|
|
 |
| (GMT+08:00)
2006-03-13 11:12:49
|
 |
|
ກອງປະຊຸມຄັ້ງທີ4ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ10ປິດປະຊຸມ
cri
ຕາມຂ່າວCRI, ວັນທີ13ມີນາ, ຢູ່ທີ່ປັກກິ່ງ, ສະພາປຶກສາການເມືອງປະຊາຊົນແຫ່ງຊາດຈີນເຊິ່ງເປັນອົງການປຶກສາສູງສຸດສຳລັບຫຼາຍພັກຝ່າຍປຶກສາການເມືອງຂອງຈີນໄດ້ສິ້ນສຸດກອງປະຊຸມປະຈຳປີທີ່ໄຂເປັນເວລາ11ມື້. ກອງປະຊຸມໄດ້ສະເໜີວ່າ, ຕ້ອງບາກບັ່ນສູ້ຊົນເພື່ອບັນລຸເປົ້າໝາຍແຜນພັດທະນາເສດຖະກິດສັງຄົມແຫ່ງຊາດຄືແຜນພັດທະນາ5ປີຄັ້ງທີ11ໃນ5ປີຂ້າງໜ້າ.
ມະຕິການເມືອງທີ່ຜ່ານຮັບຮອງໃນກອງປະຊຸມສະເໜີວ່າ, ຕ້ອງພັດທະນາກຳລັງຜະລິດໃນຊົນນະບົດຕື່ມອີກ, ຊຸກຍູ້ໃຫ້ຊາວກະສິກອນມີລາຍໄດ້ເພີ່ມຂຶ້ນ, ປົກປ້ອງສິດທິປະຊາທິປະໄຕຂອງຊາວກະສິກອນ, ຊຸກຍູ້ການສ້າງສາຊົນນະບົດແບບໃໝ່ເພື່ອສ້າງຄຸນຄວາມດີໃຫ້ແກ່ຊາວກະສິກອນຫຼາຍຮ້ອຍລ້ານຄົນ; ຕ້ອງເພີ່ມຄວາມສາມາດດ້ານການປະດິດສ້າງໂດຍຕົນເອງໃຫ້ເຂັ້ມແຂງຂຶ້ນ; ເດັດດ່ຽວຄັດຄ້ານແລະສະກັດກັ້ນອິດທິກຳລັງແບ່ງແຍກໄຕ້ຫວັນໃຫ້ເປັນເອກະລາດແລະການເຄື່ອນໄຫວຂອງພວກເຂົາ, ປະກອບກຳລັງເພື່ອຂະຫຍາຍການພົວພັນສອງຝັ່ງຊ່ອງແຄບແລະໂຮມປະເທດຊາດເຂົ້າເປັນເອກະພາບກັນຢ່າງສົມບູນ.
1 2
|
|
|
