ຕາມ​ຂ່າວcri:ຜູ້​ແທນ​ສະພາ​ປະຊາຊົນ​ແຫ່ງ​ຊາດ​ຈີນ​ທີ່​ພວມເຂົ້າ​ຮ່ວມ​ກອງ​ປະຊຸມ​ສະ​ໄໝ​ສາມັນ​ປະຈຳ​ປີຂອງສະພາ​ປະຊາຊົນ​​ແຫ່ງ​ຊາດ​ຈີນຢູ່​ປັກ​ກິ່ງ​ເຫັນ​ວ່າ,ລັດ​ຄວນ​​ໃຊ້​ມາດ​ຕະການ​ຕື່ມ​ອີກ,​ເພື່ອຮັບ​ມື​ກັບ​ສະຖານະ​ການ​ອັນ​ຂ້ຽວຂາດ​ແຫ່ງ​ຄວາມປອດ​ໄພ​​ໃນ​ການ​ຜະລິດ​ໃນ​ສະ​ເພາະໜ້າ​ນີ້.

ໃນ​ສະ​ເພາະ​ໜ້າ​ນີ້,ສະພາບ​ຄວາມ​ປອດ​ໄພ​ໃນການ​ຜະລິດ​​ຂອງ​ຈີນ​ຍັງຂ້ຽວຂາດ​ທີ່​ສຸດຕໍ່​ມາ.ປີ​ກາຍນີ້,ທົ່ວ​ປະ​ເທດ​ມີ​ປະມານ1​ແສນ3​ໝື່ນ​ຄົນ​ເສຍ​ຊີວິດ​ຍ້ອນ​​ເກີດອຸປະຕິ​ເຫດ​​ໃນ​ການຜະລິດ.ຜູ້​ແທນ​ສະພາ​ປະຊາຊົນ​ແຫ່ງ​ຊາດ​ຈີນ​​ເຫັນ​ວ່າ,ລັດຄວນ​ໃຊ້​ມາດ​ຕະການ​ໃຫ້​ວິ​ສາ​ຫະກິດທີ່​ກ່ຽວ​ຂ້ອງ​ຄື​ບໍ່ຖ່ານ​ຫີນ​ເປັນ​ຕົ້ນ​ເພີ່ມ​ການລົງທຶນ,ຮັບປະກັນ​ໃຫ້​ການ​ຜະລິດມີ​ຄວາມ​ປອດ​ໄພ.​​ພ້ອມກັນນີ້,ຂະ​ແໜງ​ການ​ທີ່ກ່ຽວຂ້ອງກໍ​ຄວນ​ເພີ່ມ​ທະວີ​ການ​ອົບຮົມແລະ​​ໃຫ້ການສື​ກສາ​ຕໍ່​ຜູ້​ປະກອບອາຊີບທີ່ອັນຕະລາຍ,​ເພື່ອຫຼຸດ​ອຸປະຕິ​ເຫດ​ໃຫ້​ໜ້ອຍ​ລົງ.