|
ຄະນະປະຈຳສະພາປະຊາຊົນແຫ່ງຊາດຈີນຈະເຮັດໃຫ້ວຽກງານຕິດຕາມກວດກາໂປ່ງໃສຕື່ມອີກ
cri
Author: cai
ຕາມຂ່າວCRI:ວັນທີ 9 ມີນາ,ຢູ່ປັກກິ່ງ,ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນເວົ້າວ່າ,ປີນີ້,ຄະນະປະຈຳສະພາປະຊາຊົນແຫ່ງຊາດຈີນຈະສືບຕໍ່ເຈາະຈົງຕິດຕາມກວດກາບັນຫາສຳຄັນແລະບັນຫາເຄັ່ງຮ້ອນທີ່ມວນຊົນເອົາໃຈໃສ່ນຳ,ພ້ອມກັນນັ້ນ,ຈະເຮັດໃຫ້ວຽກງານຕິດຕາມກວດກາໂປ່ງໃສຕື່ມອີກ.
ວັນທີ 9 ມີນາ,ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນທີ່ພວມໄຂຂຶ້ນຢູ່ປັກກິ່ງໄດ້ຟັງບົດລາຍງານວຽກງານຂອງຄະນະປະຈຳທີ່ລາຍງານໂດຍທ່ານອູປາງໂກ.ທ່ານອູປາງໂກແນະນຳວ່າ,ປີນີ້,ຄະນະປະຈຳສະພາປະຊາຊົນແຫ່ງຊາດຈະກວດກາສະພາບປະຕິບັດກົດໝາຍທີ່ກ່ຽວພັນເຖິງກະສິກຳ ສິດທິບັດແລະການປະຢັດພະລັງງານເປັນຕົ້ນ,ພ້ອມກັນນັ້ນ,ສືບຕໍ່ເພີ່ມທະວີການຕິດຕາມກວດກາວຽກງານງົບປະມານແລະເສດຖະກິດ.ທ່ານກ່າວເນັ້ນວ່າ,ເພື່ອເຮັດໃຫ້ວຽກງານໃນດ້ານນີ້ໂປ່ງໃສກວ່າເກົ່າ,ບັນຫາທີ່ໄດ້ກວດພົບແລະສະພາບປັບປຸງລ້ວນແຕ່ຕ້ອງເປີດເຜີຍຕໍ່ສັງຄົມ,ເພື່ອເສີມຂະຫຍາຍບົດບາດຕິດຕາມກວດກາຂອງຫາງສຽງແລະມວນຊົນຕື່ມອີກ.
|
|
