|
|
 |
| (GMT+08:00)
2006-03-13 14:18:57
|
 |
|
ສະຖານີໂທລະທັດສຶກສາຫຼວງຂອງໄທສອນພາສາຈີນກາງ(ສຽງ)
cri
Author: min
|
ທ່ານຜູ້ຟັງທີ່ໂຄລົບ, ຢູ່ປະເທດໄທມີຊາວຈີນແລະຈີນຕ່າງດ້າວຫຼວງຫຼາຍ, ພວມເປີດຂະບວນຮຽນພາສາຈີນກາງຢ່າງຟົດຟື້ນ. ໃນ 20 ປີມານີ້, ເຈົ້າຍິງສິລິນທອນໄດ້ຮຽນພາສາຈີນກາງຢ່າງບໍ່ຮູ້ອິດຮູ້ເມື່ອຍ, ສຶກສາຄົ້ນຄວ້າວັດທະນະທຳຈີນ, ແລ້ວໄດ້ເປັນຕົວຢ່າງຮຽນພາສາຈີນກາງຂອງປະຊາຊົນໄທ, ກະຕຸກຊຸກຍູ້ນຊາວໜຸ່ມໄທອັນໄພສານຮຽນພາສາຈີນກາງຢ່າງຂະຫຍັນ. ສ່ວນລັດຖະບານໄທກໍກຽມເປີດຫຼັກສູດພາສາຈີນກາງຢູ່ໂຮງຮຽນປະຖົມແລະໂຮງຮຽນມັດທະຍົມທົ່ວປະເທດກ່ອນປີ 2008, ຈົນຮອດສະຖານີໂທລະທັດສຶກສາຫຼວງຂອງໄທກໍເມົານຳການສອນພາສາຈີນກາງ. ຕໍ່ໄປ, ພວກເຮົາກໍຈະແນະນຳສະຖານີໂທລະທັດສຶກສາຫຼວງໄທທີ່ສອນພາສາຈີນກາງສູ່ທ່ານຟັງ:
ສະຖານີໂທລະທັດສຶກສາທາງໄກຜ່ານດາວທຽມວັງໄກຼກັງວົນຕັ້ງຢູ່ໂຮງຮຽນວັງໄກຼກັງວົນຂອງອຳເພີຫົວກີນຈັງຫວັດປະຈວບຄີລິຂັນເຊິ່ງເປັນສະຖານທີ່ພັກຜ່ອນແຄມທະເລທີ່ມີຊື່ສຽງຂອງໄທ, ມັນແມ່ນໂທລະທັດສຶກສາຫຼວງຂອງໄທອ້ອຍຕ້ອຍແຫ່ງໜຶ່ງ. ສະຖານີໂທລະທັດນີ້ເລີ່ມສອນພາສາຈີນກາງ, ເມື່ອ 8 ປີກ່ອນ.
ປິ 1995, ເຈົ້າຊີວິດພູມິພົນອະດຸນຍະເດດໄດ້ນຳໜ້າບໍລິຈາກເງິນ 50 ລ້ານບາດ, ສະໜັບສະໜູນການຕັ້ງກອງທຶນການສຶກສາທາງໄກ, ເພື່ອສ້າງສະຖານີໂທລະທັດສຶກສາທາງໄກຜ່ານດາວທຽມແລະເລີ່ມອອກອາກາດໃນວັນທີ 5 ທັນວາປີດຽວກັນ. 10 ປີໄດ້ຜ່ານໄປແລ້ວ, ປະຈຸບັນ, ສະຖານີໂທລະທັດນີ້ໄດ້ມີ 15 ຊ່ອງກະຈາຍລາຍການສຶກສາທາງໄກຜ່ານດາວທຽມຕະຫຼອດ 24 ຊົ່ວໂມງທຸກມື້, ລວມທັງຫຼັກສູດແຕ່ ປ.ໜຶ່ງຫາມ.ຝ, ອະຊີວະສຶກສາ, ການສຶກສາມະຫາວິທະຍາໄລແລະອື່ນໆ, ສະຖານີໂທລະທັດສຶກສາທາງໄກຜ່ານດາວທຽມໄດ້ກວມທົ່ວປະເທດໄທ, ມຽມມາ, ລາວ, ຫວຽດນາມ, ກຳປູເຈຍ, ແຂວງຢຸນນານຈີນ.
