|
|
 |
| (GMT+08:00)
2006-03-09 19:07:13
|
|
ທິມບານເຕະຈີນໄດ້ຮັບໄຊຊະນະໃນການແຂ່ງຂັນປະສົມຊີງຊຽມປຽນບານເຕະອາຊີຮອບທຳອິດ
cri
ຕາມຂ່າວສານຊີນຮວາ,ໃນການແຂ່ງຂັນນັດທຳອິດຮອບທຳອິດຂອງການແຂ່ງຂັນຮອບຕົ້ນຂອງການແຂ່ງຂັນປະສົມຊີງຊຽມປຽນບານເຕະອາຊີທີ່ຈັດຂຶ້ນໃນຕອນຄ່ຳວັນທີ8ມີນາ,ທິມບານເຕະຈີນສອງທິມຄື ທິມຕ້າລຽນຊືເຕີແລະທິມຊຽງໄຮ້ເຊີ່ນຮວ່າລ້ວນແຕ່ໄດ້ຮັບໄຊຊະນະ.
ທິມຕ້າລຽນຊືເຕີທີ່ເປັນທິມແຂກໄດ້ເອົາຊະນະທິມດານາງຂອງຫວຽດນາມດ້ວຍຄະແນນ2:0,ທິມດານາງແມ່ນທິມເຂັ້ມແຂງໃນວົງການບານເຕະຂອງຫວຽດນາມ,ປີກາຍນີ້ທິມດັ່ງກ່າວໄດ້ເປັນທີສອງໃນການແຂ່ງຂັນປະສົມບານເຕະຫວຽດນາມ.
ທິມຊຽງໄຮ້ເຊີ່ນຮວ່າທີ່ເປັນທິມເຈົ້າພາບໄດ້ເອົາຊະນະທິມດົງທາມຫວຽດ ນາມດ້ວຍຄະແນນ3:1.ການຍິງເຂົ້າປະຕູຂອງທິມດົງທາມແມ່ນລູກໂທດ.
ການແຂ່ງຂັນປະສົມຊີງຊຽມປຽນບານເຕະອາຊີແມ່ນການຊັ່ງຊາກຳລັງລະດັບສູງສຸດໃນການແຂ່ງຂັນຂອງສະໂມສອນບານເຕະອາຊີ,ລວມມີ32ທິມໄດ້ເຂົ້າຮ່ວມ,ແບ່ງເປັນໄລຍະການແຂ່ງຂັນໃນສາຍແລະໄລຍະການແຂ່ງຂັນຄັດເລືອກ.
|
|
|
