|
ຜູ້ວ່າການແທນນາຍົກລັດຖະມົນຕີອິສຣາແອນກ່າວວ່າ ພັກຄາດີມາຈະໄດ້ຮັບໄຊຊະນະໃນການເລືອກຕັ້ງທົ່ວໄປ
cri
Author: cai
ຕາມຂ່າວCRI:ວັນທີ 8 ມີນາ,ທ່ານໂອນເມີດ ຜູ້ວ່າການແທນນາຍົກລັດຖະມົນຕີອິສຣາແອນເວົ້າວ່າ,ພັກຄາດີມາທີ່ນຳໂດຍທ່ານຈະໄດ້ຮັບໄຊຊະນະໃນການເລືອກຕັ້ງລັດຖະສະພາທີ່ຈະຈັດຂຶ້ນໃນວັນທີ 28 ເດືອນນີ້.
ທ່ານໂອນເມີດເວົ້າວ່າ,ບັນຫາໃນປະຈຸບັນນີ້ແມ່ນພັກຄາດີມາຈະໄດ້ຮັບທີ່ນັ່ງພຽງພໍຫຼືບໍ່ເພື່ອປະຕິບັດນະໂຍບາຍຂອງຕົນຢ່າງເສລີກວ່າເກົ່າ.
ຕາມຜົນການເອົາປະຊາມະຕິທີ່ປະກາດໃນວັນທີ 8 ມີນາສະແດງໃຫ້ເຫັນວ່າ,ໃນການເລືອກຕັ້ງເທື່ອນີ້,ພັກຄາດີມາຈະໄດ້ຮັບ 37 ທີ່ນັ່ງໃນຈຳນວນທັງໝົດ 120 ທີ່ນັ່ງຂອງລັດຖະສະພາອິສຣາແອນ,ເຊິ່ງຫຼາຍກວ່າພັກການເມືອງອື່ນໆຫຼາຍ.
|
|