ທຳອິດ, ຫຼັກສູດສອນພາສາຕ່າງປະເທດຂອງໂທລະທັດສຶກສາທາງໄກຜ່ານດາວທຽມວັງໄກຼກັງວົນມີແຕ່ພາສາອັງກິດ, ຝຼັ່ງ, ຍີ່ປຸ່ນ, ເຢຍລະມັນ. ຫຼັງຈາກນັ້ນ, ບໍ່ຮອດ 2 ປີ, ທ່ານປະທານກອງທຶນສຶກສາທາງໄກກໍ່ເລີ່ມກຽມຈັດຫຼັກສູດພາສາຈີນກາງ. ເດືອນພະຈິກປີ 1997, ທ່ານໄດ້ເຊີນອາຈານລູອ້າຍຊານ ຫົວໜ້າພະແນກພາສາຈີນກາງຂອງສະຖາບັນການຄ້າອາສຳຊັນມາເປັນຫົວໜ້າພະແນກພາສາຈີນຂອງໂທລະທັດສຶກສາທາງໄກຜ່ານດາວທຽມວັງໄກຼກັງວົນ, ຮັບຜິດຊອບວຽກງານການສຶກສາພາສາຈີນກາງ. ເດືອນມິຖຸນາປີ 1998, ລາຍການສຶກສາພາສາຈີນກາງໄດ້ອອກອາກາດຢູ່ສະຖານີໂທລະທັດສຶກສາທາງໄກຜ່ານດາວທຽມວັງໄກຼກັງວົນ, ເຊິ່ງເປັນສະຖານີໂທລະທັດສອນພາສາຈີນກາງແຫ່ງທຳອິດຢູ່ໄທ.
ທ່ານນາງອາຈານລູອ້າຍຊານ ກໍ່ແມ່ນຜູ້ຈັດລາຍການໂທລະທັດສອນພາສາຈີນກາງຢູ່ໄທຜູ້ທຳອິດ. ທ່ານນາງອາຈານແມ່ນຊາວຈີນຮຸ້ນທີສອງ, ເພິ່ນໄດ້ຮຽນພາສາຈີນກາງພາຍໃຕ້ສະຕິການສຶກສາດັ້ງເດີມຂອງຊາວຈີນແລະການລະດົມຂອງພໍ່ແມ່, ຈົນກະທັ້ງຮອດອາຍຸ 50 ກວ່າປີຍັງຮຽນພາສາຈີນກາງຢູ່ປັກກິ່ງ, ກາຍເປັນຜູ້ເຂົ້າຮ່ວມແລະຊຸກຍູ້ການສອນພາສາຈີນກາງຢູ່ສະຖາບັນການຄ້າອາສຳຊັນແລ້ວ, ໃນເວລາຫວ່າງ, ເພິ່ນຍັງຍຶດໝັ້ນຂັບລົດໄປສະຖານີໂທລະທັດສຶກສາທາງໄກຜ່ານດາວທຽມວັງໄກຼກັງວົນອັດລາຍການສອນພາສາຈີນກາງບໍ່ຂາດທຸກອາທິດ.
ໃນເວລານັກຂ່າວຈີນໄປເອົາຂ່າວຢູ່ສະຖານີໂທລະທັດສຶກສາທາງໄກຜ່ານດາວທຽມວັງໄກຼກັງວົນ, ພໍດີມື້ນັ້ນບໍ່ມີຫຼັກສູດສອນພາສາຈີນກາງ, ຈຶ່ງບໍ່ໄດ້ໄປຫ້ອງຮຽນເບິ່ງການສອນພາສາຈີນກາງກັບຫູກັບຕາ. ແຕ່ວ່າ, ຜູ້ອາສາສະໝັກສອນພາສາຈີນກາງທີ່ມາຈາກຈີນຜູ້ໜຶ່ງ, ໄດ້ເວົ້າຄວາມຮູ້ສຶກຕໍ່ການສອນພາສາຈີນກາງຢູ່ໂທລະທັດໃຫ້ນັກຂ່າວຟັງ.
