|
ຕາມຂ່າວCRI: ໃນຫຼາຍປີມໍ່ໆມານີ້, ບັນຫາຄ່າປິ່ນປົວແພງຂຶ້ນຢູ່ຈີນໄດ້ນັບມື້ນັບພົ້ນເດັ່ນ. ໃນກອງປະຊຸມສະໄໝສາມັນຂອງສະພາປະຊາຊົນແຫ່ງຊາດຈີນທີ່ພວມດຳເນີນຢູ່ທີ່ປັກກິ່ງ, ບັນດາຜູ່ແທນສະພາປະຊາຊົນແຫ່ງຊາດໄດ້ຫາລືກັນຢ່າງກວ້າງຂວາງກ່ຽວກັບການຈະແກ້ໄຂບັນຫາດັ່ງກ່າວແນວໃດ, ແລະວາງຂໍ້ສະເໜີຈຳນວນໜຶ່ງ. ຕໍ່ໄປເຊີນຟັງບົດແຈ້ງຂ່າວລະອຽດ.
ຜົນການສຳຫຼວດໄດ້ສະແດງໃຫ້ເຫັນວ່າ, ຢູ່ຈີນ ໃນເວລາໄທບ້ານໄທເມືອງເຈັບໄຂ້ເປັນພະຍາດ, ຄົນເຈັບທີ່ຄວນໄປປິ່ນປົວຢູ່ໂຮງໝໍນັ້ນ ມີເກືອບເຄິ່ງໜຶ່ງບໍ່ໄດ້ໄປປິ່ນປົວ, ມີ 30% ທີ່ຄວນນອນໂຮງໝໍນັ້ນບໍ່ໄດ້ໄປນອນຢູ່ໂຮງໝໍ, ສາເຫດສຳຄັນອັນໜຶ່ງກໍ່ແມ່ນຍ້ອນຄ່າປິ່ນປົວແພງໂພດ.
ເປັນຫຍັງຄ່າປິ່ນປົວຈຶ່ງແພງປານນັ້ນ? ທ່ານກວນສຽວຫົງ ຜູ່ແທນສະພາປະຊາຊົນແຫ່ງຊາດ ສາສະດາຈານມະຫາວິທະຍາໄລແພດສາດໜານກິ່ງເຫັນວ່າ, ສາເຫດອັນທີໜຶ່ງທີ່ພາໃຫ້ຄ່າປິ່ນປົວແພງໂພດແມ່ນລາຄາຢາແພງເກີນໄປ. ສາເຫດອີກອັນໜຶ່ງແມ່ນລັດຖະບານລົງທຶນເຂົ້າໃນພາລະກິດການແພດການປິ່ນປົວບໍ່ພຽງພໍ. ນອກນີ້, ລັດຖະບານຕິດຕາມຄຸ້ມຄອງໂຮງໝໍບໍ່ເຄັ່ງຄັດກໍ່ແມ່ນສາເຫດອັນໜຶ່ງທີ່ພາໃຫ້ຄ່າປິ່ນປົວແພງໂພດ.
ສາມາດເວົ້າໄດ້ວ່າ, ຄ່າປິ່ນປົວແພງແມ່ນບັນຫາກວມໂລກ, ເຖິງຈະຢູ່ປະເທດພັດທະນາ ຈຳນວນໜຶ່ງ ຄືປະເທດເອີລົບແລະປະເທດທະວີບອາເມລິກາກໍ່ພວມອຸກໃຈນຳຄວາມຫາບແບກດ້ານການປະກັນການປິ່ນປົວອັນໃຫຍ່ຫຼວງ, ສ່ວນປະເທດພວມພັດທະນາຄືຈີນນີ້ ເຮັດແນວໃດຈຶ່ງສາມາດແກ້ໄຂບັນຫາຄ່າປິ່ນປົວແພງໄດ້? ບັນດາຜູ່ແທນສະພາປະຊາຊົນແຫ່ງຊາດໄດ້ວາງຂໍ້ສະເໜີຂອງຕົນ.
ບັນດາຜູ່ແທນເຫັນວ່າ, ຂໍກະແຈທີ່ແກ້ໄຂບັນຫາຄ່າປົວພະຍາດແພງແມ່ນຫຼຸດລາຄາຢຸກຢາ. ບັນດາຜູ່ແທນຊີ້ອອກ່າ, ຢາກຫຼຸດລາຄາຢຸກຢາລົງຢ່າງແທ້ຈິງກໍຕ້ອງແກ້ໄຂບັນຫາໂຄງປະກອບການຈໍລະຈອນຂອງຢຸກຢາໃຫ້ດີ. ໃນດ້ານນີ້, ໂຮງໝໍສາມາດເຮັດໃຫ້ລາຄາຢຸກຢາຫຼຸດລົງດ້ວຍເວທີເຂົ້າຮ່ວມການປະມູນໂຮມສູນຊື້ຢຸກຢາ. ນອກນັ້ນ, ຍັງຕ້ອງຍົກສູງມາດຖານອະນຸຍາດຢາຊະນິດໃໝ່, ຫ້າມປ່ຽນຊື່ຢາກໍເປັນຢາໃໝ່ຊະນິດໜຶ່ງ, ແລ້ວຂຶ້ນລາຄາໂລເລ.
