ຕາມ​ຂ່າວCRI: ວັນ​ທີ 10 ມີນາ, ນັກ​ຂ່າວ​ໄດ້​ຊາບ​ຈາກ​ສານປະຊາຊົນ​ສູນ​ສຸດຈີນ​ວ່າ, ປີ​ກາຍ​, ​ສານ​ທຸກ​ຂັ້ນ​ຂອງ​ຈີນ​ໄດ້​ເພີ່ມ​​ຄວາມ​ແຮງ​ປົກ​ປ້ອງ​ສິດ​ຊັບ​ສິນ​ທາງ​ປັນຍາ, ຮັບ​ແລະ​ຊຳລະ​ຄະດີ​ຕ້ອງ​ໂທດທີ່​ກ່ຽວ​ພັນ​ເຖິງ​ການລະ​ເມີດ​ສິດ​ຊັບ​ສິນ​ທາງ​ປັນຍາ​ລວມທັງ​ໝົດ 7000 ກວ່າຄະດີ, ​ເພີ່ມ​ຂຶ້ນ​ຫຼາຍ​ກວ່າ​ເວລາ​ດຽວ​ກັນຂອງ​ປີ​ກາຍ20%ຂຶ້ນ​ໄປ.

ຕາມ​ໄດ້​ຊາບ, ​ໃນ​ປີ​ກາຍ​ນີ້​ສານ​ທຸກ​ຂັ້ນຂອງ​ຈີນ​ໄດ້​​ໃຊ້​ຫຼາຍມາດ​ຕະການ​ໃນ​ການ​ເພີ່​ມທະວີ​ການ​ປົກ​ປັກສິດ​ຊັບ​ສິນ​ທາງ​ປັນຍາ​ດ້ວຍ​ກົດໝາຍ, ​ໃນ​ນັ້ນລວມທັງ​ດຳ​ເນີນ​ການ​ເຄື່ອນ​ໄຫວ​ລາຍ​ສະ​ເພາະ​ທີ່​ປົກ​ປ້ອງສິດ​ຊັບ​ສິນ​ທາງ​ປັນຍາ, ບູລະນະ​ລະບອບ​ດຳ​ເນີນ​ຄະດີສິດ​ຊັບ​ສິນ​ທາງ​ປັນຍາ, ​ເພີ່ມ​ທະວີ​ການປົກ​ປ້ອງກາ​ໝາຍສິນຄ້າ​ທີ່​ມີ​ຊື່​ດັງດ້ວຍ​ກົດໝາຍ.