|
ຈີນຈະຮັບປະກັນສິດແລະຜົນປະໂຫຍດທີ່ຊອບກົດໝາຍຂອງນັກທຸລະກິດຕ່າງ ປະເທດໃນການລົງທຶນເຂົ້າໃນການສຳຫຼວດຂຸດຄົ້ນຊັບພະຍາກອນບໍ່ແຮ່
cri
ຕາມຂ່າວCRI,ວັນທີ11ມີນາຢູ່ທີ່ປັກກິ່ງ,ທ່ານຫຼີຢວນ ຮອງລັດຖະມົນຕີກະຊວງທີ່ດິນແລະຊັບພະຍາກອນແຫ່ງຊາດຈີນກ່າວວ່າ,ຈີນຈີນຈະເປີດກວ້າງ ການໄຂປະຕູສູ່ພາຍນອກໃນດ້ານສຳຫຼວດແລະຂຸດຄົ້ນຊັບພະຍາກອນບໍ່ແຮ່,ຮັບປະກັນສິດແລະຜົນປະໂຫດຍທີ່ຊອບກົດໝາຍຂອງນັກທຸລະກິດຕ່າງປະເທດທີ່ລົງທຶນໃນຂົງເຂດດັ່ງກ່າວ,ດຳເນີນການຮ່ວມມືແລະແລກປ່ຽນກັບຕ່າງປະເທດຢ່າງກວ້າງຂວາງ.
ທ່ານຫຼີຢວນແມ່ນໃຫ້ທັດສະນະດັ່ງກ່າວໃນງານຊຸມນຸມນັກຂ່າວທີ່ກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຈັດຂຶ້ນໃນມື້ດຽວກັນ.ທ່ານຊີ້ອອກວ່າ,ຍ້ອນວ່າຈີນມີປະຊາກອນຫຼາຍ,ບວກກັບໃນ5ປີຂ້າງໜ້ານິ້ຈີນຍັງຈະຢູ່ໃນໄລຍະທີ່ການຫັນເປັນອຸດສາຫະກຳແລະຕົວເມືອງພັດທະນາຢ່າງວ່ອງໄວ,ຄວາມຂັດແຍ່ງທີ່ຊັບພະຍາກອນບໍ່ພຽງພໍໂດຍທຽບຖານຈະພົ້ນເດັ່ນທີ່ສຸດ.
ທ່ານກ່າວວ່າ,ການສົ່ງເສີມວິສາຫະກິດຈີນແລະຕ່າງປະເທດດຳເນີນການສຳຫຼວດແບບການຄ້າແມ່ນວິທີໜຶ່ງໃນການແກ້ໄຂບັນຫາຊັບພະຍາກອນບໍ່ພຽງພໍ.ລັດ ຖະບານຈີນຈະວາງນະໂຍບາຍລະບົບໜຶ່ງ,ສ້າງຕັ້ງແລະຮັກສາສະພາບແວດລ້ອມຕະຫຼາດທີ່ທ່ຽງທຳແລະຍຸດຕິທຳ,ຍົກສະມັດຕະພາບການນຳໃຊ້ຊັບພະຍາກອນໃຫ້ສູງຂຶ້ນ.
|
|