ມາດຕະການອີກອັນໜຶ່ງທີ່ແກ້ໄຂຄ່າປົວພະຍາດແພງກໍ່ຄືລັດຖະບານຕ້ອງເພີ່ມການລົງທຶນເລ່ຍສາທາລະນະສຸກປິ່ນປົວ. ແຕ່ຍ້ອນວ່າປັດຈຸບັນລາຍຮັບສະເລ່ຍຕາມຫົວຄົນຂອງຄົນຈີນຍັງຂ້ອນຂ້າງຕ່ຳ, ສະນັ້ນ, ການລົງທຶນຂອງລັດຖະບານໃນໄລຍະສັ້ນມີການເພີ່ມເຕີມຫຼາຍຍາກ. ເພາະສະນັ້ນ, ບັນດາຜູ່ແທນເຫັນວ່າ, ໃນໄລຍະປັດຈຸບັນການນຳໃຊ້ທຶນຂອງລັດຖະບານໃຫ້ດີແມ່ນສຳຄັນທີ່ສຸດ, ການລົງທຶນຂອງລັດຖະບານຄວນງ່ຽງໄປສູ່ຮາກຖານ. ທ່ານກວນສ້ຽວຫູງ ຜູ່ແທນສະພາປະຊາຊົນແຫ່ງຊາດຈີນ ສາດສະດາຈານມະຫາວິທະຍາໄລແພດສາດໜານກິ່ງເວົ້າວ່າ:
"ເຂົ້າພະເຈົ້າເຫັນວ່າລັດຖະບານຄວນເພີ່ມທະວີການລົງທຶນໃສ່ວຽກງານສາທາລະນະສຸກ, ຄວນເອົາຈຸດໜັກໄປຢູ່ຊົນນະບົດແລະຄຸ້ມເຮືອນຢູ່ເຊິ່ງເປັນຮາກຖານ."
ທ່ານມຽວຢູ ຜູ້ແທນສະພາປະຊາຊົນແຫ່ງຊາດຈີນຜູ້ຮັດຜິດຊອບຂອງອູຮ້ານ ເມືອງພາກກາງຂອງຈີນກໍ່ເຫັນດີເອົາຈຸດໜັກຂອງການລົງທຶນຂອງລັດຖະບານຮາກຖານ.ທ່ານເຫັນວ່າຄວາມເຈັບປ່ວຍເບົາຄວນໄປໂຮງໝໍເຂດຄຸ້ມເຮືອນຢູ່,ບໍ່ຕ້ອງໄປໂຮງໝໍໃຫຍ່,ເມື່ອເປັນແນວນີ້ກໍຫຼີກເວັ້ນການໃຊ້ຊັບພະຍາກອນປີ່ນປົວໄປລ້າໆ,ທັງຫຼຸດຄວາມຫາບແບກຂອງຜູ້ເຈັບປ່ວຍ.ປະຈຸບັນ,ເມືອງອູຮ້ານໄດ້ຄົ້ນຄວ້າບາງຢ່າງໃນດ້ານນີ້ແລ້ວ.
"ໂດຍແນໃສ່ຝູງຄົນທີ່ມີລາຍໄດ້ຕ່ຳ,ພະຍາດມັກເປັນບາງຊະນິດ,ພະຍາດຊຳເຮື້ອ,ພວກຂ້າພະເຈົ້າໄດ້ເສີມຂະຫຍາຍບົດບາດຂອງສູນບໍລິການສາທາລະນະສຸກປີ່ນປົວເຂດຄຸ້ມເຮືອນຢູ່ຫຼາຍກວ່າເກົ່າ."
ນອກນີ້,ຍັງມີຜູ້ແທນສະພາປະຊາຊົນແຫ່ງຊາດຈີນບາງທ່ານໄດ້ແນະນຳວິທີແກ້ໄຂບັນຫາປົວພະຍາດແພງຢູ່ແຫ່ງຕ່າງໆ,ຫວັງໃຫ້ຖອດຖອນບົດຮຽນເຊິ່ງກັນແລະກັນ.ວິທີຕົ້ນຕໍມີດັ່ງນີ້:ໂຮງໝໍບາງແຫ່ງຢູ່ແຂວງຊານຕຸ່ງປະຕິບັດລະບອບຈຳກັດລາຄາສູງສຸດຂອງພະຍາດຊະນິດດຽວ;ເມືອງອູຊີ່ແຂວງຈ່ຽງຊູ່ໄດ້ຕັ້ງສູນຄຸ້ມຄອງໂຮງໝໍ,ເພີ່ມທະວີການຕິດຕາມແລະຄຸ້ມຄອງໂຮງໝໍ;ຢູ່ປັກກິ່ງ,ແຂວງເຈີ້ຈຽງເປັນຕົ້ນສ້າງໂຮງໝໍລາຄາທົ່ວໄປ,ສະໜອງການບໍລິການໃຫ້ຄົນທີ່ມີລາຍໄດ້ຕ່ຳເປັນຕົ້ນ.
ບັນດາຜູ້ແທນສະພາປະຊາຊົນແຫ່ງຊາດຈີນເຫັນວ່າ,ຈີນແກ້ໄຂບັນຫາທີ່ຄາດປົວພະຍາດແພງຍັງຕ້ອງການໄລຍະເວລາຍາວນານຢ່າງແນ່ນອນ.ພວກທ່ານສະແໜີໃຫ້ລັດຖະບານຄວນໃຊ້ມາດຕະການທາງເສດຖະກິດ,ບໍລິຫານເປັນຕົ້ນໃນພາຍໜ້າ,ຊຸກຍູ້ບັນຫານີ້ໄດ້ຮັບການແກ້ໄຂໂດຍໄວເທົ່າທີ່ຈະໄວໄດ້.
|
