|
ເວທີປາໄສສຸດຍອດວົງການເສດຖະກິດອຸດສາຫະກຳການຄ້າຈີນຣັດເຊຍຈະຈັດຂຶ້ນຢູ່ປັກກິ່ງໃນວັນທີ 22 ມີນາ
cri
Author: cai
ຕາມຂ່າວCRI:ວັນທີ 13 ມີນາ,ທ່ານຊົງຊວນ ໂຄສົກກະຊວງການຄ້າຈີນປະກາດວ່າ,ເວທີປາໄສສຸດຍອດວົງການເສດຖະກິດອຸດສາຫະກຳການຄ້າຈີນຣັດເຊຍຈະຈັດຂຶ້ນຢູ່ປັກກິ່ງໃນວັນທີ 22 ມີນາ.
ທ່ານຊົງຊວນເວົ້າວ່າ,ເວທີປາໄສເທື່ອນີ້ແມ່ນການເຄື່ອນໄຫວເສດຖະກິດການຄ້າທີ່ມີຂະໜາດໃຫຍ່ກວ່າໝູ່ແລະລະດັບສູງກວ່າໝູ່ໃນ"ປີຣັດເຊຍ"ທີ່ຈີນຈັດຂຶ້ນ,ຈະຈັດຂຶ້ນເປັນເວລາມື້ໜຶ່ງ,ເມື່ອຮອດເວລານັ້ນ,ຈະມີເຈົ້າໜ້າທີ່ລັດຖະບານຈີນຣັດເຊຍ ບຸກຄົນວົງການເສດຖະກິດອຸດສາຫະກຳການຄ້າແລະຜູ້ຊ່ຽວຊານນັກປາດລວມ 600 ກວ່າທ່ານເຂົ້າຮ່ວມ.
ທ່ານຊົງຊວນເວົ້າວ່າ,ຈີນຣັດເຊຍເປັນຄູ່ເສດຖະກິດການຄ້າທີ່ສຳຄັນເຊິ່ງກັນແລະກັນ,ປີກາຍນີ້,ມູນຄ່າການຄ້າສອງຕໍ່ສອງໄດ້ມີເກືອບ 30 ຕື້ໂດລາສະຫະລັດ.ການຈັດເວທີປາໄສເທື່ອນີ້,ຍ່ອມຈະມີຜົນດີຕໍ່ການເພີ່ມທະວີຄວາມເຂົ້າໃຈກັນລະຫວ່າງສອງຝ່າຍແລະຊຸກຍູ້ການຮ່ວມມືລະຫວ່າງສອງປະເທດໃນທຸກຂົງເຂດໃຫ້ລົງສູ່ລວງເລິກຕື່ມອີກ.
|
|
