ຕາມ​ຂ່າວສານ​ຊິນ​ຮວາ: ວັນ​ທີ 13 ມີນາ, ນັກ​ຂ່າວ​ໄດ້​ຊາບ​ຈາກ​ກະຊວງ​ການ​ຄ້າ​ຈີນ​ວ່າ, ຫວ່າງ​ມໍ່ໆ​ນີ້ ​ເວັບ​ໄຊ​ຄູ່​ມື​ການ​ຮ່ວມ​ມື​ລະຫວ່າງ​ຈີນ​ກັບ​ຕ່າງປະ​ເທດ​ທາງ​ເສດຖະ​ກິດ​ພາ​ສາ​ອັງ​ກິດ​ໄດ້​ເປີດ​ບໍລິການ​ຢ່າງ​ເປັນ​ທາງ​ການ.

ຕາມ​ໄດ້​ຊາບ, ​ເວັບ​ໄຊ ​ຄູ່​ມື​ການ​ຮ່ວມ​ມື​ລະຫວ່າງ​ຈີນ​ກັບ​ຕ່າງປະ​ເທດ​ທາງ​ເສດຖະ​ກິດ​ພາ​ສາ​ອັງກິດ​ (HTTP://fec.mofcom.gov.cn) ຕົ້ນຕໍ​ສະໜອງ​ເນື້ອ​ໃນກ່ຽວ​ກັບ​ຈີນ​ຮ່ວມ​ມື​ກັບ​ຕ່າງ​ປະ​ເທດ ທິດ​ການ​ລົງທຶນ ​ໂຄງການ​ຈຸດ​ໜັກ​ທີ່​ພວມ​ດຳ​ເນີນ​ຢູ່​ແລະ​ຈີນ​ລົງທຶນ​ໂດຍ​ກົງ​ຢູ່​ຕ່າງປະ​ເທດ​ເປັນ​ຕົ້ນ​ໃຫ້​ແກ່​ຜູ່​​ເປີດອ່ານດ້ວຍພາສາ​ອັງກິດ ​ເຊັ່ນ ວິ​ສາ​ຫະກິດ​ ​ແລະ​ອົງການ​​ສົ່ງ​ເສີມ​ການ​ລົງທຶນພົ້ນທະ​ເລ.