ຕາມ​ຂ່າວCRI: ວັນ​ທີ 8 ມີນາ, ພາຍຫຼັງກະຊວງ​ການ​ຕ່າງປະ​ເທດອາ​ເມ​ລິ​ກາ​ປະກາດ"ບົດ​ລາຍ​ງານ​ສິດທິ​ມະນຸດ​ບັນດາປະ​ເທດ​ປະຈຳ​ປີ2005"​ແລ້ວ, ​ປະຊາ​ຄົມ​ໂລກ​ໄດ້​ຕິຕຽນ​ຢ່າງ​ຮຸນ​ແຮງ.

ວັນ​ທີ 10 ມີນາ, ທ່ານຣັນ​​ເກນ ຮອງ​ປະທານາທິບໍດີ​ເວ​ເນ​ຊູ​ເອລາ​ ຕິຕຽນ​ວ່າ, ອາ​ເມ​ລິ​ກາ​​ໃຊ້​ບົດ​ລາຍ​ງານ​ສະບັບ​ນີ້​​ເປັນ​ພາຫະນະ​​ໂຈມ​ຕີ​​ບາງ​ປະ​​ເທດ​ໃນ​ໂລກ, ​ເພື່ອສ້າງ​ເງື່ອນ​ໄຂ​ໃຫ້​ແກ່​ອາ​ເມ​ລິ​ກາດຳ​ເນີນ​ການ​ລົງ​ໂທດ​​ໃນ​ບາງ​ອົງການ​ຈັດ​ຕັ້ງ​ສາກົນ.

ຫວ່າງ​ມໍ່ໆ​ນີ້ ທ່ານ​ອາລີ ດາາ​ຢັນ ຮາ​ຊານ ນັກ​ຄົ້ນ​ຄວ້າ​ບັນຫາ​ອາຊີ​ໃຕ້​ຂອງ​ອົງການ​"ສັງ​ເກດ​ສິດທິ​ມະນຸດ"​ໄດ້​ຂຽນ​ບົດຄວາມ​ໂດຍ​ຊີ້​ອອກ​ວ່າ, ຢູ່​ອີຣັກ ກວມ​ຕານາ​ໂມຂອງ​ກູ​ບາ​ແລະ​ອັຟກາ​ນິສະຖານ, ​ເຫດ​ການ​ທະຫານ​ອາ​ເມ​ລິ​ກາ​ທໍລະ​ມານ​ນັກ​ໂທດ​ນ້ນນັບ​ບໍ່​ຖ້ວນ. ຜູ່​ຊ່ຽວຊານ​ອີກ​ຜູ່​ໜຶ່ງ​ຂອງ​ອົງການ​ດັ່ງກ່າວ​​ເຜີຍ​ວ່າ, ລັດຖະບານ​ອາ​ເມ​ລິ​ກາ​ໃຊ້"ສອງມາດຖານ"​ໃນ​ບັນຫາ​ສິດທິ​ມະນຸດ, ​ເຮັດ​ໃຫ້​ບົດ​ລາຍ​ງານ​ສິດທິ​ມະນຸດ​ທີ່​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ປະກາດ​ນັ້ນ​ປອມ​ແປງ​ຫຼາຍ.
ນອກ​ນັ້ນ, ສື່​ມວນ​ຊົນ​ອາກ​ຊັງ​ຕິນກໍ​ໄດ້​ພິມ​ບົດ​ຄວາມ​ຕິຕຽນ​ບົດ​ລາຍ​ງານ​ສິດທິ​ມະນຸດ​ປະຈຳ​ປີ​ທີ່ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ປະກາດ​.