|
|
 |
| (GMT+08:00)
2006-03-09 21:04:23
|
 |
|
ບົດບັນທຶກປະຈຳວັນກ່ຽວກັບກອງປະຊຸມສອງສະພາໃນວັນທີ 9 ມີນາ
cri
Author: da
ສອງມື້ກ່ອນ,ຢູ່ທີ່ພັກຂອງຄະນະຜູ້ແທນແຂວງຢຸນນານ,ເດັກນ້ອຍຝູງໜຶ່ງທີ່ນຸ່ງຊຸດຊົນເຜົ່າສ່ວນໜ້ອຍ,ໄດ້ດູດດຶງສາຍຕາຂອງນັກຂ່າວ,ພວກເຂົາເຈົ້າພວມອ້ອມຂ້າງທ່ານໄປເອິ່ນເພີຍ ເລຂາຄະນະພັກແຂວງຢຸນນານ,ພາກັນຕັ້ງຄຳຖາມ,ແລະຈົດໃສ່ປື້ມຢ່າງຈິງຈັງ.ໃນຄໍຂອງເດັກນ້ອຍເຫຼົ່ານີ້ລ້ວນແຕ່ໄດ້ແຂວນປ້າຍທີ່ບໍ່ຄືກັນກັບນັກຂ່າວຂອງສື່ມວນຊົນ,ໃນຍ່າງເຂົ້າໃກ້ເພື່ອເບິ່ງລະອຽດ,ຢູ່ເທິງໄດ້ຂຽນວ່າ:ນັກຂ່າວຈີນນ້ອຍ.ບໍ່ນຶກບໍ່ຝັນວ່າ,ພວກເຂົາເຈົ້າຍັງແມ່ນໝູ່ຮ່ວມງານເຍົາວະຊົນຂອງນັກຂ່າວພວກເຮົາ.
ວາລະສານ"ນັກຂ່າວຈີນນ້ອຍ"ແມ່ນວາລະສານສັງກັດສະມາຄົມນັກຂ່າວຈີນ.ພວກເຂົາເຈົ້າມີກອງນັກຂ່າວນ້ອຍທີ່ມາຕ່ກນັກຮຽນຂອງໂຮງຮຽນປະຖົມແລະມັດທະຍົມທົ່ວປະເທດຈີນ.ແຕ່ປີ 2000 ມານີ້,ນັກຂ່າວຈີນນ້ອຍກໍເລີ່ມໄປເອົາຂ່າວກອງປະຊຸມສອງສະພາ,ສ່ວນນັກຂ່າວນ້ອຍທີ່ມາເອົາຂ່າວຢູ່ປັກກິ່ງເທື່ອນີ້ແມ່ນເລືອກມາຈາກນັກຮຽນປະຖົມແລະມັດທະຍົມຂອງແຂວງຢຸນນານແລະແຂວງກັ່ນຊູ້,ອາຍຸນ້ອຍສຸດ 9 ປີ,ໃຫຍ່ສຸດພຽງແຕ່ 16 ປີ.
ຜູ້ແທນຂອງວົງການສຶກສາຂັ້ນຮາກຖານໃນຄະນະຜູ້ແທນຢຸນນານຄັ້ງນີ້ບໍ່ຫຼາຍ,ພວກນັກຂ່າວຈີນນ້ອຍໄດ້ຕັ້ງຄຳຖາມກ່ຽວກັບການສຶກສາຫຼາຍບັນຫາໃຫ້ທ່ານເລຂາຄະນະໄປເອິ່ນເພີຍ.ຕົວຢ່າງຄື:ເຮັດແນວໃດຈຶ່ງສາມາດເຮັດໃຫ້ເດັກນ້ອຍຢູ່ເຂດພູດອຍທີ່ທຸກຍາກໄດ້ຮັບການສຶກສາ ເປັນຫຍັງພໍ່ແມ່ຜູ້ປົກຄອງຕ້ອງໃຫ້ເດັກນ້ອຍເຂົ້າຮ່ວມຊຸດບຳລຸງ,ການສຶກສາຂອງຈີນແລະຂອງຕ່າງປະເທດມີຂໍ້ຕ່າງກັນແນວໃດ ແລະບັນຫາອື່ນໆ.
ນາງຈູສຽວຈວນ ຄູສອນຂອງນັກຂ່າວຈີນນ້ອຍບອກນັກຂ່າວວ່າ,ເດັກນ້ອຍເຫຼົ່ານີ້ດີຫຼາຍ,ທັງຫ້າວຫັນຫຼາຍຢູ່ບ່ອນພັກຂອງຜູ້ແທນແລະກຳມະການຂອງກອງປະຊຸມສອງສະພາ.ຄຳຖາມຂອງພວກເຂົາເຈົ້າມີຫຼາຍຢ່າງຫຼາຍແນວ.ຜູ້ແທນທັງຫຼາຍກໍສົມທົບກັນກັບການສຳພາດຂອງພວກເດັກນ້ອຍ,ມີຄຳຖາມ ແນ່ນອນຕ້ອງຕອບ.
ມື້ນັ້ນ,ພວກນັກຂ່າວນ້ອຍໄດ້ສຳພາດທ່ານໄປເອິ່ນເພີຍ ເລຂາຄະນະພັກແຂວງຢຸນນານ,ທ່ານກ່າວເຟິ່ງ ຮອງເຈົ້າແຂວງຢຸນນານທີ່ຮັບຜິດຊອບ ການສຶກສາ,ທ່ານຈ້າວລີ້ຊູງ ເຈົ້າກິ່ນແຂວງຕ້າຫຼີ,ທ່ານຈ່ຽງຜູເຊິ່ງ ເລຂາຄະນະພັກກິ່ງແຂວງສິບສອງພັ່ນນາ,ພ້ອມກັບຜູ້ແທນສະພາປະຊາຊົນແຫ່ງຊາດຈີນອີກຫຼາຍທ່ານ.ໝາກຜົນທີ່ນັກຂ່າວນ້ອຍໄດ້ຮັບນັ້ນອາດຈະແມ່ນນັກຂ່າວໃຫຍ່ພວກຂ້າພະເຈົ້າປຽບທຽບບໍ່ໄດ້.
|
|
|
