|
ຜູ້ແທນສະພາປະຊາຊົນແຫ່ງຊາດຈີນສະເໜີຂ້ຽວເລັ່ງສ້າງທາງສາກົນຢຸນນານ ຊຸກຍູ້ການຮ່ວມມືໃນພາກພື້ນອາຊຽນ
cri
Author: min
ຕາມຂ່າວສານຊິນຮວາ: ຜູ້ແທນສະພາປະຊາຊົນທີ່ພວມເຂົ້າຮ່ວມກອງປະຊຸມປະຈຳປີຂອງສະພາປະຊາຊົນແຫ່ງຊາດຈີນຢູ່ປັກກິ່ງໄດ້ສະເໜີໃຫ້ຂ້ຽວເລັ່ງສ້າງທາງສາກົນຢຸນນານ, ຊຸກຍູ້ການຮ່ວມມືໃນພາກພື້ນອາຊຽນ.
ທ່ານເຮີຕ້ວນສີ ຜູ້ແທນສະພາປະຊາຊົນແຫ່ງຊາດຈີນ, ປະທານຄະນະກຳມະການການພັດທະນາແລະປະຕິຮູບແຂວງຢຸນນານເວົ້າວ່າ, ໃນຫຼາຍປີຂ້າງໜ້າ, ຢຸນນານຈະເພີ່ມຄວາມແຮງສ້າງທາງສາກົນຢຸນນານ, ຍາດແຍ່ງເຮັດໃຫ້ຢຸນນານກາຍເປັນຕາໜ່າງທາງສາກົນທີ່ເອົາການບິນນຳທາງ, ຖືທາງລົດໄຟແລະທາງຫຼວງຊັ້ນສູງເປັນໂຄງຮ່າງ, ຖືການຂົນສົ່ງທາງນ້ຳເປັນການເພີ່ມຕື່ມ, ຊຸກຍູ້ໃຫ້ຈີນກັບປະເທດອາຊີອາຄະເນແລະອາຊີໃຕ້ຈະເລີນຮຸ່ງເຮືອງນຳກັນໃນດ້ານເສດຖະກິດ.
ແຂວງຢຸນນານທີ່ຕັ້ງຢູ່ພາກຕາເວັນຕົກສຽງໃຕ້ຂອງຈີນມີດິນແດນຕິດກັບລາວ, ມຽນມາແລະຫວຽດນາມ, ມີທາງໄປສູ່ຕ່າງປະເທດ 90 ກວ່າເສັ້ນ. ຢຸນນານບໍ່ພຽງໄດ້ຕິດຕໍ່ກັບມະຫາສະໝຸດປາຊິຟິກແລະມະຫາສະໝຸດອິນເດຍຈາກທາງບົກທໍ່ນັ້ນ, ຍັງໄດ້ເຮັດໃຫ້ຕະຫຼາດໃຫຍ່ 3 ແຫ່ງ ຄື ຈີນ, ອາຊີອາຄະເນແລະອາຊີໃຕ້ເຊື່ອມຕໍ່ເຂົ້າກັນ, ໄດ້ມີບົດບາດສຳຄັນໃນການ ຊຸກຍູ້ການພັດທະນາເສດຖະກິດແລະການແລກປ່ຽນວັດທະນະທຳພາຍໃນພາກພື້ນນີ້.
|
|
