ຕາມ​ຂ່າວ​ສານ​ຊິນ​ຮວາ: ໜັງສືພິມ​ເຍີນ​​ເຢີ່ນ ສຽງ​ຂອງ​ສູນ​ກາງ​ພັກ​ກອມ​ມູນິດ​ຫວຽດ​ນາມ​ສະບັບ​ວັນ​ທີ 10 ມີນາ​ໄດ້​ພິມ​ບົດ​ວິຈານ, ກ່າວ​ປະນາມ​ອາ​ເມ​ລິ​ກາ​ເບິ່ງ​ຂ້າມ​ຄວາມ​ຈິງ, ບິດ​ເບືອນ​ສະພາບ​ສິດທິ​ມະນຸດ​ຂອງ​ຫວຽດນາມ.

ບົດ​ວິຈານ​ທີ່​ພາດ​ຫົວ​ເລື່ອງ​ວ່າ "ຖ້ອຍ​ຄຳ​ທີ່​ຜິດພາດ​ແລະ​ໄຮ້​​ເຫດຜົນ" ​ຊີ້​ອອກ​ວ່າ, "ບົດ​ລາຍ​ງານສິດທິ​ມະນຸດ​ປະຈຳ​ປີຂອງ​ຕ່າງປະ​ເທດ" ທີ່​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ປະ​ກາດ​ໃນ​ຫວ່າງ​ບໍ່​ດົນ​ນີ້ ​ໄດ້​ຕີ​ລາຄາ​ສະພາບ​ສິດທິ​ມະນຸດ​ຂອງ​ຫວຽດນາມ​ຢ່າງ​ຜິດ​ພາດ ອະ​ຄະ​ຕິແລະ​ບໍ່​ສອດຄ່ອງ​ກັບ​ຄວາມ​ຈິງ.

ບົດ​ວິຈານ​ຂຽນ​ວ່າ, ​ລັດຖະບານ​ຫວຽດນາມ​ໄດ້​ປະຕິບັດ​ນະ​ໂຍບາຍທີ່​ໂຄລົບ ​ແລະປົກ​ປັກ​ຮັກສາເສລີພາບ​​ໃນການ​ເຊື່ອ​ຖື​ແລະ​ສາສະໜາ​ຂອງ​ພົນລະ​ເມືອງ​ໂດຍ​ຕະຫຼອດ, ​ເອົາ​ໃຈ​ໃສ່​ແລະ​ສ້າງ​ເງື່ອນ​ໄຂ​ໃຫ້​ແກ່​ການ​ເຄື່ອນ​ໄຫວ​ຂອງ​ບັນດາສາສະໜາແລະ​ການເຊື່ອ​ຖື. ສາ​ສະ​ໜາ​​ຕ່າງໆ​ມີເສລີພາບ​ຢ່າງ​ກວ້າງຂວາງຕາມ​ລັດ​ຖະທຳ​ມະນູນ​ແລະ​ກົດໝາຍ.

ບົດ​ວິຈານ​ທວງ​ໃຫ້​ກະຊວງ​ການ​ຕ່າງປະ​ເທດອາ​ເມ​ລິ​ກາຮັບ​ຮູ້​ບັນຫາສາສະໜາ​ແລະ​ສິດທິ​ມະນຸດ​ຂອງ​ຫວຽດນາມ​ຢ່າງ​ພາວະ​ວິ​ໄສ, ປະກອບສ່ວນ​ເຂົ້າ​ໃນ​ການ​ຂະຫຍາຍ​ການ​ພົວ​ພັນ​ລະຫວ່າງ​ສອງ​ປະ​ເທດ​ບົນ​ພື້ນຖານ​ສະ​ເໝີ​ພາບ ​ໂຄລົບ​ເຊິ່ງກັນ​ແລະ​ກັນ​ແລະ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ.