|
|
 |
| (GMT+08:00)
2006-03-10 18:31:23
|
 |
|
ຜູ້ແທນສະພາປະຊາຊົນ ກຳມະການສະພາປຶກສາການເມືອງກ່າວປະນາມການກະທຳ"ແຍກໄຕ້ຫວັນເປັນເອກະລາດ"ຂອງທ່ານເສີນສຸຍປຽນ
cri
Author: cai
ຕາມຂ່າວສານຊີນຮວາ:ຜູ້ແທນສະພາປະຊາຊົນແຫ່ງຊາດຈີນແລະກຳມະການສະພາປຶກສາການເມືອງປະຊາຊົນຈີນທີ່ພວມເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນແລະສະພາປຶກສາການເມືອງປະຊາຊົນຈີນຢູ່ປັກກິ່ງໄດ້ທະຍອຍກັນກ່າວໂຈມຕີການກະທຳ"ແຍກໄຕ້ຫວັນເປັນເອກະລາດ"ຂອງທ່ານເສີນສຸຍປຽນທີ່ທ້າທາຍເກາະຜິດຕໍ່ຫຼັກການຈີນດຽວ.
ທ່ານເສີນເຈິ້ງໂຖງ ກຳມະການສະພາປຶກສາການເມືອງປະຊາຊົນຈີນເວົ້າວ່າ,ການສະແຫວງຫາສັນຕິພາບ ຄວາມສະຫງົບແລະການພັດທະນາແມ່ນປະຊາມະຕິຕົ້ນຕໍຂອງໄຕ້ຫວັນ,ສ່ວນທ່ານເສີນສຸຍປຽນພັດຝ່າຝືນກັບປະຊາມະຕິດັ່ງກ່າວ,ເພື່ອຜົນປະໂຫຍດຂອງຕົນ,ກໍ່ການເປັນປໍລະປັກກັນລະຫວ່າງເຜົ່າພັນແລະການປັ່ນປ່ວນໃນສັງຄົມ,ທັງນີ້ເປັນການບໍ່ຮັບຜິດຊອບທີ່ສຸດຕໍ່ພີ່ນ້ອງຮ່ວມຊາດໄຕ້ຫວັນ.
ທ່ານເຮີຕ້າຊີ່ນ ຜູ້ແທນສະພາປະຊາຊົນແຫ່ງຊາດຈີນເວົ້າວ່າ,ທ່ານເສີນສຸຍປຽນເປີດປ່າວຖ້ອຍຄວາມ"ແຍກໄຕ້ຫວັນເປັນເອກະລາດ"ຢ່າງບໍ່ຢຸດຢັ້ງ,ທ້າທາຍກໍ່ຜິດຕໍ່ແຜ່ນດິນໃຫຍ່ຊ້ຳແລ້ວຊ້ຳອີກ,ເຮັດໃຫ້ການພົວພັນລະຫວ່າງສອງຝັ່ງເຄັ່ງຕຶງຂຶ້ນ.
ບັນດາຜູ້ແທນແລະກຳມະການຍັງຊີ້ອອກວ່າ,ການເຄື່ອນໄຫວແບ່ງແຍກໄຕ້ຫວັນເປັນເອກະລາດຂອງທ່ານເສີນສຸຍປຽນຍ່ອມຈະລົ້ມແຫຼວຢ່າງແນ່ນອນ,ນີ້ແມ່ນເລື່ອງທີ່ຕ້ອງເປັນໄປໃນປະຫວັດສາດແລະສະພາບຄວາມເປັນຈິງ.
|
|
|