ນາງຊ້າວເລີ້ເລີ້ ອາຍຸ 22 ປີແມ່ນຄູສອນຢູ່ພະແນກພາສາຈີນຂອງສະຖານີໂທລະທັດສຶກສາທາງໄກຜ່ານດາວທຽມວັງໄກຼກັງວົນໃນປະຈຸບັນ. ເມື່ອລາວໄດ້ສຳເລັດການຮຽນຢູ່ມະຫາວິທະຍາໄລພາສາປັກກິ່ງໃນເດືອນສິງຫາປີກາຍນີ້ແລ້ວ,ກໍຖືກສົ່ງໄປສອນພາສາຈີນກາງຢູ່ໄທໃນນາມເປັນຜູ້ອາສາສະໝັກສອນພາສາຈີນກາງ. ລາວເວົ້າວ່າ, ໄທເປັນປະເທດທີ່ເອົາໃຈໃສ່ນຳການສຶກສາຫຼາຍ, ສະຖານີໂທລະທັດສຶກສາທາງໄກຜ່ານດາວທຽມແມ່ນຕັ້ງຂຶ້ນຕາມພະລາຊະດຳລິຂອງເຈົ້າຊີວິດໄທ, ມີຈຸດປະສົງຢາກເຮັດໃຫ້ການສຶກສາກາຍເປັນຊັບພະຍາກອນມວນຊົນອັນກວ້າງຂວາງໂດຍຜ່ານພາຫະນະວິທະຍາສາດເຕັກນິກທັນສະໄໝ.
"ລາຍການວັດທະນະທຳພາສາຈີນກາງຂອງໂທລະທັດສຶກສາກ່ອນອອກອາກາດແຕ່ປີ 1998, ໂດຍມີອາຈານລູອ້າຍຊານເປັນຜູ້ຈັດຈົນມາຮອດປະຈຸບັນ, ແຕ່ລະອາທິດຊົ່ວໂມງໜຶ່ງ. ປີ 2001, ຫຼັກສູດສອນພາສາຈີນກາງທີ່ຖືກຈັດເຂົ້າເປັນຫຼັກສູດທາງການ, ຄິດໄລ່ຄະແນນການຮຽນ, ແຕ່ລະຊັ້ນຮຽນອາທິດລະ 5 ຊົ່ວໂມງ. ປະຈຸບັນ, ພະແນກພາສາຈີນກໍ່ມີອາຈານ 5 ຄົນແລ້ວ." ນາງຊ້າວເລີ້ເລີ້ເວົ້າວ່າ, ເດັກນ້ອຍໄທເປັນໜ້າຮັກຫຼາຍ, ມັກຮຽນພາສາຈີນກາງ. ນີ້ເຮັດໃຫ້ລາວເຕັມໄປດ້ວຍຄວາມຈູບຈ້າວຕໍ່ການສອນພາສາຈີນກາງຢູ່ໄທ, ແລະສະໝັກແກ່ຍາວເວລາໄປຮອດເດືອນເມສາປີໜ້າ.
ເລີ່ມແຕ່ 8 ປີກ່ອນ, ຈົນມາຮອດປະຈຸບັນ, ການສຶກສາພາສາຈີນກາງຂອງໂທລະທັດສຶກສາທາງໄກຜ່ານດາວທຽມວັງໄກຼກັງວົນໄດ້ມີຂະໜາດໃຫຍ່ສົມຄວນແລ້ວ, ເພື່ອສອດຄ່ອງກັບກະແສຮຽນພາສາຈີນກາງໃນທົ່ວໂລກແລະຕອບສະໜອງຄວາມຕ້ອງການຂອງການພັດທະນາການສຶກສາພາສາຈີນກາງ. ກອງທຶນສຶກສາທາງໄກຫຼວງໄດ້ຮຽບຮຽງ 《ຫຼັກສູດການສອນພາສາຈີນກາງ》 6 ເຫຼັ້ມຊຸດໜຶ່ງເປັນແບບຮຽນພາສາຈີນກາງແລະດ້ວຍສາລະພັດສື່ທີ່ສອດຄ່ອງກັບສະພາບຕົວຈິງຂອງໄທ, ແລະເລີ່ມສອນຢູ່ໂທລະທັດສຶກສາຫຼວງແຕ່ເດືອນພຶດສະພາປີ 2001 ເປັນຕົ້ນໄປ. ຄຽງຄູ່ກັບການຖ່າຍທອດສົດຂອງໂທລະທັດສຶກສາຫຼວງ, ລາຍການສອນພາສາຈີນກາງໄດ້ເຂົ້າສູ່ນັກຮຽນຫຼາຍລ້ານຄົນຂອງໂຮງຮຽນປະຖົມເກືອບ 7 ພັນແຫ່ງແລະໂຮງຮຽນມັດທະຍົມ 3 ພັນແຫ່ງທົ່ວປະເທດໄທ.
|
|
|
