ຕາມຂ່າວສານຊິນຮວາ:ວັນທີ11 ມີນາ,ເຈົ້າໜ້າທີ່ຂອງປາເລັສຕິນກ່າວວ່າ,ທ່ານອາບາສ ປະທານອົງການອຳນາດແຫ່ງຊາດປາເລັສຕິນເຫັນວ່າຄຳຕອບຂອງທ່ານຮາເນຍ ນາຍົກລັດຖະມົນຕີຜູ້ໃຫມ່ຂອງລັດຖະບານປາເລັສຕິນປົກຄອງຕົນເອງຜູ້ນຳອົງການຮາມາສມີທ່າທີຄຸມເຄືອເກີນໄປຕໍ່ສານແຕ່ງຕັ້ງນາຍົກລັດຖະມົນຕີ,ທ່ານຮາເນຍຄວນມີຫຫຼັກໝັ້ນອັນແຈ່ມແຈ້ງຕໍ່ສັນຍາສັນຕິພາບລະຫວ່າງປາເລັສຕິນກັບອິສຣາແອນ.
ເຈົ້າໜ້າທີ່ປາເລັສຕິນກ່າວວ່າ,ທ່ານອາບາສຮຽກຮ້ອງໃຫ້ອົງການຮາມາສໃຫ້ຄຳໝັ້ນສັນຍາໂຄລົບສັນຍາສັນຕິພາບທີ່ອົງການປົດປ່ອຍປາເລັສຕິນເຊັນກັບອິສຣາແອນ,ແຕ່ໃນຈົດໝາຍຕອບຂອງທ່ານຮາເນຍໃນວັນທີ10 ມີນາພັດມີທ່າທີມະລຸບມະລວຍ,ສະນັ້ນທ່ານອາບາສຈຶ່ງຮຽກຮ້ອງໃຫ້ອົງການຮາມາສສະແດງຫຼັກໝັ້ນຢ່າງຈະແຈ້ງພາຍໃນ2ອາທິດ,ແລະເຫັນດີສືບຕໍ່ພົບປະຜູ້ນຳຂອງອົງການຮາມາສ.
ມື້ດຽວກັນ,ທ່ານຮາເນຍກ່າວວ່າ,ການປືກສາຫາລືປະກອບລັດຖະບານມໍ່ຈະສິ້ນສຸດລົງແລ້ວ,ໃນສະມາຊິກຄະນະລັດຖະບານທີ່ຮ່າງໄວ້ນັ້ນ,ລັດຖະມົນຕີສ່ວນຫຼາຍບໍ່ຢູ່ໃນຄະນະກຳມະການນິຕິບັນຍັດປາເລັສຕິນ.
|