|
ທ່ານມຸດຊາກ່າວປະນາມຖ້ອຍຄວາມຂອງທ່ານໂອນເມິດກ່ຽວກັບການຂີດແບ່ງຊາຍແດນລະຫວ່າງອິສຣາແອນກັບປາເລັສຕີນ
cri
Author: min
ຕາມຂ່າວCRI: ວັນທີ 12 ມີນາ, ທ່ານມຸດຊາ ເລຂາທິການໃຫຍ່ສັນນິບາດປະເທດອາລັບໄດ້ອອກປະກາດຢູ່ເລີແກ, ກ່າວປະນາມຖ້ອຍຄວາມຂອງທ່ານໂອນເມິດ ນາຍົກລັດຖະມົນຕີພາງຂອງອິສຣາແອນກ່ຽວກັບການຂີດແບ່ງຊາຍແດນຖາວອນລະຫວ່າງອິສຣາແອນກັບປາເລັສຕີນແຕ່ຝ່າຍດຽວ.
ທ່ານມຸດຊາເວົ້າວ່າ, ທ່ານໂອນເມິດຈະຂີດແບ່ງຊາຍແດນລະຫວ່າງອິສຣາແອນກັບປາເລັສຕີນຝ່າຍດຽວ, ແມ່ນເພື່ອເຮັດໃຫ້ເລື່ອງອິສຣາແອນຍຶດຄອງຝັ່ງຕາເວັນຕົກແມ່ນ້ຳຈໍແດນຊອບກົດໝາຍ. ທ່ານມຸດຊາເວົ້າວ່າ, ການກະທຳແບບນີ້ແມ່ນອັນຕະລາຍທີ່ສຸດ, ບໍ່ອາດຈະນຳເອົາແຜນສັນຕີພາບທີ່ "ກ້ຳເກິ່ງກັນ, ແລະທຸກຝ່າຍຮັບເອົາໄດ້" ມາໃຫ້ພາກພື້ນປາເລັສຕີນອິສຣາແອນ, ຫາກມີແຕ່ຈະເຮັດໃຫ້ສະຖານະການໃນພາກພື້ນນີ້ປັ່ນປ່ວນຂຶ້ນຕື່ມອີກ.
|
|
