|
|
 |
| (GMT+08:00)
2006-03-08 21:31:41
|
 |
|
ບົດບັນທຶກປະຈຳວັນກ່ຽວກັບກອງປະຊຸມສອງສະພາໃນວັນທີ 8 ມີນາ
cri
Author: da
ມື້ນີ້ແມ່ນວັນທີ 8 ມີນາ"ວັນແມ່ຍິງສາກົນ",ແຕ່ຜູ້ແທນແລະກຳມະການເພດຍິງທີ່ເຂົ້າຮ່ວມກອງປະຊຸມສອງສະພາພັດກຳລັງຂຸ້ນຂ້ຽວຫາລືວຽກບ້ານການເມືອງ."ວັນແມ່ຍິງສາກົນ"ທຸກປີລ້ວນແຕ່ຊົນກັບເວລາໄຂກອງປະຊຸມສອງສະພາ,ຜູ້ແທນແລະກຳມະການເພດຍິງເຫຼົ່ານີ້ລ້ວນແຕ່ແມ່ນຜ່ານວັນບຸນຂອງຕົນໃນການເຮັດວຽກ.
ມື້ວານນີ້ ໃນເວລາໄປສຳພາດທ່ານນາງຊາວເຊີ້ງເຈ ກຳມະການປະຈຳສະພາປຶກສາການເມືອງ ປະທານສະມາຄົມສາສະໜາຄຼິສຕຽນຈີນ,ນັກຂ່າວໄດ້ຊາບເຊິ່ງຍ້ອນພະລັງຊີວິດແລະຄວາມກະຕືລືລົ້ນຂອງຜູ້ເຖົ້າຜູ້ນີ້ທີ່ອາຍຸ 70 ກວ່າປີແລ້ວ.ໃຕ້ການນຳພາຂອງເພິ່ນ,ສາສະໜາຄຼິສຕຽນຂອງຈີນໄດ້ຄ່ອຍໆພັດທະນາຈາກປາສເຕີຊາຍທັງໝົດໃນເມື່ອກ່ອນມາເປັນປາສເຕີຍິງກວມ 1 ສ່ວນ 3 ໃນປະຈຸບັນ.ພ້ອມກັນນັ້ນ,ເພິ່ນຍັງແມ່ນໜຶ່ງໃນກຳມະການເພດຍິງສອງທ່ານຂອງກຳມະການສະພາປຶກສາການເມືອງປະຊາຊົນແຫ່ງຊາດຂອງວົງການສາສະໜາລວມ 66 ຄົນ.ໃນເວລາສຳພາດ,ທ່ານນາງເວົ້າ ຕໍ່ນັກຂ່າວຢ່າງມ່ວນຊື່ນວ່າ:"ເບິ່ງແມ,ກຳມະການເພດຍິງພວກຂ້າພະເຈົ້າຈັ່ງແມ່ນດີແທ້.ເຖິງວ່າບໍ່ສາມາດສະຫຼອງວັນແມ່ຍິງແຕ່ລະປີໃນເຮືອນຍ້ອນມາເຂົ້າຮ່ວມກອງປະຊຸມສອງສະພາ,ແຕ່ເມື່ອຮອດວັນແມ່ຍິງ,ກໍ່ມີຄົນມອບດອກໄມ້ແລະຂອງຂວັນ,ຕອນບ່າຍ,ຂ້າພະເຈົ້າຍັງຈະໄປເຂົ້າຮ່ວມງານສັງສັນສະຫຼອງວັນແມ່ຍິງ."
ຢູ່ຕາມທາງກັບເມືອ,ນັກຂ່າວໄດ້ເຫັນປ້າຍໂຄສະນາແຜ່ນໃຫຍ່ຢູ່ຂ້າງຖະໜົນ,ໄດ້ຕິດປ້າຍໂຄສະນາແບບສາທາລະນະປະໂຫຍດທີ່ເຮັດເພື່ອສະຫຼອງວັນແມ່ຍິງໂດຍຈຳເພາະ,ເຮັດໃຫ້ຄົນຮູ້ສຶກວ່າອຸ່ນໃຈຫຼາຍ.ໃນຖານເປັນຜູ້ຍິງ,ຕ້ອງເອົາໃຈໃສ່ວຽກງານທັງຕ້ອງເບິ່ງແຍງຄອບຄົວ,ບາງເທື່ອ ແນ່ນອນຕ້ອງເສຍສະຫຼະຫຼາຍກວ່າຜູ້ຊາຍ.ແຕ່ວ່າ,ທະແນມແຕ່ໄດ້ຮັບຄວາມຮັບຮອງຈາກສັງຄົມ,ຖືກສັງຄົມເຄົາລົບ,ພວກຂ້າພະເຈົ້າກໍຈະບຸກໜ້າບືນຕົວບໍ່ທໍ້ຖອຍ,ຄ້ຳຊູທ້ອງຟ້າເຄິ່ງປ່ຽງຂອງພວກຂ້າພະເຈົ້າ.
|
|
|
