|
|
 |
| (GMT+08:00)
2006-03-11 20:34:34
|
 |
|
ບົດບັນທຶກປະຈຳວັນກ່ຽວກັບກອງປະຊຸມສອງສະພາໃນວັນທີ 11 ມີນາ
cri
Author: da
|
ແລກປ່ຽນຄວາມເຫັນກັນ
ປີນີ້ແມ່ນເທື່ອທຳອິດທີ່ຂ້ອຍເປັນນັກຂ່າວ ໄປເອົາຂ່າວກອງປະຊຸມສອງສະພາສົມກັບຄວາມປວດຢາກໄປ.ໃນໜຶ່ງອາທິດມານີ້,ຂ້ອຍບໍ່ພຽງແຕ່ໄດ້ເຫັນພິທີໄຂກອງປະຊຸມສອງສະພາທີ່ຄຶກຄື້ນກັບຕາຕົນເອງ,ຍັງໄດ້ເຫັນຜູ້ນຳ ລັດ ເຈົ້າໜ້າທີ່ຊັ້ນສູງຂອງລັດຖະບານແລະບຸກຄົນຜູ້ມີຊື່ສຽງໃນຂະແໜງການຕ່າງໆຫຼາຍໆທ່ານ,ທັງຍັງໄດ້ຖືໂອກາດນີ້ສຳພາດພວກເພິ່ນ,ໄດ້ຖ່າຍຮູບນຳກັນກັບກຳມະການທີ່ເປັນດາລາຫຼາຍຄົນ,ຈັ່ງແມ່ນໄດ້ຮັບຜົນຫຼາຍຢ່າງ.
ທ່ານຈົ່ງນານຊ່ານ
ລັດຖະມົນຕີຂອງບັນດາກະຊວງທີ່ເຂົ້າຮ່ວມກອງປະຊຸມສອງສະພາກໍ່ແມ່ນຜູ້ທີ່ນັກຂ່າວທັງຫຼາຍນຳສຳພາດ.ມື້ວານນີ້ຂ້ອຍໄດ້ເຫັນລັດຖະມົນຕີກະຊວງສຶກສາທິການ,ຍັງເຫັນລັດຖະມົນຕີກະຊວງສາທາລະນະສຸກ,ແຕ່ເສຍດາຍມີນັກຂ່າວຫຸ້ມສຳພາດພວກເພິ່ນຫຼາຍໂພດ,ຮູບທີ່ຖ່າຍເອົາກໍ່ບໍ່ແຈ້ງ.ຂ້ອຍຍັງໄດ້ເຫັນທ່ານຈົ່ງນານຊ່ານ ບັນດິດສະພາບັນດິດວິສະວະກຳຈີນ ກຳມະການສະພາປຶກສາການເມືອງແຫ່ງຊາດ ຊຶ່ງເປັນບຸກຄົນນຳໜ້າວົງການແພດສາດທີ່ຕໍ່ຕ້ານພະຍາດຊາດສ໌ແລະໄຂ້ຫວັດນົກ,ທ່ານແມ່ນວິລະຊົນຜູ້ຍິ່ງໃຫຍ່ຂອງປະຊາຊົນ.
ຍັງມີທ່ານຫຼິນອີ້ຟູ່ ນັກເສດຖະສາດຜູ້ອາວຸໂສແລະມີຊື່ສຽງຂອງຈີນ,ທ່ານມີສະຕິປັນຍາທີ່ສຸດ,ທ່ານທາງສະຫງ່າ,ບໍ່ວ່າປະກົດຕົວຢູ່ໃສ,ນັກຂ່າວກໍຫຸ້ມໄປຫາເພິ່ນໂລດ.
ນອກນີ້,ຍັງມີຜູ້ແທນແລະກຳມະການທີ່ມີຊື່ສຽງໃນທັນທີຍ້ອນກອງປະຊຸມສອງສະພາຄັ້ງນີ້.ເຊັ່ນ:ທ່ານໄລ້ມິງ ກຳມະການສະພາປຶກສາການເມືອງປະຊາຊົນແຫ່ງຊາດ.
ທ່ານໄລ້ມິງ
ໃນກອງປະຊຸມສະພາປຶກສາການເມືອງຄັ້ງນີ້,ທ່ານໄດ້ສະເໜີຍັດຕິທີ່ມີລັກສະນະກໍ່ສ້າງກ່ຽວກັບເຮືອນຢູ່ແລະການປະກັນໄພບຳນານ.ຍັດຕິຂອງເພິ່ນ,ບໍ່ພຽງແຕ່ໄດ້ດູດດຶງເອົາຄວາມສົນໃຈຂອງກຳມະການແລະນັກຂ່າວທໍ່ນັ້ນ,ຫາກຍັງມີສຽງສະທ້ອນຢ່າງແຂງແຮງໃນສັງຄົມ.ຢູ່ເວັບໄຊທຸກບ່ອນ ລ້ວນແຕ່ໄດ້ເຜີຍແຜ່ຍັດຕິຂອງເພິ່ນ,ຜູ້ວິຈານເທິງເວັບໄຊກໍຫຼາຍເຖິງແສນກວ່າຄົນ.ຄ່ຳມື້ນີ້,ທ່ານຍັງຈະໄດ້ຮັບເຊີນໄປເປັນແຂກຢູ່ເວັບໄຊທີ່ມີຊື່ສຽງແຫ່ງໜຶ່ງ,ຫາສຽງໃຫ້ຍັດຕິຂອງທ່ານເອງ,ແລກປ່ຽນຄວາມເຫັນກັບມິດເວັບໄຊ.ໄດ້ສຳພາດບຸກຄົນຜູ້ມີຊື່ສຽງປານນີ້,ກໍ່ບໍ່ແມ່ນເລື່ອງງ່າຍ.
|
|
|
