|
ຝ່າຍຈີນເຫັນວ່າຍັງມີຊ່ອງຫວ່າງແກ້ໄຂບັນຫານິວເຄຼຍອີຣານໂດຍຜ່ານຈາກການເຈລະຈາ
cri
ຕາມຂ່າວCRI,ວັນທີ9ມີນາ,ທ່ານຊີນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນເຫັນວ່າ,ໃນສະຖານະການໃນສະເພາະໜ້ານີ້,ຍັງມີຊ່ອງຫວ່າງແກ້ໄຂບັນຫານິວເຄຼຍອີຣານໂດຍຜ່ານຈາກການເຈລະຈາ.ບັນດາຝ່າຍທີ່ກ່ຽວຂ້ອງຄວນເລັ່ງລັດທຳຄວາມພະຍາຍາມທາງການທູດ,ເສີມຂະຫຍາຍບົດບາດທີ່ມີລັກສະນະສ້າງສັນເພື່ອແກ້ໄຂບັນຫານິວເຄຼຍອີຣານຢ່າງເໝາະສົມ.
ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ,ທ່ານຊີນກ່າງເວົ້າວ່າ,ຝ່າຍຈີນຫວັງໃຫ້ອີຣານສາມາດຮ່ວມມືກັບອົງການພະລັງງານປະລະມານູສາກົນຢ່າງເຕັມສ່ວນ,ສ້າງເງື່ອນໄຂໃຫ້ແກ່ການແກ້ໄຂບັນຫານິວເຄຼຍອີຣານໂດຍຜ່ານຈາກການເຈລະຈາ.ພ້ອມກັນນັ້ນ,ຝ່າຍຈີນກໍ່ຫວັງໃຫ້ບັນດາຝ່າຍທີ່ກ່ຽວຂ້ອງສາມາດຮັກສາຄວາມໃຈເຢັນ ຄວາມອົດກັ້ນແລະຄວາມອົດທົນ,ສືບຕໍ່ອອກແຮງແກ້ໄຂບັນຫານິວເຄຼຍອີຣານໂດຍຜ່ານຈາກການເຈລະຈາ.ຝ່າຍຈີນຍິນດີພ້ອມກັບບັນດາຝ່າຍທີ່ກ່ຽວຂ້ອງທຳຄວາມພະຍາຍາມເພື່ອແກ້ໄຂບັນຫານິວເຄຼຍອີຣານໂດຍສັນຕິ.
|
|
