ຕາມ​ຂ່າວCRI: ຫວ່າງ​ມໍ່ໆ​ນີ້ ການ​ເຄື່ອນ​ໄຫວ​ຂໍ​ຜັງ​ອອກ​ແບບ​ທວນ​ໄຟ​ງານ​ກິລາ​ໂອ​ລິ​ມ ປິກ​ປັກ​ກິ່ງປີ 2008 ​ໄດ້​ສຳ​ເລັດ​ລົງ​ຢ່າງ​ເຕັມ​ເມັດ​ເຕັມ​ໜ່ວຍ. ການ​​ເຄື່ອນ​ໄຫວດັ່ງ​ກ່າວ​ໄດ້​ດຳ​ເນີນ 3 ​ເດືອນ, ຄະນະ​ກຳມະການ​ຈັດ​ງານ​ໂອ​ລິ​ມປິກ​ປັກ​ກິ່ງ​ໄດ້​ຮັບປະພັນ​ເປັນ​ຈຳ​ນວນ​ຫຼວງ​ຫຼາຍ.

ຕາມ​ແນະນຳ​ວ່າ, ຜູ່​ສະ​ເໜີ​ຮ່າງ​ຜັງ​ອອກ​ແບບ​ມາ​ຈາກ 28 ​ແຂວງ ​ເຂດ​ປົກຄອງ​ຕົນ​ເອງ ກຳ​ແພງ​ນະຄອນ ​ເຂດ​ບໍລິຫານ​ພິ​ເສດ​ຮົງ​ກົງ​ແລະ​ເຂດ​ໄຕ້​ຫວັນ​ຈີນ, ພ້ອມ​ກັນນັ້ນ, ກໍ່​ມີ​ປະ​ພັນ​ມາຈາກ​ອາ​ເມ​ລິ​ກາ ​ເຢຍລະ​ມັນ ຮົງ​ກາລີ ອີ​ຕາ​ລີ ຍີ່ປຸ່ນ ອິນ​ໂດ​ເນ​ເຊຍ​ແລະ​ອີ​ຣານ​ເປັນຕົ້ນ.

​ແຕ່​ວັນ​ທີ 1 ມີນາ​ຮອດ​ວັນ​ທີ 18 ​ເມສາ, ຄະນະ​ກຳມະການ​ປະ​ກວດ​ທີ່​ຈັດຕັ້ງ​ໂດຍ​ຄະ​ນະ​ກຳ​ມະການ​ຈັດ​ງານ​ໂອ​ລິ​ມປິກ​ປັກ​ກິ່ງ​ຈະ​ສຳຫຼວດພິຈາລະນາ​ປະ​ພັນ​ອອກ​ແບ​ບທວນ​ໄຟ​ທີ່​ໄດ້​ສົ່ງ​ມາ, ​​ເພື່ອເລືອກ​ເອົາ​ຮ່າງ​ຜັງ 3 ​ອັນ​ແລະ​ສະ​ເໜີໃຫ້​ຄະນະ​ບໍລິຫານ​ງານ​ຄະນະ​ກຳ​ມະການ​ຈັດ​ງານ​ໂອ​ລິ​ມປິກ​ປັກ​ກິ່ງ​ສຳຫຼວດພິຈາລະນາ, ​ແລ້ວ​ສົ່ງ​ໃຫ້​ຄະນະ​ກຳມະການ​ໂອ​ລິ​ມ ປິກ​ສາກົນ​ສຳຫຼວດພິຈາລະນາ, ​ເພື່ອ​ຕົກລົງຜັງ​ອອກ​ແບບ​ໃນ​ທີ່​ສຸດ.