂ້ອງ,ເຮັດໃຫ້ສະພາບພະຍາດໄດ້ຮັບການຄວບຄຸມຢ່າງຍັງເກີດຜົນໃນທີ່ສຸດ.
|
|
